@ ربعك سناعيس الوغا أسود وذياب @

[سطام الشمري]

.. بسم الله الرحمن الرحيم ..


.

.

.


هذه رد على قصيدة الأخ وإبن العم / الحميدي بن حماد العجل الشمري ..
مُهندس عقيد بالجيش الكويتي كان يذهب بين فتره وفتره لليمن للتجاره وإتهمته الحكومه اليمنيه ظُلم بأنه جاسوس كويتي والآن له أربعة شُهور مسجون وينتظر الجلسه التي دائماً تتأجل بالإضافه إلى التعذيب والإهانه التي تأتيه بسجن عدن .. المُشكله وش في اليمن ياحسرتي عشان يتجسس مابه إلا الفقر ..


.

.

.


[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سميت بالمعبود قبل أفتح الباب=وأرسل رساله .. للحميدي .. بعنوان
الصبر مفتاح الفرج عند الأسباب=إصبر وخل إيمانك بربك إيمان
وإذا ألزم أمرك أبشر بنعم الأشناب=ربعك ذرا راسك سناعيس شجعان
بالذل مايرضون للحق طلاب=إرك وتمرك ولا تهاون لما كان
ولا تهمك الدنيا ولو عند الأجناب=ربعك تروض كل صعبات الأزمان
ربعك سناعيس الوغا أسود وذياب=إذا زعلوا يصير بالصدر بركان
يسمع زريمه من ورا ذيك الأحداب=لكن نبي بالعقل تنحل يافلان
ما بالفراسه حل في بعض الأسباب=يمكن يزود الكرب والحق مابان
عندي نصيحه قبل صايب ومنصاب=إحرص بها ياذيب والله ماتنهان
لا تنتخي بمن كان ولو كانوا أحباب=إنخ الولي ياخوك جبار رحمان
ماخاب من به ينتخي وقت الأصعاب=يمهل ولا يهمل فرج كل بلشان[/poem]


.

.

.


سطام فيصل الشمري

[مداءات]

اولا اسأل الله ان يفك اسر قريبك..

وصح لسانك يا خوي ولاهنت على القصيدة, ودائما كمية الاحساس في القصيدة تختصر كثيرا من الكلمات.

[رعشة شنب]

السلام عليكم ورحمة الله وبركاته

صح لسانك

[عبدالله الشويمان-الرعد]

صح السانك يا اخ سطام

قصيده رائعه وسامية الهدف

الله يفك اسر ابن عمك ويفرج عنه كربته..

دمت بخير وصحه وسلامه

[عمر بن عبدالعزيز]

شهادتنا فيك مجروحة أخوي سطام

صح لسانك وبيض الله وجهك

تحياتي وتقديري لك

[سعود الخليل]

نسأل الله ان يعجل بفرج

الحميدي بن حماد العجل الشمري

وصح لسانك اخوي سطام الشمري ،،،، على هذه الابيات

[ناصر الحنو]

الله الله الله ياسطام

رسالة تنبض بالصدق والتوجية

وليس هناك خير من رب العالمين نلتجي اليه في الكرب

اسأل الله ان يفك كربته ويعود لوطنه سالما

صح لسانك ولاهنت ياغالي

كل الحب والتقدير

اخوك ناصر
ظماالعشق