هل مره شافك ولد بالغلط وأنتِ بدون عباية ؟!

[غلا درر]

الموضوع واضح من عنوانة //

هل مره شافك ولد بالغلط وانتي بدون عبايه؟

قولي لنا بالتفاصيل .......<<<< هذا اهم شيء عندي


أنا عن نفسي ايه وياكثرها بعد ....

وبكتبها لكم قريب ....



انتظركم مع مواقفكم المحرجة ....

[Bsmat 5jl]

وعليكم السلام ورحمة الله وبركاته

لا يا قلبي ولا مرررررررره

[ملآمح خجلى]

اييييييييه ياما وياما فششششششله والله :$
مرره كنت ألعب كووره<<ياحبي لها
ومتحممممسه أرررررركض وتجي بنت خالي وتاخذها من قدامي ونا خلاص عصببت عليها قمت أركض وراها جيبي الكوره جيبيها أبلعب<<ياملحك بس
المهم ونا في غمرة الركض فجأه وألقى نفسي قدام ولد خالي بغيت افعصه أبوووووووووووووووووووو الفشششله الله لايعيدها ..
لــــــــي عووده<<عجبها الموضوع تشكراات غللو ..

[غلا درر]

قبل فترة كنت رايحة في بيت خالي
ويقالي بسوي مفاجاه لبنت خالي بجيتي لها وادخل بالملحق واتخبئ ورى الباب
مادريت الا اسمع صوت عطسه والتفت الا الاقي ولد خالي جالس على الكمبيوتر
واهج من الملحق لابارك الله فيها من مفاجاة
بس اللي هونها انه تونا بادين نتغطى عنه

[ام القمر]

مره كنت العب مع بنت خالي في بيت بنت عمي( قصه طويله) وانا اركض وهي تلحقني يوم جيت عند الدهليز الي جمب مجلس الرجال واشوف بنت عمي وزوجها عند الباب وانا ادخل انا وبنت خالي في مجلس الرجال وسكر الباب بقوه يوم التفتنا واشوف خال بنت عمي جالس يناظر فينا ونطلع بأسرع ماعندنا من المجلس وبعد فتره وحنا جالسين في المقلط شفنا خال بنت عمي جالس يطالع فينا وحنا ياغفلين لكم الله ماسمعنا الا بنت عمي تهاوش خالها وتقوله تراهم كبار يتغطون وحنا نتغطى بالستاره قال هم البادين شفوني قبل قلت اشوفهم مثل ماشفوني الحمد الله ان حنا تونا بادين نتغطى شيفنا في نظره مبزره يوم شاف هالمطامر فينا

تسلمين ياغلو على الموضوع النايس

[ملآمح خجلى]

السلام عليكم ورحمة الله .. أخباركم علومكم "
جبت موقف الله لايعيده
مره كنا انا وشموع قاعدين في أمان الله نطالع التلفزيون ونسولف وفاليييين ابووووهااا وفججججججأه وبدون سابق انذار ماشفنا الا كورة قطن هذيك حقة البزران وتجي الكوره طااااااااايره عند رجولنا طبعا حنا نطالعها ولما رفعنا روسنا خخخخخخخخخخخخخخخخ والا ولد خالي الله يخلف عليه جاي يركض وراها تخيلوا صار بوجيهنا على طول وطبعا انا شعاري نفسي نفسي وامسك شموع من كتوفها واحطها قدامي بتغطى فيها ههههههههههههههههههههههههه مسكينه تننرحم صارت بوجهه بس من جد اذا ذكرنا هالموقف احس اني مدري وش ابي ..
<<على فكره ولد خالي هذا بطل هالمواقف فششششله وربي :$

[شموع]

ربي يصلحك يا ملامح
رجاءً بلا فضااااااايح

أختي غلا موضوعك مميز كعادتك
لي عودة للموضوع

[فتاة حريملا]

هههههههههههه
من جد ما ادري كيف اوصف الحاله الي تشوفين فيها ولد او رجال
انا عن نفسي ما اتغطى علا طول مدري ليه اوقف لي شوي بعدين ترجع لي الذاكره ما ادري تجيكم حالتي
تسلمين يا غلا

[ملآمح خجلى]

المشاركة الأصلية كتبت بواسطة فتاة حريملا   هههههههههههه من جد ما ادري كيف اوصف الحاله الي تشوفين فيها ولد او رجال انا عن نفسي ما اتغطى علا طول مدري ليه اوقف لي شوي بعدين ترجع لي الذاكره ما ادري تجيكم حالتي تسلمين يا غلا

هههههههههههههههههه أششششواااا مو بس أنا
اذا صار قدامي احد تجيني حالة تنااااحه مو طبيعيه أقعد أنااااااااظره واذا بديت أستوعب أتكلف وأغطي وجهي

[الطرف الناعس]

*

هَلَاآ حَبوبآتْ/ مَواقفكِن حِلوه وَ محرجه ^^"

ضَحكتونيْ الله يَحفظكنْ ../


.،


الموقفْ اللي صارليْ لا أحسد عليه أبداً


قَبل سنتينْ ما أقدر أنساه / مآ حييتْ <دليل ع عمقه ..~


.،


هُو كآنْ ( مَكيده ) مدَبره .. مِن أميْ وخَالتيْ،



كآن ولد خالتي خاطبنيْ من أنا صغيره .. فـَ كبرت وأنا رافضه الفكره .. فَـ كِل ما

يُقولوليْ ( فَلَان ) يبا يشوفجْ .. النظره الشرعية وانتِ كبيرهْ .. فـ كنت أرفضْ

وبشده وأقولهم / إني مب موافقةْ ، فـَ كاني يتحسبوني أتدلعْ ~


فـ يوم من الَأيامْ .. يتْ خالتيْ تزورنا وَ أنا كنت فـ غرفتيْ ، يت هي وأميْ

ودخلواآ عليْ .. أقول فنفسيْ خالتي ( يايه ليْ غرفتي تَسلم عليْ ) ..

أستغربت أول شَيْ ، وإنحرجت من نفسيْ ..

ويَـ حليليْ قاعده أسَلمْ .. وبينما كنتْ أبوسْ خالتيْ


إلِا ألمحْ خيالْ ريالْ .. دخل غرفتيْ


فَـ لما أرفع عيونيْ وأشوفْ ../ الصَدمه العظمىْ ( ولد خالتيْ )،


أمي وخالتي يضحكونْ وهو مبتسمْ


وأنآ من الفشله ما عرفت شو أسوي


قَعدت أركض فالغرفه مثل الهبله / أبا مكان أتخبى فيه


لما شفت أن السالفه جَد .. ركضت و ورحت فـ حضن أمي وحطيت ويهي ع

صدرها عشان ما يشوفني <


وقعدت أصيحْ من الفَشله و القهرْ .. وكلهم كانوا يضحكونْ فرحانينْ


*


وقمة الشَر فيهمْ .. شافوني أصيحْ .. مارحمونيْ وطلعوه

وخالتي يت .. ترفع راسي عن صدر أمي .. ماسكه ويهيْ ووجهته لولدها وانا

مغمضه عيونيْ ( ع اساس اني مب عايشه الموقفْ ) وتقوله

شوفها .. شفتها !! شفتها !! شوفها عدل .

وهو يَضحك يقول : هي شفتها .. بس هي ما شافتنيْ !

وقالولي لو تبينه يطلع فتحي عيونج وشوفيه

،

قلتلهمْ وانا دموعي أربع أربع .. شفته والله شفته

وبعدين طلعوآ .. قعدت اصيحْ لينْ شبعتْ < محد سوالها سالفة


وأتذكر اني زعلت واايد من أميْ



وبسْ ^^"


الصَراحه موقفْ مرعب الله لا يحط أيْ بنوته فيهْ


.،

غَلَا دَرر /.،


الله يَعطيج العآفية عَزيزتي

موضوع طَريفْ / أرجعليْ ذكرىْ قَديمةْ

شَكراً ^^


.،

[جــــــــــوري]

[align=center]


غلا درر يالطيبه مشكوورهـ وتسلم يمينتس ع الموضوع ...

وقالولي لو تبينه يطلع فتحي عيونج وشوفيه

،

قلتلهمْ وانا دموعي أربع أربع .. شفته والله شفته
<<<أيوووووووووووووو الإحرآآآآآآآج ياااااااشيخ
والله رحمتس يااااااااقليبي موقف إحراج ×احراج



لي عودة يالطيبين.’’’’’



[/align]

[بنوتة المجمعة]

مرحبآآآ بنوتات ..

كيفكم ..



اما عن كم مرة شافني بالغلط ..

يووو ياكثر ماشافوني عيال خالاتي وعيال عماني ..


وحدة من سوالفي ..

مرآآآ كنا مسافرين مع عماني ..

وارسلتني مرة عمي اودي لهم الشاهي ..

لاني مااتغطى عن عماني ..

وعيال عماني ماكانوا موجودين ..

المهم ..

واناا اودي الشاهي .. وادخل وانا من عادتي اني اناظر تحت دايم ماادري لية ..!!

المهم يوم دخلت وسط المجلس ولا العمان عازمين رجال ..

من الخبصة ماادري منهم ..

وديورت على طول والشاهي معي ..

<< آآآآآآآآآآآآآحرااااااااج ...


طبعاً رجعت وشوي واصفق مرة عمي ..

لانها هي اللي قالت ادخلي مافية الا عمانك ..

[جــــــــــوري]

[align=center]



أووووه ياكثر بس مدري اذا شافني احد بالغلط تجيني روووووووووووعهـ((وأصيح))

مره في بيت خالتي وعندها حريم يقهوونها(توها والدة) المهم ان الحريم مبسطين في السور وموسعين الصدر وهي سورها كبيرررررررررررررر وفي السور غريفه درايشها كبار
انا جالستن اتمشي ببيالتي ورحت للغرفه والقى بابها مسكر رحت للدريشه وفتحتها ومديت سااقهي وتوني بسحب رجلي الثانيه
الا رجالين (رجل خالتي واخو الحريم) يناظروني وانا والله مانتبهت ان فيه احد
وانحااااااش ولا ادري وش صار لبيالتي
وقامو يضحكون على شكلي (البنات)
بس كلما ذكرت نظراتهم(الرجاله) ارررررررررتعت..

~~~~

هذا موقف بس موب لي لبنت خالتي
جدتي ياجعلها في الجنه لها ولد من الرضاعه يعني يصير خالي وكان فيه عيد جو عياله ثنين ((كبار شنبات))
عاد راحو خالاتي يسلمون عليهم وكان فيه ثنتين (بنات وحده من خلاتي) المهم جتهم وحده من خالاتي راسها مخربط وقالت ادخلوو ذولي محارمكم عادي والبنات كبار
راحو وادخلو وسلمو عليهم وحبو رووسهم
والعيال دارين ان ذولي موب عماتهم منزلين روسهم لين طلعوووو
[/align]

[تنـــــآهيد]

[align=center]
السلام عليكم جميعا...

(((مشكـــــــــــــورهـ غلوووو،،،
وتسلم لنا يديااااتس يالغاليهــ...))))





مره عند اهلي وكان عندهم عامل يشتغل بالسور مادريت عنه واجي مفحطه((مسرعه)) الا وهالي قدامي مطير عيونه وابي اوقف ابي ارجع مكان ماجيت بس السور يزحلللللللللللللللللللق
وماقدرت امسك عمري رجليني قدام وجسمي رايح على ورى شوي واخبط
بس اشوى يوم مابقى على رجلينه الا شويتين وأصك فيهن قدرت ارجع مكان ماجيت

بس وقد امتلأت عيناي دمعات من الخوووووف((ترووووووع عيونه))



[/align]

[اسيرة الصمت]

هههههههههههههههههه
مواقفكم تضحك
انا ماصار لي مواقف من هالنوع لان عيالنا مو في البيت لو اجتمعنا

شكرا يا حلوه على الموضوع