وش قصة الاسبوع الاول في الجامعة

[منكم وفيكم]

السلام عليكم

مساكم ( صبحكم ) الله بالخير

انا طالب في جامعة الملك سعود اول سنة هذه السنة لي

واللي عرفته من الناس والجامعيين ان الاسبوع الاول مافيه دراسة

ولقيت في موقع الجامعة انهم يدعون الطلاب ويسجلون في هالاسبوع

وانا ودي استفسر للي عنده علم بهالموضوع وش القصة في هالاسبوع

عشان أعرف انا لي علاقة ولا لا

اتمنى افادتي

وشكرا.................

[أبو حمـد]

الي سمعته هذا الأسبوع مافيه دراسة ، وأنه تسجيل فقط مثلما ذكرته

الا بالمناسبة ورى ما تشقر عليهم منها تتعرف على القسم والاساتذه والجداول والقاعات ،،، ومنها تجيب لنا العلم الأكيد

[الأم الحنون]

حياك الله

هالأسبوع هو اسبوع التسجيل واضافة مواد اوتغيير شعب

للمستمرين اما المستجدين جداولهم ثابته

وفقك الله

[أبو إبراهيم]

اليوم كان فيه يوم تعريفي لطلاب السنه التحضيريه