لاب توب اسوس مستعمل استعمال نظيف للبيع للجادين فقط

[أم لجين]

بسم الله الرحمن الرحيم

السلام عليكم ورحمة الله بركاته

عندي جهاز لاب توب شركة اسوس موديل f81s

استخدام شخصي ماله الا 10 شهور عندي لالحين بقراطيسة وربي شاهد حتى بطاريته ماشتغلت عليها ابد لالحين بلصقة وختم الشركة مانفكت ابد

وهذي بعض مواصفاته الاساسية :

اللون : ابيض
شاشة : 14-15
المعالج : انتل كور تو ديو
الويندوز : فيستا بس انا غيرته لويندوز بروفيشينال
كرت السماعه منفصل
الهارديسك: 320
الرام: 3 جيجا
وفيه مدخل hdmi
والسي دي شغال
وله 3 مداخل يو اس بي
وايرلس
بلوتوث
كاميرا

الجهاز مانفك نهائيا ولا تصلح شي فيه ابد ابد غير اني غيرت الويندوز وبيني وبينه رب العالمين لااغشكم ولاتغشوني

وارجو من الاخوه ان لايبخسوا سعره علي لانه جديد ونظيف والشغل عليه ممتاز ماشاء الله بس انا حابه اغير ونفسي بجهاز صغير الحجم اخذه معي وين ماروح ويدخل باي شنطة

ملاحظة :

الجهاز بقراطيسة مرررررررره حتى غلاف الشاشة والماوس الاصبعي لالحين عليه ونظيف ولونه بيبين نظافته للي بيشريه

رجاءا الموضوع للجادين فقط لاحد يناقش وهو مافي راسه شراء

واهم شي لاتنسون

لاتبخسوا سعر الشي اللي يستاهل

طبعا اللي يبي الجهاز راح ارسله التفاصيل وان بغى الجهاز واكد عليه ارسلت له صور الجهاز بعد

وتراي مااحلل ولا ابيح اي احد يناقش في الموضوع وهو موب جاد في الشراء

على فكرة معي ماوسه وشنطته الاصلية من نفس الشركة اللي بس يبي الجهاز بالحاله بعته ياه بدون ماوس وشنطة وبراعيه باذن الله فيه
اما اذا مع الماوس والشنطة اللي يبي يشتريه بسومه طيبه ترضيني لان الماوس بالحاله سامته وحده مني بـ150 ريال ، بس قلت اشوف اذا احد يبي الجهاز كامل مع كل توابعه ويسومه سومه طيبه ترضيني وترضي ضميره بعته الجهاز بملحقاته كامله

الله يرزق الجميع

تحياتي اختكم

ام لجووووووووووووووووووووون

[احمد ولد عبدالله]

اهلين اختي ام لجين
نفتح المزاد ونقول 1200 ريال
والله يجيب الخير

[ضاد]

نبي صور بعد آذنك ~

[ناصر بن عبدالله]

[align=center]
اهلين اختي ام لجين
ونقول 1300 ريال]
والله يجيب الخير
[/align]

[أم لجين]

اخواني اول شي الله يجزاكم خير
سامه مني راعي محل كمبيوترات في السوق بالف وسبع بس الجهاز يسوى اكثر وانتم تعرفون محلات الكمبيوتر يخسفون السعر عشان هم بيبيعونه بفايده ولولا ان الجهاز يسوى ماكان عطاني السعر ذا

من ناحية الصور اللي يبيها باحاول احطها اليوم او بكره في الموضوع وسلامتكم

[سـ ع ـود]

الله يرزقك ..


شاريته بكم اختي أم لجين حتى لانبخس السعر ,,

وكم الحد ؟

[أم لجين]

هلا اخوي

انا ابي فيه 1800 بدون ماوس وشنطة لان الماوس سامته وحدة ب150 ريال بالحاله

والا الجهاز يسوى اكثر بس انا ابي حق الجهاز الصغير اللي ابي اشتريه مو طامعه في اكثر من كذا والبيعه للي يزود

اما اذا احد يبيه كامل راح يكون بزيادة على حدي اللي حاطته

اليوم باذن الله اضع صوره

[أم لجين]

الجهاز شريته قبل فترة بـ2999 يعني بـ3000 ريال
يعني باخسر فيه اكثر من الف وميتين ريال مع انه نظيف وجديد يعتبر حتى بطاريته ماشغلتها
ابد ابد

الله يرزقني ويرزق الجميع

[أم لجين]

لا اله الا الله

اخواني حبيت ابلغكم انو الجهاز اللي يبي يشتريه ممكن يشوفه ماعنده مشكله

[أم لجين]

عجزت انزل الصور ماعرفت كيف الطريقة اليوم باتعلم الطريقة تنزيل الصور وانزلها لكم

[نهآية حلم]

مشكووره خيتو لكن هو مستعمل يعني فرق انك شاريتيه جديد ب3000
والا؟؟عالعموم موووفقه بس بسألك حلو استخدامه وش سبب بيعك له ؟؟

[أم لجين]

ايه ياقلبي شريته ب3000 وباخسر فيه 1200 ريال مع انه استخدام شخصي ونظيف وحتى بطاريته مافكيتها ابد يعني استخدامي كهرب

استخدامه حلو ومافي اي عيوب حتى انا من النوعيه اللي اغير الاب توب بين كل فترة وفتره والاسوس من افضل الانواع اللي جربتها لاني والله جربت الايسر وعيوبه حدث ولاحرج وجربت الديل كان يعلق كثير وعل قلبي واعطيته اختي وشريت الاسوس ذا بصراحة انه استخدامه مميز وهي الشركة الوحيده اللي فيها ضمان عالشاحن والبطارية لعامين وكذلك الاسوس هم اللي اخترعوا المذر بورد لذلك الجهاز قوي ماشاء الله

بس انا ودي بجهاز صغير الحجم يعني حق 10 بوصه ابي اخذه معي بكل مكان واحطه باي شنطة وخصوصا حنا بوقت اجازة واستراحات وطلعات وروحات وجيات يعني ابي شي خفيف انقله كيف مابغيت وناوية اشتريه اسوس باذن الله بس صغير

واسالوا عن الاسوس بتعرفون هو الافضل دائما

[قلم رصـــاص]

ماشاء الله

الله يوفقكـّ و يرزقكـ | ~

[أم لجين]

ويوفقك اخوي

[المغترب]

السلام عليكم

هل الجهاو لازال موجود أو بيع؟؟؟

وكم اخر سومه

وشكرا