امثال شعبيه من سدير

[مولع]

امثال جيده .. وبالصراحه ما عاد لها ذكر ... الا من بعض كبار السن او من يخالطهم ...

وفيه مثل معجبني يقول ( من بغاه كله خلاه كله ) .

[saleh hamad]

اخي الكريم وادي سدير الأخوان والأخوات
السلام عليكم ورحمة الله وبركاته تحيتي لكم جميعا سمعت في غير منطقة سدير قول دارج ألا وهو أجار أهل سدير جزاك الله خير
أفيدونا ماهي قصته إذا كان له قصه

لكم تحياتي ودمتم بخير

[وادي سدير]

مس سدير

احساس

القرم

مولع

اشكركم على مروركم واضافتكم الجميله للموضوع

لاحرمنا الله من تواجدكم

[وادي سدير]

المشاركة الأصلية كتبت بواسطة saleh hamad   اخي الكريم وادي سدير الأخوان والأخوات السلام عليكم ورحمة الله وبركاته تحيتي لكم جميعا سمعت في غير منطقة سدير قول دارج ألا وهو أجار أهل سدير جزاك الله خير أفيدونا ماهي قصته إذا كان له قصه لكم تحياتي ودمتم بخير

اخوي صالح

كروة اهل سدير جزاك الله خير

هذه احدى مناقب اهل سدير

الا وهي التكاتف والتعاون والمرؤه والشهامه اللتي تأصلت في انفسهم

هم لايقبلون عند تقديم المساعده لاخيهم او جارهم او من يساعدونه اين كان ان يأخذو منه مقابل مادي جراء ماقدمو له من مساعده

لذالك كلمة جزاك الله خير يعتبرونها ابرك وافضل من فلوس الدنيا

ولاكن غيرهم ممن لم تتوفر فيه تلك الصفات النبيله لم يفهم معنى تلك الجمله

فهو يعتقد انها تقال لكي لا يدفع الشخص المساعد مبالغ ماديه

ولاكن الواقع ان من ساعدو هذا الشخص لايقبلون الماده مقابل مساعدتهم

اي يفكرون بالماده فقط وينسون الخصال الحميده اللتي يتمتع بها السديراوي



نظره قاصره منهم ولا نلومهم لان ذالك هو حدود معرفتهم وثقافتهم اللتي اكتسبوها من مجتمعهم



يعني المفيد بدري عليهم المرجله

خلهم في نظرتهم المحدوده وكلشي يقدمونه يبون عنه فلوس

[سلطان العضيدان]

وادي سدير

اشكرك مره اخرى على الجهد الجميل
والحقيقة انا عندي الكثير من الامثال الشعبية
ولكن لا اعرف هل هي سديراويه ام لا .. ؟

وهل تسمح لي بطرحها ام نكتفي بالامثال السديراويه

[سعد القاسم]

موضوع جميل جدا ..
ولكن اخوووي هل كلها من سدير .....؟؟
لاني قريت امثال بعضها اكيد انها من سدير ....
ولكن بعضها ؟؟؟ في توقعاتي ... انها ليست من سدير .... مادري عااد ....
ولكن اعجبني اصرف مافي الجيب خخخخخخخخ ... يعطيك العااافيه يالغاالي مجهود طيب والمواضيع هذي مرجع مهم .. للي بيرجهع لها ..
وللامثال جزاك الله خير ..
وش راايك اصمم كل مثل في صوره تصميميه .... وتحطها في الموضوع ... وتحط الكلام تحت كل صووره وانا مستعد وش رااايك ؟؟؟؟ عرض مغري لا تخاف مابي دراهم خخخخخخخ << كلن على همه سرى .... خخخ قروي ..

[وادي سدير]

المشاركة الأصلية كتبت بواسطة راعي الغاط   وادي سدير اشكرك مره اخرى على الجهد الجميل والحقيقة انا عندي الكثير من الامثال الشعبية ولكن لا اعرف هل هي سديراويه ام لا .. ؟ وهل تسمح لي بطرحها ام نكتفي بالامثال السديراويه

هلا اخوي راعي الغاط

وحياااك

الباب مفتووح لطرح ماتريدون من امثال

وفي الحقيقه انني عندما بداءت الموضوع كنت انوي ان اجمع اكبر عدد من الامثال السديراويه ولاكني تكاسلت ايضا لم اجد الوقت الكافي للتفرغ لجمعها



شاكر لك مرورك

[وادي سدير]

المشاركة الأصلية كتبت بواسطة س ق م سدير   موضوع جميل جدا .. ولكن اخوووي هل كلها من سدير .....؟؟ لاني قريت امثال بعضها اكيد انها من سدير .... ولكن بعضها ؟؟؟ في توقعاتي ... انها ليست من سدير .... مادري عااد .... ولكن اعجبني اصرف مافي الجيب خخخخخخخخ ... يعطيك العااافيه يالغاالي مجهود طيب والمواضيع هذي مرجع مهم .. للي بيرجهع لها .. وللامثال جزاك الله خير .. وش راايك اصمم كل مثل في صوره تصميميه .... وتحطها في الموضوع ... وتحط الكلام تحت كل صووره وانا مستعد وش رااايك ؟؟؟؟ عرض مغري لا تخاف مابي دراهم خخخخخخخ << كلن على همه سرى .... خخخ قروي ..

اخوي س ق م

اهم شئ انها بلهجة السديراويه ويرددها اسلافنا الاولين

البيئه النجديه متشابهه وماتقد تفرق بين كل الامثال وتعرف مصدرها

بس لو جاء واحد وقالك هالمثل

ما يستوي المحزم الا بجنبيه(وهو مثل من الجنوب)

عرفت انه مثل غير سديراوي وليس من البيئه المحيطه بسدير

تعرف على طول انه من الجنوب

لان كلمتي يستوي وجنبيه اللي يالجمله ليست من بيئتنا

اما الامثال اللي رددها بوي وجدي وابوك وجدك فهي سديراويه 100% ولو ماعرفنا مصدرها بالظبط


شاكر لك مرورك وتعقيبك واثرائك



اما بالنسبه للعرض المغري

فماعندي مانع وتكون مشكووور بالزاف












اخوي عرضك لازم تاخذ عليه فلوووس

من حقك



بس ماهو مني

من المشرف العام

هو الي ماسك الميزانيه

ولاتنس عند تسجيل الفواتير

الشرط اربعوون

[سلطان العضيدان]

[align=center] راحت صــلحـه
يقال هالمثل :اذا اثنين تهاوشوا وتناقروا بالهواش ثم بداء ملامح التراضي ..


لاحنيــس ولا ونيــس
مكان فاضي ما فيه احدن ابد


يسرق الكحل من العين
هالمثل يقال للحرامي المحترف


اللي بقلبه على لسانه
يقال هالمثل للي ما هوب يكتم الاسرار [/align]

[وادي سدير]

[align=center]اخوي راعي الغاط

مشكور على اضافه تلك الامثال الجميله


وهذه مجموعه اخرى



كلن عليه من زمانه واكف

اي ان الجميع يقعون في مشاكل او صعوبات وان كانت تتفاوت في صعوبتها ويسرها من شخص الى آخر حسب الظروف ولاكن الجميع معرضون للمصاعب




ولد بطني يعرف رطني

اي ان الشخص اللذي يعرف الكثير من اسراري وطباعي وتصرفاتي ويعلم عن خبايا امور تخصني سيكون يعرف او يتوقع اي تصرف او رد فعل اقوم به او مايجب علي ان اتخذه من قرار في بعض المواقف بحكم علمه بالكثير من المعطيات اللتي تدفعني للتصرف او اتخاذ القرار او مايجب ان اقوم به من عمل




الاعور في ديرة العميان مفتح

اي ان من يملك قليل من معرفه وسط من لايعلمون يكون مثل المبصر اللذي يستطيع ان يرى ولو كان بعين واحده





ما قل دل وزبدة الهرج نيشان

وهو شطر من بيت اعتقد انه لراكان بن حثلين استخدمه اسلافنا بمعنى ان الكلام القليل المفيد افضل من الكلام الكثير




نوم الظالم عباده

يقال هذا المثل للشخص الظالم المستبد لأن في نومه راحه وسعادة لغيره ولأنه بابتعاده ونومه يكف بلاه وشره عن الناس ولذلك يكون نومه كالعبادة التي يجني منها هو وغيره الخير الكثير[/align]

[سلطان العضيدان]

الضب شبعان دبى
يقال هالمثل للشخص اللي متعشي وشبعان وراح لربع توهم متعشين
وقالوا له اقلط يا ابو فلان ورفض يقلط


عنز الشيوخ نطاحة
يضرب هالمثل للي عنده واصطه وهو مهناش


العين عليه حمراء
تنقال للشخص اللي زعلانيين عليه اخوياه


النار ما تخلف إلا الرماد
تنقال لرجال النشمي وعنده ولدن كمخه

[وادي سدير]

.

مشكور اخوي راعي الغاط على المرور والاضافه







القلوب شواهد

تعبير عن المحبه والألفه وتطابق الاراء




القدر مايركب الا على ثلاث

دعوه للتعاضد والتكاتف لاتمام امر يحتاج الى جهد اكثر من واحد




العيش قص والتمر خص

للتوجيه لاتباع نظام مرتب ومؤدب في الاكل




جاك يا مهنا ما تمنى

تعبير عن حدوث امر يلقى هوى في النفس ويطابق للمصالح ويتفق معها




يدخل عصه بشي مايخصه

يضرب لمنهو دائم التدخل بامور لاتعنيه
.

[جنون]

[align=center]الله يعطيك الف عافية اخوي وادي سدير على هذا الموضوع المفيد..
والشكر موصول لكل من ساهم معاك..
الله يجزاكم خير..
وبانتظار البقية..[/align]

[وادي سدير]

المشاركة الأصلية كتبت بواسطة جنون   [align=center]الله يعطيك الف عافية اخوي وادي سدير على هذا الموضوع المفيد.. والشكر موصول لكل من ساهم معاك.. الله يجزاكم خير.. وبانتظار البقية..[/align]

حيااك الله اخوي جنون

وشاكر تواجدك وتعقيبك

[مشــاعر]

مشكور اخوي وادي ويعطيك العافيه

بس المثل الي دايم على لساني هومد رجليك على قد الحافك

وتحياتي لك