مأساااااااه

[نوض برق]

[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
السلام عليكم ورحمة الله وبركاته

لا واحسافه وقتي اللي تحريت=اثرك تعاملني بخبث ولواقه
لا جتني الزله تسامحت واغضيت=ولا جا الخطا مني تعده حماقه
منول ارجيك لا اصبحت وامسيت=واقول يمكن فيه ظرف اعاقه
ومنول ياما لشوفك تمنيت=واليوم خير من لقاك افتراقه
اطرد سرابك لين الاقدام احفيت=واسقيتني من ماه مر مذاقه
حب بلا اخلاص يالد وهو ميت=وانت السبب في موتته وانزهاقه
اكبر خطا اني بحبك تماديت=واكبرصواب اني قطعت العلاقه[/poem]

[نوض برق]

السلام عليكم ورحمة الله وبركاته

قصيدتي (ماساه) وليدة معاناه آمل مواساتكم
شكرأ لكم
(نوض برق)

[عبدالله الفـارس]

يا هلا بنوض برق

قصيدة متميزة

صح لسانك على هالأبيات الجميلة

شاكر لك

[الود طبعي]

صح الله لسانك على نصبة البيت
البيت يتبع صلحبه في مساقه
قريتها وذكرتني يومي أعطيت
روحي وقلبي وطيب هرج ولباقه
أعطيتها للي من القلب حبيت
اللي تميز بالحلا والأناقه
أهديتهاعمري ويومي تنحيت
جاني سهمها معلن بالإعاقه
ياليتني قبل ألتفت طايح ميت
ولا أشوف اللي عطاني وثاقه
يالآدمي مالك بالأقدار تفويت
ومن ذاق طعم الحب ذاق افتراقه

صح الله لسانك يانوض برق أعتبر هذه القصيدة كالمزنة التي لايكاد يفصل براقها بل ورعدها أسمعه منذ أن فتحت عليها حتى أمطرت هذه الأبيات

[نوض برق]

الأخ / عبدالله الفارس حفظه الله
الأح/ الود طبعي حفظه الله
أشكركما على المرور والإطراء وهذا لطف منكما ، وللأخ الود طبعي سلمت يداك على الأبيات الجميلة التي تحاكي الموضوع .
لكما الود قبل الورد .