بيوتن على سبك المعادن تصاغي///////

[عبدالعزيز الصعب]

بسم الله الرحمن الرحيم
.........

ارجو ان تنال اعجابكم

...............

يقول الذي هندب وغنا وصاغا..
بيوتن على سبك المعادن تصاغي


من الخافي المكنون ماهو فراغا..
وزانت معانيها بوقت الفراغي


ولا حاص عني حرف واحد وراغا..
ارده ليامن راح عني وراغي


اخلي حروف الشعر عندي تباغا..
مادمت في نظم التماثيل طاغي


بيوتن من الهاجس تحن وتراغا..
على راس قافن مصدره من بلاغي


واصدر عليهن من هجوسي بلاغا..
لياصار بالي رايقن لي وباغي


وَلا ياحبيب القلب حنا انتباغا..
ولانفترف مثل الحَلَق والبراغي


تذكرت يومن البصر فيك زاغا..
وان ماجحدت ان البصر فيك زاغي


يومنك تمرغ فوق ذيك المراغا..
وتوك صغير السن ماتنتصاغي


تبينا نجي من فوق والا انتصاغا..
وانا اموت لاشفتك بحال متصاغي


وتذكرت ابوك وكلمته فيك (ياغا)..
نهار التيوس بحوش عمك تثاغي


ونسيت المكان اللي عليه انتلاغا..
بعد منت يالمجمول راضي وباغي


وانا كيف ماجيلك وربعك فداغا..
ولا احدن منعني قال وين انت باغي


يشيلون روسن ماعليها دماغا..
ومن بينهم طاقيتي والشماغي


ومن بعد شفت الناس قامت تلاغا..
وكثر الكلام وزاد فيه التلاغي


تَرَكت اللبن مع طاستك والدباغا..
ادور على ناسن تسد الفراغي
..............................
وسلامتكم

[أبو حمـد]

السلام عليكم ورحمة الله وبركاته ،،،



والإبداع يتواصل ،، ما شاءالله ،، والله يعطيك العافيه اخوي عبدالعزيز ،، قصيدة مميزة ذات رونق فريد ،،


والله يا القافيه وقفت عندها كثير ،، قافية صعبة لكنها ليست كذلك لشاعر كبير ،،


اعجبتني القصيدة بجد ،، وصح لسانك أخوي عبدالعزيز


دمت بخير ،،

[عبدالعزيز الصعب]

المشاركة الأصلية كتبت بواسطة حمد ولد أبو حمد   السلام عليكم ورحمة الله وبركاته ،،، والإبداع يتواصل ،، ما شاءالله ،، والله يعطيك العافيه اخوي عبدالعزيز ،، قصيدة مميزة ذات رونق فريد ،، والله يا القافيه وقفت عندها كثير ،، قافية صعبة لكنها ليست كذلك لشاعر كبير ،، اعجبتني القصيدة بجد ،، وصح لسانك أخوي عبدالعزيز دمت بخير ،،

تسلم الله يرضى عليك...وهذا من طيبك وتذوقك للشعر لكن لاتشره علينا والله تونا مبتدئين بالشعر..

وباذن الله مانجيب الا اللي يعجبكم...صح بدنك ومشكور على مرورك