*** بروستد الدجاج ***

[أم فيصل]

اليوم انشالله معنا طبق أظنه محبب للكثير الا وهو :


*** بروستد الدجاج ***


وماهي الخلطه السريه للبروستد كما يسميها البعض ؟؟؟؟؟

المقادير :
دجاجه مقطعه ارباع وتكون قشرتها عليها ويفضل يكون دجاج مبرد مايكون مثلج لان هذا من اهم الاسباب اللي تساعد على نجاح البروستد ..

ملح ناعم <<< هذا هو اساس التتبيل مايحتاج لا خلطه سريه ولا بهارات ولا شي ..

بيضتين

كاس دقيق

زيت غزير للقلي


الطريقه :


يتبل الدجاج بالملح




يغمس في البيض بشكل جيد وبعد ذلك في الدقيق بحيث يغطي كل القطعه ..




الى ان تنتهي الكميه كما في الصوره ..




طبعا في اثناء العمل السابق يكون الزيت على النار عشان يحتمي .. اذا صار الزيت حار نضع قطع الدجاج الواحده تلو الأخرى ( طبعا الزيت يكون حار بس مو شديد الحراره عشان مايحترق البروستد أو يتشقر من برا ومن جوا ماأستوى )والنار تكون وسط عشان ياخذ راحته في النضج .. تقريبا ياخذ من ثلث الى نصف ساعه في الزيت على حسب وزن الدجاج ..







وهذا هو الشكل النهائي بعد القلي ويقدم مع البطاطس المقليه وصوص الثاوزند اللي هو عباره عن ( كتشب + مايونيز + خردل )




وبالهناء والعافيه ...

[( عابرة سبيل )]

/
\





بالعافيه ياقلبو ..,
<< اموووت على البرستد وطريقتك نفس طريقتي



تسلم دياتكِ ياطباخة سدير

[لهفة الخاطر]

[align=center]

يمي يمي يالغاليه

وطريقه ولا أحلى ياقلبي ونستخدم نفس الطريقه بس أنا دائماً أحبها سبايسي يعني
أكثر الفلفل الأحمر علشان تكون حااااااااااااره مررررررره

تسلمين ياقلبو على هالحركتات والبركتتات

شكري لك

___________[/align]

[زهرة]

تسلم يمينك يا أم فيصل


وبجربها إن شاء الله بطريقتك تتبيله بالملح


شاكررة لك أختي الكريمه

[أم فيصل]

دمعة ألم

تسلمين ياقلبي ..

مدام هذي طريقتك اكيد بتطلع حلوه ..

اشكر لك تفاعلك ..

[أم فيصل]

لهفة الخاطر

لفته رائعه منك نبهتيني لشي ماكتبته بالموضوع اللي هو السبايسي أشكر لك ذلك ..

اللي يحب السبايسي يضيفه مع الملح .. وبالعافيه على قلوبكم ..

شاكره لك مرورك ..

[أم فيصل]

زهره

حياك ايتها المشرفه المتميزه ..

وبالعافيه ..

[ياسمين]

ام فيصل

سلمت لنا يمينك

طريقه سهله ولا أرووووعه

يعطيك العاافيه

ومن يد مانعدمها يارب

دمتي بخير ،،

[أم فيصل]

ياسمين

شرفتي بمرورك العطر ..

بالعافيه

[بنت المناااعير]

تسلم ايدك ياام فيصل

وصفة بسيطة وروعة , بس تختلف عن طريقتي وهو اني انزع جلدة الدجاج

وافركها بالملح وعصير البصل ( لذيذة بعصير البصل )

وذرة فلفل احمر (سبايسي) عشان تعطي نكهة مشهية

وممكن للي يحب الثوم يفرمه مع البصل .. وبعدها انغمسه في البيض والطحين ..

وبالعوااافي ..

شاكرة لأم فيصل الغاالية ..

[موون نجد]

يعطيك العافية على هالطبخ الي يفتح النفس

[أم فيصل]

المشاركة الأصلية كتبت بواسطة بنت المناااعير   تسلم ايدك ياام فيصل وصفة بسيطة وروعة , بس تختلف عن طريقتي وهو اني انزع جلدة الدجاج وافركها بالملح وعصير البصل ( لذيذة بعصير البصل ) وذرة فلفل احمر (سبايسي) عشان تعطي نكهة مشهية وممكن للي يحب الثوم يفرمه مع البصل .. وبعدها انغمسه في البيض والطحين .. وبالعوااافي .. شاكرة لأم فيصل الغاالية ..

بنت المناعير

الله يسلمك ياقلبي

طريقتك هذي طريقه مختلفه وهي قريبه من طريقه تدعى ( دجاج بانيه )

سأذكرها بإختصار :

دجاج منزوع الجلد يدعك بالملح وعصير البصل والفلفل يترك فتره في الثلاجه حتى يتتبل

يغلف بالدقيق ومن ثم يغمس في البيض ثم في البقسماط ( فتات الخبز )

وبعد ذلك يقلى ..

الفائده من عدم نزع الجلد في طريقتنا الاولى هي :

ترطيب الدجاج ولا يفقد طراوته ..

في الدجاج بانيه نزعنا الجلد لكن غلفناه بالدقيق لكي يحفظ للدجاج طراوته التي ممكن ان يفقدها اثناء القلي واصبح البقسماط هو الغلاف الخارجي ..

اطلت في الكلام فأتمنى الفكره وصلت واتضح الفرق بينهم ..

[أم فيصل]

موون نجد ..

يعافيك ربي .. وحياك الله ..

[بنت الشيوخ]

أم فيصل

وبعدين معك؟
تبين نوقف عضويتك؟

كل ما ادخل المنتدى ألقى موضوع خطييييييييييييييييير
والقهر اصير جوعانه..

وش ذا..

والله ودي انك تقربين لي ويشرفني < < عشان تعلميني وشلون أطبخ..

ما أقوول الا خير ان شا ءالله < < (وجه عزوبي ساكن بلحاله و يعاني)


ياملا العافيه ام فيصل
ويا جعل سفرتك عامره بما لذ وطااااب


فمان الله
وبس خلاص

[بنت المناااعير]

بانيه !! خليها بانيه ولايهمك المهم انها بالبصل ههههههههه

ماشاء الله عليك ياأم فيصل , فنااانة تبارك الله ..

تسلمين يالغلااا ومنكم نستفيد ..