يبو زيدالهلالي لاتسل السيف ابو حدين.......؟؟

[عبدالعزيز الصعب]

السلام عليكم ورحمة الله وبركاته

اسعد الله صباحكم بالخير...ارجو ان تنال اعجابكم هذه القصيده اللتي كتبتها بالامس القريب
..........................

يبو زيدالهلالي لاتسل السيف ابو حدين
.................................ترى دنياك وان غرتك لاتامن عواقبها


اشوفك مرخين سمعك على مال الشريف حسين
..................................وناسن.. ماتطالبك.بحــــلالك... لاتطالبها


الا هبت هبايبها تذرى فالمحلّ الزين
...................................وتوقع للنتيجه من بعدها وش يصاحبها


تخايلك بروقن في مناشيها لها اسبوعين
.............................واضنك ضمن عشره خايلو بارق سحايبها


الا يالصاحب ارفق لاتكيّل صاعها صاعين
....................................بعد وصلت علومك ماجهلنا في هنادبها


انا وانته مغير اثنين وانت تعدّل الصفين
......................................وانا رجال مثلك حامي اللحيه وشاربها


انا توي دريت انك من اللي يقبل التثمين
...................................تخاطب لك بشر يالله دخيلك من يخاطبها


الامنك كسبت الاوله لاتخسر الثنتين
........................................تحزم بالجبال ولاتتقىآ في محاضبها


يقولون الذهب يحتاج قبل التصفيه تعدين
.......................................وانا اقول الذهب ربعن تشرفنا مذاهبها


جنينا من البحر در وجنينا كل غالي زين
.....................................وناسن فالبحور تعوم تجني من طحالبها


تذكّرنا الليالي في مصب النيل ابو شطين
.......................................بعد ماحولو ستة عشر كثرة مصايبها


ليا خابت ضنونك لاتخالف وجهة الركنين
......................................كسبها من كسبها بعدِ ماصلى وطافبها


من اللي يجمع الحر النداوي مع غراب البين
....................................هذاكـ اللي على شر العرب نفسه يجاذبها


ترى بعض البشر شره على الاقصين والادنين
.........................................ولايخفاكـ منهو جهز الطبخه وقالبها


وصلاة الله على من حطم الاصنام لجل الدين
..........................................نبين خص الله بالرساله يوم فازبها
.................
وسلامتكم

[محمود الغرب]

قصيده رائعه بها الكثير من المواعظ والحكم

[أبو حمـد]

وعليكم السلام ورحمة الله وبركاته ،،


هلا أخوي عبدالعزيز ،، وصبحك الله بالخير ،،


ما شاءالله ماشاءالله ،، ولله درك قصيدة جزلة وعتاب راقي ،،


اعجبتني كثيراً هذه القصيدة وما حملته من معاني ،،


صح لسانك أخوي عبدالعزيز ،، وشكراً لك ،،

[عبدالعزيز الصعب]

المشاركة الأصلية كتبت بواسطة حمد ولد أبو حمد   وعليكم السلام ورحمة الله وبركاته ،، هلا أخوي عبدالعزيز ،، وصبحك الله بالخير ،، ما شاءالله ماشاءالله ،، ولله درك قصيدة جزلة وعتاب راقي ،، اعجبتني كثيراً هذه القصيدة وما حملته من معاني ،، صح لسانك أخوي عبدالعزيز ،، وشكراً لك ،،

ياهلابك ...الله يصبحك ..يمسيك بالخير..اسف لتاخري على الرد

الله يسلمك وهذا دليل على تذوقك للشعر استاذ حمد

صح بدنك...وماعليش حاولت ارد على رسالتك لكن للاسف مشاركاتي قليله ورفض القبول...

اما من ناحية ماذكرت بالرساله فانت راع الاوله وابشر بكل مايسرك.

شاكر مرورك وبارك الله فيك

[عبدالعزيز الصعب]

المشاركة الأصلية كتبت بواسطة محمود الغرب   قصيده رائعه بها الكثير من المواعظ والحكم

مشكور والله يعطيك العافيه...روعة القصيدة لاينبع الابمروركم الذي يشرفني