( صياف شن الحرب مع تركي الفين )

[النبع]

ياعم .. يالعيـاااار .. يابـو دلامـه..
ليتك تعيش تشاهـد أوضاعنـا الحيـن

تضحـك علينـا ليـن يـوم القيامـه
صاحيـن ... لكـن عدنـا مستلجيـن

نركض ورى الدنيا ركيـض النعامـه
وعند الشدايد ندفـن الـراس بالطيـن

لاقلت مسلـم .. قيـل يعنـي أسامـه
منهو أسامه لجل يوصف بـه الديـن

هـم مـادرو بأنّـا وصلنـا الرخامـه
أخبارنـا صـارت سخافـة عناويـن

( التوت .. يغتال الكرز في منامـه )
( صياف شن الحرب مع تركي الفين )

( باسكال تسرق لحن .. راغب علامه)
فاصـل غنائـي ... آه ياليـل ياعيـن

نعـود للموجـز ... نقـول بختامـه
هذا خبر عاجـل لفا مـن فلسطيـن
الدوخـي يعلـن للهلال انضمامـه ..
عفواً .... خبرنا صار مو من فلسطين!!

شكراً .. لكل واحد عطانـا اهتمامـه
نعود معكـم لأغنيـة .. ليـل ياعيـن

شفتو شكثر هالغرب يخطـيء كلامـه
شفتـو شكثـر حنـا غدينـا سخيفيـن

شفتو شكثر قاسـي علينـا اتهامـه ..
يحسبنا كل ليلـه سهـارى مصليـن!!

مايدري انّـا حـول (فاتـن حمامـه)
نوصف جمال عيونهـا .. والفساتيـن

ولاهي غريبه .. قبلنا أهـل العمامـه
شيابنـا بغمـزة ( سميـره ) موليـن

أريـام .. أم الغنـج .. والإبتسـامـه
صـارت قضيـه مشغلـه هالملاييـن

تدرون عاد ... المشكله مـو اسامـه
ولاهـو اعجـاب العـرب بالمغنيـن

المشكلـه أكبـر وأكثـر .. ضخامـه
المشكلـه ... حنـا بليـا مضامـيـن

أرخص ماعند اليعربـي .. إحترامـه
قلي شلون أعطيـك الاثبـات هاللحيـن

عطه ( الطراق ) .. يقول حب وكرامه
ثنّ (الطراق ) .. يقول أهلن وسهليـن

وتقول لي ( بغـداد ) راحـت ندامـه
ياخيّ جاني علمهـا عـام ( تسعيـن )

ماهـي غريبـه لافقدنـا الزعامـه ..
بس المصيبه نفخر بحرب .. حطيـن

بعنا الكرامـه .. وأشترينـا السلامـه
نبي نفوز بشي .. فزنـا بـولا شيـن

هم وهمونا أن السـلام ( الحمامـه )
صرنا حمايم .. بس صـارو شياهيـن

يكـاد هالإنسـان يفـجـر أمـامَـه
من كثر مايسأل .. متى نوفي الديـن؟!

تظهـر علامـه .. وأتّخفـى علامـه
ملايكـه تقفـي .. وتقبـل شياطـيـن

ومن قال لك توه ... زمـان القيامـه
قله : طريق الشام .. سـووه سيديـن

الشاعر

محمد عواد المطرفي العنزي

[نعومه]

أحسنت في إختيار القصيده أخوي
يعطيك العااافيه

[سعود الخليل]

عز الله انها قصيدة وافيه بيض الله وجه الشاعر والناقل ..

[أبو يزيد]

أبيات رائعة وجميلة

شكرا لك أخي النبع

[أبوعدي]

احسنت الأختيار قصيده ممتازه فيها
من الحكم مايكفي ..

قصيده تستحق القراءه

[النبع]

المشاركة الأصلية كتبت بواسطة حمد   ابدعت الإختيار يالنبع ولاهو غريب عليك اعجبتني هالقصيده رااائعه

ياهلا بلاخ حمد شرفني تواجدك وتغليقك وفقك الله ,,,

[النبع]

المشاركة الأصلية كتبت بواسطة نعومه   أحسنت في إختيار القصيده أخوي يعطيك العااافيه

ياهلا نعومه اشكرلك مرورك وفقك الله ,,,

[النبع]

المشاركة الأصلية كتبت بواسطة راعي الأوله   عز الله انها قصيدة وافيه بيض الله وجه الشاعر والناقل ..

اخي الغالي راعي الاوله وبيض الله وجهك
اسعدني تواجدك وفقك الله ,,,

[النبع]

المشاركة الأصلية كتبت بواسطة أبو يزيد   أبيات رائعة وجميلة شكرا لك أخي النبع

الاخ ابويزيد ياهلا والله شرفني مرورك ,,,

[النبع]

المشاركة الأصلية كتبت بواسطة أبوعدي   احسنت الأختيار قصيده ممتازه فيها من الحكم مايكفي .. قصيده تستحق القراءه

ياهلا ابوعدي تسلم يا الغالي مرورك عطر الموضوع ,,,