ياقمر خمسه عشر.. اسمك الليله بدر
وطلتك نص الشهر.. مثل مردود السلام
وانت يالقلب الخضر .. مايطيب الك السمر
غير مع نبت وزهر.. والحقيقه ماتلام
مالت غصون الشجر.. بالورود وبالثمر
والصبر مابه صبر ..عند مذخور الحشام
يوم جاء الغر الاغر .. كنه الظبى العفر
اطرقن اهيف خصر.. مشيته مشيت حمام
مرحبا بك ياقمر.. ما أنت من بطن وظهر
انت زينك ماخبر.. فى بني ادام حرام
ماتقول انك بشر.. انت كوكب فالمجر
تقهر العالم قهر.. بين شرق وبين شام
قدر الله لك قدر.. انك تزور الحضر
والجمال المعتبر... له حقوق وله مقام
جيت يا سحرٍ سحر .. له قلوب وكم اسر
وبالكلام المختصر انت شفّي والمرام
يابديع الحسن ادر.. يا جواهر يادرر
ليت من يمي تمر.. ياشكل بدر التمام
لو بوصّف واستمر .. بالوصوف اللى تسر
صرت فالزين افتكر.. لاخيال ولاحلام
اه ياحلو الثغر .. والمعنق والنحر
والشعر يوم انتثر .. اشتعل برق الظلام
ياهجوس الشعر كر.. لامجال ولامفر
ليلنا الليله دجر.. فاالغرام وفاالهيام
الجمال اليا حضر.. منتظر يامنتظر
ضمته تسوى الدهر.. عام يمشى بثر عام
مدحنا له لو كثر .. مايعبّر لو عبر
والبحر هو البحر.. والتحيه فا الختام