(( البر أحبه وأحب اللي يحبونه ))

[شـمـ إمرأة ــوخ]

:
:
:
:
:
:



السلام
عليكم ورحمة الله وبركاته






البـر احبـه واحـب اللـي يحبونـه
من صغر سني وفيه النفـس مولاعـه
هوايـة فـي صميـم القلـب مدفونـه
تجري مع الدم في مشيـه ومرجاعـه
خصٍ اليا الوسم مزنه مالـت ردونـه
واسقى الضوامي ونبت العشب في قاعه
وقام الشمالي يلاعـب ليـن غصونـه
يازين مـع نفحـة النسمـه تمرياعـه
اعشق زهوره ويسحر ناظـري لونـه
واشم عطـره واقـوم اعـدد انواعـه
نفـل وبسبـاس وخزامـاه وفنـونـه
وربلـه ونـوار والحـوذان واتباعـه
والقحويـان ويهـق ياللـي تعرفونـه
وشرشر وحميّض وشقاراه واقشاعـه
احـب ازوره قبـل لا البـدو يرعونـه
اروى النظر منه لامـن زان مرباعـه
واحـب حـرٍ يشـاف الفيـد بعيونـه
ربحان من يشتريه وخاب مـن باعـه
حـرٍ ليـا شافـوا البرقـا يهـدونـه
واليا طلع في سماهـا صابهـا راعـه
لاشافها بامر رب العـرش مضمونـه
لاهوا على صيدتـه ماخانـه ذراعـه
وخوّة نشاما خـوي الجنـب يغلونـه
على النقا جامعيـن الطيـب والطاعـه
الفرض لاحـان فـي وقتـه يصلونـه
وفي مغفرة خالـق الاكـوان طماعـه
البـال لاحـل بـه ضيقـه يسلـونـه
ووقـت الله الله فـزاعـه وجـزاعـه
اليا بغوا درب مايمسـون مـن دونـه
اسباع ليـل ونهـار ونومهـم ساعـه
باسج معهم طرب والـروح مرهونـه
وتالى الزمان العمر مدري عن اوضاعه


شعر /ضاوي العصيمي

[طالبة المعالي]

وعليكم السلام ورحمة الله وبركاته ..
كلمات جميلة ماشاءالله - ومن اللي مايحب البر ؟؟ لا أظن أن هناك أحد

شكراً لك أختي شموخ بوركت وبورك الشاعر ..

[مداءات]

المشاركة الأصلية كتبت بواسطة شـمـ إمرأة ــوخ   : باسج معهم طرب والـروح مرهونـه وتالى الزمان العمر مدري عن اوضاعه

رائع ..

شكــراً لكِ أختي الغالية شموخ...

على الأختيار الجميل..

[$همس$]

"

اعشق زهوره ويسحر ناظـري لونـه
واشم عطـره واقـوم اعـدد انواعـه

رااائعه جدا وكأنني في جو بري

سلمت لنا ذائقتك ياشموخه <<شوي وبنطلع للمخيم

أسعدك الرحمن

ورفع نزلك بالجنــــــان

[شـمـ إمرأة ــوخ]

المشاركة الأصلية كتبت بواسطة هند السبيعي   وعليكم السلام ورحمة الله وبركاته .. كلمات جميلة ماشاءالله - ومن اللي مايحب البر ؟؟ لا أظن أن هناك أحد شكراً لك أختي شموخ بوركت وبورك الشاعر ..

.
.
.


اهلين والله يــ هنـــد

الناس لمى يعشقون مذاهب


للك جزيل الشكر يالغلا


.
.
.

[عبدالله بن عبدالعزيز]

ابيات جميله

شـكــ وبارك الله فيك ـــرا لك ... لك مني أجمل تحية .

[الحنونة]

وخوّة نشاما خـوي الجنـب يغلونـه
على النقا جامعيـن الطيـب والطاعـه
الفرض لاحـان فـي وقتـه يصلونـه
وفي مغفرة خالـق الاكـوان طماعـه
البـال لاحـل بـه ضيقـه يسلـونـه
ووقـت الله الله فـزاعـه وجـزاعـه
ابياااااااات رائعة تسلمين ياالغالية على هذه الابيات ودامتِ شموخاً لناوالف شكرا.........وتقبلي مروري...