حنا خلقنا الله على العز والطيب

[بقايا الذكريات]

حنا خلقنا الله علي العز والطيـب
والمرجله ما كـل رجلـن كفلهـا
لا نظلم الغايب ولا نعلـم الغيـب
لا شك نعرف جدها مـن هزلهـا
بعض الخطايا توجع القلب وتصيب
وبعض الخطايـا طيبنـا يحتملهـا
والكلمه اللي قلتها باالظهر عيـب
لا شفتني حزم ضلوعـك وقلهـا
خل السوالف مال لمثلك مطاليـب
مايعتنـي باالسالفـه مـن جهلهـا
والخطوه اللي دربها وعر وصعيب
شوري عليك ان طولـت تعتزلهـا
لا صار مالك باالمراجل مقاضيب
اترك حمول الطيب واترك جملها
ان جيت اقدر عذري السن والشيب
والا انت قدرك في مواطي هملها
يوم القصايد نظمها يصيب ويخيب
جتني القصايد ترتجف من خجلهـا
وان كان لجزال القصايد معازيـب
حنا معازيـب القصايـد واهلهـا

[أبو حمـد]

يا سلالالالالالالالالالالالالالام ،، ياسلالالالالالالالالالالالالالام ،،



يوم القصايد نظمها يصيب ويخيب ** جتني القصايد ترتجف من خجلهـا

وان كان لجزال القصايد معازيـب ** حنا معازيـب القصايـد واهلهـا


قصيدة جزلة ،، وإن كنت اتمنى رؤية القصيدة الأساس ،، التي نظم هذا الرد عليها ،،

يعطيك العافيه صديقة الإجيال ،، وصح لسانك ولسان شاعرها ،،

[بقايا الذكريات]

صح بدنك اخوي حمد ..وممنونه لك هالتواجد الكريم .وانا وجدتها بدون

قصيد ه اساس