تنظيف طيور الصيد

[مفتون صيد]

السلام عليكم
بمناسبة وقت الصيد والطيور والعلوم السفره ودي كل واحد يعطينا طريقة حفظ الطيور وكيفية التنظيف ...
لان في ناس قالت اشيل الحويصله حقتها .. وناس قالت انتف الذنب .... وناس قالت شق البطن وطلع اللي بداخله
وناس قالت انتفها على طول ... وناس قالت مايظرها اذا انك حطيتها في ثلاجة حتى لو ما سويت فيها شي .. وناس
قالت مايضرها سواء سويت شيء من هالطرق او ما سويت منها اي وحده .... وانتم خابرين ان الصيد يحرص كل الحرص
ان صيده ما يتغير طعمه وهو الهدف الاساسي له بعد ايجاد الطيور وعملية التنظيف يبغالها وقت على بال ما تخلص من
طير تبي تصيده واذا كان على كيذا راح الوقت وما صدت ذاك العدد اللي يستاهل انك تغدى عليه.... فنا ودي من هذا الموضوع ان
واحد يعينا تجربته وابتكاراته في هذا الموضوع وهل الطريقه اللي اسخدمها جابت معه نتيجه ايجابيه والا لا ودي اننا نحط كل تجاربنا
في صيد الطيور بهذا الموضوع ........... ودنا ما احد يبخل علينا باي طريقه حلوه للحفاظ على لحم الطير من التغير والفساد من حر الجو


وتقبلوا التحيه من محبكم مفتون صيد

[ابو صالح]

مفتون صيد مساك الله بالخير 0

الحقيقه جربت اكثر الطرق ما لقيت احسن من هذه الطريقه 0

1 تقطع الجناح مع المفصل
2 تقطع الجرجور اللى عند الرقبه وتنظيفه 0

3 تنتف الريش اللى على الشكه - الذنبه- فقط
4 تكنز بالفريزر بريشها0
اذا بغيت شى من الطيور قم بشق البطن وتنظيف اللى بالداخل كله 0

هذه الطريقه انا اجربها كال سنه والحمد لله من اروع مايكون لا تحس بطعم ولا مرارة بعد الطبخ وهذا اهم شى 0 ارجو ان اكون وفيت الاجابه0 اخوكم ابو صالح

[المولع]

و لا اعتقد ان لدي اضافات بعد هذا الابداع ...

لاكن اهم شي بعد اصدياد الطير من الأفضل قطع الحويصله مباشرةَ ، لأنه يوجد بها بعض الحبوب و ربما الحشرات الصغيره و التي تفرز رائحه كريهه في الطيور ....

[مفتون صيد]

ابو صالح الله لا يمسيك الا بكل خير

طيب انت ذكرت عدة نقاط بس انا ودي الاهم منها لان انت تخبر الصياد ما عنده وقت حتى يفعل كل هذه الخطوات في كل طير يصيده وخصوصاً اذا كان يمشى على رجليه والسياره والعده بعيده .......... وذكرت تقطيع الاجنحه وش الحكمه منها مع انها لا تحتوى على اي احشاء او اكل اما الجرجور او الحويصلة انا اجزم انها تطلع ريحه شينه اذا خليته يبطي
- طيب فيه استفسار اخر وهو هل تنطبق كل هذه الخطوات حتى على الدخل والصفاري والقميري
ومشكور ابو صالح على هذه المعلومات

==========
المولع مشكور على الافاده وما قصرت ........والله انك صدقت الحويصلة هي المشكله;)



ودنا الاخوان الباقين اللي لهم في الصيد والعلوم السفره انهم ما يبخلون علينا باي شيء جديد او قديم ومجرب وذي فائده ونتيجه قويه

[ابو صالح]

اخوى مفتون صيد 0

السلام عليكم كان اهم شى فى السؤال طريقة الحفظ وهذا اهم شى 0

بالنسبه لقطع الجناح مع المفصل لا نى احط كل خمس قميرى فى باغه والجناح ما فيه فايده ويضايق فى الكنز هذه الحكمه 0

ينطبق الحفظ على القميرى فقط 0 اما الدخل والصفارى احفظه كامل بريشه لا نه نظيف ياكل من راس الطلح0

اما الوقت للتنظيف هذه حلا ته الله يعينك يخوى 0 ابو صالح

[مفتون صيد]

صدقت اخوي ابوصالح الجناح ماله اي فايده على كثر مضايقته في الكيس

والدخل والصفاري خطر ما ناكله بريشه

مشكور اخوي واسحب احلى تحية

[اتيكا]

بعض الاخوة يحب أن يطبخ الطيور من غير أن ينظف بطنها ومن المعلوم أن بعض الطيور تأكل الحشرات والديدان لذلك ففي حالة صيد وتناول الطيور البرية يجب التأكد أنها من الطيور البرية المأكولة وغير الجارحة وعدم أكل الحوصلة أو الكبد أو الكلى لهذه الطيور المأكولة خوفا من أن تكون هذه الطيور أكلت أعشاباً أو بعض الحشرات السامة والقاتلة ويجب تنظف صدور الطيور وأخرج مافي بطونها قبل طهيها ، لأن بعض الطيور وخصوصا الدخل ، قد تأكل حبوبا أو حشرات ضارة بالانسان ، وقد تم رصد حالات كثيرة في موسم هجرة الطيور وقد راجع أصحابها المستشفيات ورقدوا ليوم أو يومين ، بعد إحتباس البول لديهم

فأفضل طريقة لتنظيف الطيور الكبيرة (القميري والصفاري و...)هي شيل التغرة أو اللي تحت الحلق هذه الطريقة تسمى الغرغرة أوالحوصله أوالمعلفه و هي أنك تشيل هذا الجزء لأنه رائحة كريهه في الطبخ و حتى وأنت تشيله تشم رائحته فأول ما تفعل بعد صيد الطير هو شيل التغرة من الطيور الكبيرة وأن تقوم بنتف ريش البطن والمؤخرة وشق البطن وإخراج الأحشاء ورميها كل ما أمكنك ذلك لأنها تحافظ على الطير من التلف هذا إذا كانت الرحله قصيرة أماإذا كانت رحله طويله (أكثر من يوميين) لازم تنظف الطيور وتغليها بالماء والملح في حاله عدم وجود الثلج معك

أما أفضل طريقة للمحافظه على الطيور الصغيرة (البصوة والدخلة و...) من الخياس الله يكرمكم إنك كل ما صدت من دخله نتفتها وهي توه مصيودة يطلع الريش وبسرعة أما إذا كان الصيد وفير فأفضل طريقه أنك تحطه في كيس بلاستيك غير نافذ للماء وأدفنه بالثلج وإذا جا وقت النتف تجد أن الدخل متماسك بسبب البرودة ونتفه متعة على طول يطلع الريش مع بعضه وبسررررعه أسرع من إنه إذا كان الدخل ماهوب متجمد ولا يتمزع معك وكل ما صار الدخل بارد كل ما سهل نتفه

[مفتون صيد]

صدقت اخوي اتيكا عز الله ان ريحة الحوصلة مخيسه اكرمكم الله

واعرف واحد قد رقدوا ناس من ربعه علشان اكلوا الدخل بدون تنظيف

[محمد الاخوان]

السلام عليكم

والله ياشباب انا ماعندي اضافه على طرقكم لكن الطرقه الي انا متعود عليها

اني الدخل والصفاري اول ما اصيده اجمع كل نوع لكن مايكون محموعه كبيره او كثير يعني مابين (5...10)طيور على شان مايكون الثلج محكور على بعضها ...

والكلام ايضاً ينطبق على القميري والدخل بعد اجمعهم في كيس واكتم الهوا عنه وادفنهم في الثلج ولامن جلسنا لنا في مكان في الظهريه على الساعه 11او 12 لظبط العده والاستراحه لفتره قصيره يقومون بعض الشباب بنتف الصيد ...

وماقد صار او حصل لي مع طبخهم بعد ماحطيتهم في الثلجه بدون تنظيفهم وجود ريحة خياس وانتم بكرامه الا والله زي العسل ...


هذا الي عندي ويمكن يكون غلط ويمكن العكس ...
واتنمى من الشباب المزيد من المشاركه والنقد على طريقتي او يمكن يكون فيه ردود على طريقتي؟؟؟

وتقبلوا خالص تحياتي

[مفتون صيد]

بالعكس طريقتك اخوي محمد ما فيها اي شيء ...... انت جب الثلج ولا تهتم من تنظيف الطيور لو ما تنظفها الا بعد يوم من صيدها بس مثل ما قلت اهم شيء الثلج علشان ما يخيس الله يكرمكم اكلها في بطنها وحوصلتها

تقبل التحية ....... وانتظر المزيد للي يعرف

[ابودجانه]

السلام على الجميع

وعسي الله يكثر الصيد هالسنة ومتزهلين بتنظيفه0

ماقصرتو على هالافكار

وفيت اتيكا على الموضوع كان عند اضافة وهي عدم التساهل في اكل الطير بدون تنظيف لما يسببه من (حصر للبول ) وقد حصلت هذا


والثانية كل مالقيت نفسك فاضي نتف الطيور وهذا افضل لعدم تغير الطعم 0

وسلامتكم

وفي القريب سوف ترون نتافة للطيور ولكن تحت التجربة0

[مفتون صيد]

نتمنى ابو دجانه انك تعلمنى وش صار معك في النتافه اللي انت مخترعها
عجل علينا الموسم بيخلص وحنا ما شفناها

تقبل التحيه

[السم الهاري]

السلام عليكم...
عندي ملاحظة على حفظ الطيور ...جميع الطيور لا تتغير ما عدا القميري ... ويمكن اخوي مفتون صيد عند صيد القميريه ... ان تقوم بنزع التغره في الحال وبهذه الطريقه لايمكن تتغير حتى ولو جلست الى المساء وهذه خبرة 20 سنه صيد ... ويمكن استعمال كيس الرز ( الخيشه ) بعد غمسها في الماء وتحفظ فيه الصيد الى وقت الحاجه وبكذا تكون حافظت على الطير ونكهته الخاصه ... هذا والله أعلم ... تحياتي لك ولمحمد الأخوان ... وألأخ اتيكا ... والسلام...

[مفتون صيد]

مشكور اخوي السم الهاري على هذه الافادة ......... ومنكم نستفيد ......... فعلاً مثل ماقلت اخوي الخيش في الماء مثل البراد لها يحفظها من الخيسه اكرمكم الله

واعتقد ان طيور الماء نفس الحكاية مع القميري .........لاني مره تاخرت عليها في التنظيف وخاست بطونها وريحتها تصرع الطير

مشكور اخوي والقف التحيه

[ابودجانه]

مفتون صيد

النتافة انتهت وجاهزة بس تدري فيها بعض المشاكل اول شيء صارت قوية على الدخل يعني اي دخلة مضروبة مع الصدر او البطن تطلع مقطعه يعني مايحتاج مفروم

لكن ولله الحمد جربتها مع القميري والحجل وشيوخ الدخل حتي على العصافير صراحة نجحت نجاح ماتوقعته

وانا الان اسوي فيها بعض التعديلات الماتور اللى فيها قوي ابشيله واحط اضعف منه شوي وايضا ابحط يد تكون يدوية الاستعمال عند الحاجة

وان شاء الله ان نجحت ستراها في محلات الصيد 0