بقاله ايام زمــــان

[غلا درر]

بسم الله الرحمن الرحيم
السلام عليكم ورحمة الله وبركاته
هذي واجهت البقاااله ,,,



بتكلم اليوم عن حلويات زمان اللي كنا ناكلها ( ككاو / فش فاش / علك / بسكويت ) .. زي مانتوا عارفين إن أكثر الحلويات

الموجودة الآن إما جديدة أو قديمة لكن غيروا صناعتها أو طعمها " يعني مو بجودة أول " .. الحلويات القديمة بجد كانت
رخيصة ، وفي نفس الوقت طعمها يجنن .. أما حلويات الآن أعوذ بالله أسعار غالية ، وطعم الله بالخير ماعدا الشركات

الكبيرة ، والمشهورة مثل جالكسي ، وطقتها .. هي اللي مهتمة كثير بمنتجاتها .. عموما أنا بحثت لكم عن صور

هالحلويات بعضها إلى الآن مازال موجود لكن جودته مو مثل أول .. وبعضها أنقطع نهائيا .. مع العلم إن بعض الحلويات

المقطوعة عندنا حصلت مواقع " أجنبية " توفرها لك مقابل أسعار معينة .. عموماً يالله نشوف صور لبعض الحلويات
القديمه



سمارتيز ككاو مغطى بطبقة صلبة حالية .. أتذكر كان يجي في علب متنوعة .. العلبة المشهورة هي اللي في الصورة
لكن كان فيه علبة على شكل " شاحنة " ما أدري إذا أحد يذكرها أو لا .. ! عموماً هـ الحلاو بطل

هذا حلاو مصاص أبو صفيره .. كنا شوي نمص وشوي نصفر .. والأهل في البيت ماغير زعاق علينا يقولون "أزعجتونا "



ككاو أولكر عيدان .. عبارة عن ككاو عليه طبقة من البسكوت الخفيف .. حلو طعمه بس كان فيه نوع ثاني من هـ
البسكوت نفس الشكل بس الكيس يختلف كان لونه " بني " أحسن من هذا بكثير



هذا كان غالي وهو عبارة عن حلاو مثل " البلك " ، ويجي معه لعبة على أشكال شخصيات ديزني تعبي الحلاو في
هاللعبة ، وكل ما ضغطت الزر اللي فيها يطيح لك حلاوة



بسكوت أولكر أبو " سمسم " .. مع الشاهي هبال إلى الآن موجود هالبسكوت بس غيروا شكل الكيسة كانت أول
حمراء بالكامل ، لكن الطعم مازال نفسه



هذا طعمه روعة ، وهو عبارة عن توفي عليه ككاو ثقيل شوي لكن بطل



علكة غريندايزر قديمة مرة كانت تجي في أكياس ملونة .. أحمر / أخضر / أصفر / أزرق .. داخل الكيس فيه علك أصفر
صغير ، ومعه كوبون عبارة عن صورة لاصقة لشخصيات مسلسل غرندايزر ، طبعاً هالعلك اختفى من السوق من زمان



بسكوت من أولكر هش ، والطعم حلو



علكة تشكلتس روعة

عيدان البطاطس .. ألذ عيدان ذقته فيه منه نوعين عادي / حار .. كلها روعة ، والبطاطس مازال موجود في كثير من المحلات ، وبنفس طعمه القديم ،

هذا حلاو شفت صورته ، وتذكرته .. لكن عجزت أذكر الكيس حقه .. كل اللي أقدر أقوله إنه قديم مره ، وطعمه مو ذاك الزود

هذا حلاو أبو ساعة آه يالدنيا .. حلاو مصنوع من خيط مطاط <مو خيط حرير>، وحوالينه قطع حلاو تشكل ساعة .. كنا نلبسه في اليد ، وكل شوي ناكل منه قطعة .. والله صورته تبكي .

حلاو طابوق .. أشهر من نار على علم .. طعمه روعة وألوانه تفتح النفس .. مازال موجود ومعروف عند الكثير من الناس .

طعمه حلو مره ، وقديم جداً .. أنقطع من السوق

ككاو فلوس .. ككاو يجي على شكل دراهم .. روعة والله

علك قديم للبنات

علكة باباي .. عبارة عن كيس في داخلة علك شرائح لونة " أخضر " ماخذ شكل " السبانخ اللي ياكلها باباي " .. كنا ناكلها ، ونفكر أنفسنا صرنا أقوياء .. علك قديم مرة ، وأنقطع من السوق

بطاطس مرحبـــا ,,أموت على هاالبطاطس وموجود الحين في البقالات

[غلا درر]

[align=center]


بطاطس السيارات,,



بسكوت اصابع طعمه لذيذ وبسكوته هشّ جدا

وفي وسطه ككاو



هذا كيك لذيذ,,



علك أبو طبعه,,



حلاوة توفي ولا يزال موجود بطعمه اللذيذ



حلاو أبو ملعقه,,,لذيذ



حلاو كور,,,





مجموعه من المشروبات الغازيه,,





عصير أيوكاس ويأتي بنكهات,,



بسكوت ريكو,,



هذا كاكاو أبو شمسيه,,



وهذا دفتر تلوين للبنات,,



مجلة مشاعل,,,



وهذي الاستكرات ،،،



المسطره العجيبه
لماتتحركها تتغير الرسمه ،،،


كرت الحصص لامجال لنسيانه



وصمغ اول اللى ايدينا تروح فيها على من لزق الورق الملون


ويا ســـــــــــــــــــلام على الصلصل تتحمر الااصابع على مايتشكل الشكل اللى تبينه
اما الأن مع بسكويت (لولو)







نكمل


؟؟؟؟؟,,,لاتعليق هههههه



نظارات مكة … هذي ما تلقاها الا بسوق الليل ،،،



هذا الروج السحري ..لو تمسحينه طول اليوم مايروح ..بس اللي انا مستغربه منه للحين

كيف لونه اخضر ويطلع روج احمر...خدعه هههههه



كمبيوتر العائله,,,

يالله كل واحد او وحده يقول وش تذكر من هذه الأشياء,,,ههههههههه

لكم ودي,,

منقول
[/align]

[الرااحل]

الله المستعان
مشكورهـ ع الصور الرائعه
تقبلي مروري

[اخت اختها]

اممم ياحلوه هذا كنا نسميه حلاو بلك





يوووووووه هذا من وين طلعتيه كح كح





هذا اللي أعرفه



وششش ذا كنتوا تدرسون الخميس !!

و مشكوووووووووووورة يالغلا

[مضيعه شباصتا]

ياااااااززين ذا الحلوو زينااااااه

لي معه ذكرياات أليمة














"
عوافي يابعدي

[سمحة الخاطر]

هذي محد يروح لمكه إلا يجيبلنا منها


بس تأكدت الحين أن جامعتي مغبره وقديمه اغلب اللي جبتيه موجود فيها>>> البطحاء ما أنلام

عافاك الله

[معشي الذيب]

[align=center]

اختي غلا درر


الله يعطيك العافيه على الجهد في المشاركه


واختيرك للموضوع البقااله اختير جميل ورائع


والمعلومات القيمه عن اغراض البقاله وما تحتويه


اختي الكريمه اشكرك كثير على موضوع الجميل والشيق


وننتظر منك مشاركات قادمه انشاء الله ,,



ولك خالص الشكر والتقدير .

[/align]

[رنا ()]

[align=center].
.
.
.
وعليكم السلام ورحمة الله وبركاته
..
..


الله المستعان على أيام مضت ..



< > غـــ ـلا درر < >

عافاكِ الباري غاليتي الفاضله ...!
معلومات قيّمة وثريّه عن ماكان في الماضي من وسائل
ترفيه ومواد غذائية كانت لها قيمتها ...!
رائعه عزيزتي باختياراتك للصور ...!
بارك الله فيك وننتظر جديدكِ القادم بإذن الله ...!

تقبّلي م ـــروري المتواضع ...!
في حفظ الله ...![/align]

[•شموخـے ξــز •]

ايه الله واكبر ذاك الحين < كلمة امي المعتاده

هههههههه

عــآآفاك ربي

ودي

~

[بنت سـشوشوــدير]

الله بس
مشكوره اختي

[المقيد]

مشكورة اختي ع الصور

[سلطان العضيدان]

اول ما شفت هالصور تذكرت لعبة الفطر ههههههههههههههههه


الله المستعان ,,


وعافاك ربي على هالصور الزينه والتراثيات الرائعه ,,

[سِرْب]

اما هذ البسكووووت روووووووووووعه

وطعمه ماتغير بــــــــــــــــس الحمد لله

انهم ما قشعوه من السوق :)