البارحة

[سعودي نشمي]

البارحه والهم والفكر والياس
صبن على راسي ومافيه يكفيه
والجو من بعد الفرح صابه أعماس
وكثرت على صدر المولع بلاويه
من زلة أغلى الناس عندي بالأجناس
ماهوب طبعه جعل ربي يعافيه
خلا معاليق الحشى منه يباس
والعين تذرف دمعها من معانيه
مدري سمع هرج(ن) من الناس وأحتاس
والأ ظروفه عن غرامي تعاديه
ياصاحبي حذراك من كل بلاس
يحكي معك واللي حكى معك يحكيه
زليت قل زليت وأقول لا باس
أدم خسر جنته من زلت إيديه
لولا الخطا محد(ن) تعلم من الناس
ولو الجفاء محد(ن) عرف قدر غاليه
الحب له لذة وله طعم وأحساس
بذات لا صار الغلا عايش(ن) فيه
قلت الحقيقه ماصفالي ولا راس
حتى رفيقي صد عني وأنا أبغيه
لأني شريف الطبع مبني على ساس
عايش مع الواقع وعارف مواريه

[خفوق إنسانة]

قصيده راقت لي كثيييييراً ,,,

سلمت اخي

[الوافيـ]

عافاك الله على الجلب الرئع ...
ولاهنت يالغالي...

[The End]

مشكور ع النقل المميز

عوافي

[><><]

موفق بإذن الله ... لك مني أجمل تحية .
وبارك الله فيك أسال الله لك دوام الفرح والسرور...