السياحة الداخلية أدخل للأهمية

[جاركم حريملاوي]

من عادتي الاختصار وأني أدخل في الموضوع سيدة

أنا سافرت لمدة 10 أيام تقريبا بين الطايف والباحة وابها ، علشان الجو والبراد، لكني أنقهرت قهر غير طبيعي

السبب

1- الغلاء الفاحش في الأسعار والمطاعم والمنتزهات والملاهي
2- الخداع الإعلامي ، قبل ما أسافر وأنا اشوف التلفزيون ويقولون خضرة وجو وشي غير طبيعي، وأروح وإلا كل السالفة كذب×كذب
3- ذالين العزاب ذل غير طبيعي رغم أنهم يقولون السياحة والسياحة
4- التعامل الغريب الي يتعاملون معانا فيه، خصوصا في الفنادق والمطاعم كانك تشحذهم

بصراحة ودي يا جماعة الخير أشوف رايكم في السالفة هذي

[margog]

رايي يابعد حيي
( مخباتك تخدمك ) فلوسك دراهمك
وش لك فيهم
انت سو اللي عليك اتجاهم
وبعدين انت تعرف ان نيتهم بطاله نسبه تسعه وتسعين بالميه يانظرون للعزاب انهم حقين فساد هذا منظرهم
يعني اللي معه عوائل مايغلط محشوم من الغلط ياناس والله قهر من جد والله قهر
هذا هو المنظور اللي نصادفه في حياتنا من كل شخص انه يسئي النيه بالعزاب سواء من اي شخص تقابله
وبالنسبه لارتفاع الاسعار هذا شي عادي ومن زمان كان موجود ولا راح تقدر تعالجه لان فيه غيرك يدفع وهو ساكت
واذا كنت مستغرب منه فهو عادي عند الناس بس مايقدرون يقولون شي لانه اصبح عادي عندهم
والمفروض يكون فيه تسعيرة من الامانه او البلديه او من مجلس البلد الي هو فيه
وبالنسبه للمناظر اللي يقولون عنها هذي بالتلفزيون يعني عوائل عزاب لا مايصلح وكلها قديمه على اوقات الربيع هاك السنه
وحتى الحدايق او الممنتزهات مسكرة
بس الحل الوحيد مالك الا حديقه ( [blink]جلاجل [/blink] ) بسدير هي الوحيدة بسدير او بالمملكه العربيه السعودية متضامنه مع العزاب اللي مكتوب عليها للعزاب يعني لا لالعوائل
وابي اضيف شي
اذا كان على التسعيرة اشوف الصراحه فيه تلاعب وكبير والله
تخيلو في ابها سنه من السنين اتوقع عام 1411/ 1410 هـ والله ماني متذكر اي سنه كان وايت المويه ( ماء ) ياناس واصل عندهم حوالي 750 ريال تخيلو مويه ب 750 هذا في ابها فما بالك في الطائف الشقق على 500 واكثر بعد يعني حراميه بالمعني الصحيح
الخارج ارحم منهم
الصارحه
الا في حاله وحدة انك ابن البلد ولا تسكن في الشقق المفروشه اسكن في خيمه انت جاي تتمشي وتسكن في خيمه وحتى الببسي اللي عندنا بريال في المنتزهات ب2 / 3 / 4 تخيلو يعني ليه كذا وين المتابعه عنهم وين الرقابه وين الغرامات المفروض يكون فيه شي رادع لهم وتسعيرة واحدة ياخي حرام والله حرام والله حرام
الظاهر يحسبون ان الشخص جالس على كنز اهل الشقق المفروشه
مادرو انه الانسان يالا يعبر نفسه وبيته
لكن مالك الا بيتك
مد رجليك على قدر لحافك
يعني لاتروح ولا تجي ولا تسافر خليك في بيتكم افضل لك هذا اهو الحل الوحيد والله قهر الصراحه اني ابن البلد ولا استفيد من السياحه فيها كله بسب الغلا وارتفاع الاسعار واوووو الخ ......
لكن الله يكون بالعون
واتمنى انه يكون فيه تسعيرات من قبل البلديه في كل شي ويكون فيه متنفس للعزاب من حدايق من منتزهات وحتى الشقق المفروشه
والللي يبي يغلط من العزاب او العوائل ياخذ جزاءة
<<<<< اللهم لك الحمد عندنا الاسلام الدين اللهم لك الحمد نعمه والله نعمه اكبر نعمه على الاسلام
وتطبيق الشريعه
واذا غلط الشخص ياخذ جزاءة ردعا له وعبرة لغيرة
ويكون فيه جزاءات للي بيغلط او انه يسوي شي غلط
ولا نضع العتب على العزاب فقط انما يجب ان يكون هناك متابعه من قبل الاسرة لابناءها و بناتها الله يستر على الجميع

تحياتي لك واشواقي
جاركم حريملاوي
اقول حريملاوي
الا على طاري العزاب مابعد كتبو لوحه على
الشعيب اللي عندكم للعوائل فقط
شعيب السد عرفته اللي مشجر ذاك خخخخخخخخخ
تحياتي لك وماقصرت اخوي راعي حريملا

[جاركم حريملاوي]

أخوي مرجوج يعطيك العافية

والله موضوع بصراحة مهم ، وعلى فكره شعيب حريملاء ثلاثة أرباعه للعزاب واستثنينا جزء بسيييييييييط للمتزوجين

وحياك الله يا مرجوج رجك الله رجا مبرحا!!!

[صويلح]

الصدز ما قد رحت للجنوب لكن اسمع ان الشقق فيه تاصل لـ 2000 ريال وفوق هي هي هي هي هي الا يا مستأجر باكثر من 300 ريال

يا راعي حريملا عندك ناس تبي تبلع فلوس وبس يا كافي



السياحه اشوفها في بطحاء وراط والا جلستن في نخلنا في الليل على نغمات الصوارير احسن بالف مره من تلفريك اهل الجنوب >>> لا تقول ما يركبون فيه العزاب




اقول يا راعي حريملا يبي لنا طلعتن في الشعيب حكم الي يقول عنه مرجوج وانا علي لحمة الحاشي وانت العده !!!!!!!!!!!!!