رحلة صيد سمك في فرسان الخميس 2\4\1431هـ

راشد التمامي · 22-03-2010, 12:35 AM

السلام عليكم ورحمة الله وبركاته

اسعد الله أوقاتكم جميعا

تذكرون رحلة وادي لجب

http://www.sudeer.com/vb/showthread.php?t=98575

اليوم جايبلكم رحلة أو مغامرة بحرية ******* شي جديد

حيث تم الاتصال بالأخ عبدا لعزيز في نجران يوم الثلاثاء نشوف كان الرجال صامل ولا وقال <<<<<< لا يوقف

قلنا اجل على بركة الله يوم جاء يوم الأربعاء واستأذن من الدوام الساعة 9 ص ومشيت من شروره إلى نجران وصلة الساعة 12 .30 تقريبا (تبعد شرور عن نجران 300 كيلو )
وبعدها انطلقنا من نجران أنا وعبد العزيز إلى جيزان طبعا خط السير ( ظهران الجنوب – خميس مشيط – ابها – الدرب – جازان – فرسان )
حيث تم الاتصال على الأخ يوسف في جازان صديق جامعة وما قصر استضافنا عنده <<<<< متعوب عليها

وصلنا إلى جازان الساعة 7 المغرب تقريبا يوم الأربعاء .

الساعة 6 صباح الخميس رحنا الى العبارة عشان نطلع إلى فرسان بس الأسف تأخرنا شوي مشت العبارة قلنا مالك الى الفلوكة خخ رحنا إلى الفلوكة وطلعنا عن طريقها ( كدادي )
مالكم في الطويلة ... حيث بدأت المغامرة ههه
هذه الصور

هذا عند مرسى الفلوكة الى في جازان ..

بعد الانتظار ركبنا الفلوكة متجهين الى فرسان .....

بعد ساعة في البحر والمرازح في الفلوكة وصلنا إلى فرسان

ركبنا مع كدادي ومشنا في فرسان وبعدها أخذنا الى مكتب الرحلات البحرية لتنسيق رحلة صيد

مرينا على مسجد يقول له 80 سنة

هذا المكتب اللي ينظم الرحلات

وتم الاتفاق على على رحلة صيد لمدة 7 ساعة تبدا الساعة 4 العصر الى 12 الليل تشمل الرحلة صيد سمك – بعدها تروح لجزيرة تسبح وهم يحضر ولك الشاي والعشاء والجلسة (كل شي مالك إلى تجي وتأكل )

بعد صلاة الظهر رحنا وتغدينا في احد المطاعم .....

هذا واحد من الشباب راح بيشتري السيارة بس اختلفو على نقل الملكية وهون ..

بعد الغداء جلسنا في مقهى جنب المطعم اخذنا براد شاي الي الساعة 3 الظهر بعدها دقينا على الكدادي ابو عباس علشان يجي وياخذنا للقوارب الصيد ..

هذا خوينا ابكر صاحب المكتب يشيك على القوارب (الفلوكة )

عاد من هنا بدأت المغامرة

هذا الكابتن علي . والمساعد عموه احمد

مرينا على جزيرة فيها سكان وينقلون الموية لهم في فلوكة كبيرة ويعبون الخزنات هذي

هذا القلعة قديمه ويقلون انها عقب الالمان ... كانهم صادقين يقلون كانت لهتلر >>> lمن جنبها

خوينا مسوي تايتنك

هنا توقفنا للصيد

وهذ عدة الصيد

بعد ماخلصنا صيد اتجهنا الجزيرة للجلسة والعشاء والسباحة

هذا صيدنا

بعد السباحة تقهوينا الشاي ..

بدا الشيف عموه احمد و الكابتن بتجهيز العشاء في التنور ....

هذا فطيرة تصبيره قبل العشاء

بعد نصف ساعة فتحو التنور .....

الصورة النهائية للعشاء

وفي النهاية اتنمى ان ينال التقرير اعجابكم

تصوير ( المشرف عبد العزيز & راشد التمامي )

وانتظرونا في رحلة اخرى تحت شعار لايوقف

رعشة شنب · 22-03-2010, 12:59 AM

وانتظرونا في رحلة اخرى تحت شعار لايوقف

ياسلااااااااااااااام على الرحلات الجوناان

تسلم يابورشا انت وعزوز على التغطيه الروووعه

ويكفي اننا شوفناكم ولو بالصورره

بس ليتكم مصورين وانتم تسبحون ************************>>> بيشوف الصواريخ هههه

كل الشكر وبنتظار رحلات قاادمه

عبدالعزيز · 22-03-2010, 01:05 AM

لا يوقف ,, لا يوقف

الله يعطيك العافية ابو رشا على هالتنسيق والتقرير الحلوو << اكيد بيصير حلو دامي معكم

اول شي الحمد لله على سلامتك يالذيب والله انك مقلع اجل ماوصلتاا لشرورة الا الساعه 2 الليل

ماقصرت يابعدي على هالصملة وان شاء الله نبي نعيدها مراراً وتكراراً

اجل تاخرنا عن الرحلة ومشت عننا العبارة

بس اترك عنك ياخي اكتشفت اني فدائي وتبرعت بمكاني للضعوف

ياخي من هالصياد تكف اللي معكم شكله هو اللي صايد نص السمك

شف من المسكة واضح ان لعبته البحر

اجل عم احمد ههههههههههههههههههه

المشاركة الأصلية كتبت بواسطة بس ليتكم مصورين وانتم تسبحون ************************>>> بيشوف الصواريخ هههه

ابو حمد هالصواريخ ماتطلع الا في سدير

,,,,

تسلم ياراشد على التقرير الحلو ,, بيض الله وجهك

بنت عشيرة · 22-03-2010, 02:39 AM

رووووووووعة هالرحلة ماشاءالله
والأروع منها التغطية المتكاملة

أخوي راشد
مشرفنا عبدالعزيز
عافاكم الله على هاللقطات الخيالية

عبدالرحمن بن سعد · 22-03-2010, 03:50 AM

[align=center]
الحداقه
راشد وعبدالعزيز>>>رامي وفواز ههههه

رحله مشاء الله رائعه
بس ياليتكم كثرتوا الصور ودورتوا انواع ثانيه من السمك
مع اني احس رحلتكم متأخره شوي
وبعدين مافيه سنارات
مشاء الله عليكم
احس الصيد متعه

وياليتكم >>ياليتكم ياليتكم تابع وبس
لا من جد ودي كملتوا حلاوة التقرير بالاسعار وبعض البهارات

موفقين والله يردكم لدياركم واهلكم
بخير وصحه وسلام

تقبل مرور
اخوكم
عبدالرحمن بن سعد
في امان الله
[/align]

عبدالعزيز · 22-03-2010, 10:30 AM

المشاركة الأصلية كتبت بواسطة راشد وعبدالعزيز>>>رامي وفواز ههههه

اجل لوك شايفنا لابسين قبعات وش بتقول

المشاركة الأصلية كتبت بواسطة بس ياليتكم كثرتوا الصور

هذي معك لكن تعرف اول رحلة صيد يعني الواحد مايدري يصيد ولا يصور

المشاركة الأصلية كتبت بواسطة ودورتوا انواع ثانيه من السمك

طلبك صعب والله شايفنا مركبين كاميرات وغاطسين بها

انت وحظك السمكة الملقوفه هي اللي بتاكل الطعم ونصيدها بس

المشاركة الأصلية كتبت بواسطة مع اني احس رحلتكم متأخره شوي

الشكوى لله كنا ناوين الساعه 2 الظهر لكن ظروف الجو ماساعدتنا واضطر صاحب الرحلات ياخرها شوي

المشاركة الأصلية كتبت بواسطة وبعدين مافيه سنارات

ياخي العبره في التصييد لو نصيد بيدنا اهم شي وسعنا صدورنا الحمد لله

المشاركة الأصلية كتبت بواسطة لا من جد ودي كملتوا حلاوة التقرير بالاسعار

الحريص يابعدي واللي عنده نيه راح يسأل

هرمنا · 22-03-2010, 10:44 AM

ياخي من كثر ماتقعد في الشمس ياعبدالعزيز تغيرت علي وصار شكلك كذا

ماعرفتك الا من عصاقيلك

خخخخخخخخخخخخخخخخخخخخخخخخخخخخخ

==================

الله يعطيك العافية اخوي راشد

تقرير رائع الله لايخلينا منك

<<<<<<<<<<<<<امنيته يصيد سمك

المشاركة الأصلية كتبت بواسطة وانتظرونا في رحلة اخرى تحت شعار لايوقف

في انتظار المزيد

ولا توقف

القف تحيتي

يـــزيـــد · 22-03-2010, 11:38 AM

السلام عليكم

ماشاء الله تبارك الله

يعطيكم العافية ولاهنتم

رنا () · 22-03-2010, 04:38 PM

[align=center].
.
.
.
.
وعليكم السلام ورحمة الله وبركاته
..
..

مـــا شاء الله تبارك الرحمن ..
باين أنّها كانت ممتعه مرررره الله يعطيكم العافية ..

بس للأسف فيه بعض الصور ماطلعت ..

// راشــ ـد التمامي & عبــ ـدالعزيز //

الله يعطيكم العافية على التغطية الجميلة ...!
استمتعنا برحلتكم الله يوسّع صدوركم بالعافية ...!
ولا توقفون ننتظر رحلاتكم الجايّه ...!

تقبّلوا م ـــروري المتواضع ...!
في حفظ الله ...![/align]

المعنّى · 22-03-2010, 05:39 PM

ما شاء الله عليكم يا ابو رشا من جد فالينها والله يوسع صدوركم بالعافية

بصراحة تعليق السبعين من جد قوي اجل عبد العزيز صار كذا

اشوا انك عرفته عشان ما تصيده

سمحة الخاطر · 22-03-2010, 10:19 PM

ما شاء الله تبارك الله

رحله حلوه بصراحه وتقرير رائع

أما هالمسجد حسيت أنكم في باكستان على هالألوان

لكن سؤال وش فايدة الباب الصغير اللي في الجدار؟؟

عافاكم الله

مضيعه شباصتا · 22-03-2010, 10:40 PM

ماشاء الله ..

رحلة بحرية ممتعة ،

كدادي وكرزه وشم ذولي ؟

ننتظر جديدكم ،

سمو ذاتي · 22-03-2010, 10:50 PM

::

سبق لي زيارة هذا المكان

بس الشين فيه,, ان شمسهم حااااااااره

تشوي الواحد شوي

رحلة ممتعه , امتعتونا

شكرا لكم

::

The End · 22-03-2010, 10:56 PM

مآآآآآآآآآشآآآآآآآآآآآآآءاللهـ

تغطيهـ أكثر من رآآآآآآآآآآآيقهـ
تسلم اخوي

عبدالعزيز · 22-03-2010, 11:43 PM

السبعين

العصاقيل يمكن نقول انها عصاقيلي بس ورى اللون قلب اسود

المعنى

انتبه تشوفني في سدير ترميني طيار تراك تتحمس واجد بعض الايام

مضيعة شباصتا

كدادي = صاحب سيارة يمشينا في الجزيرة مقابل مبلغ مادي

كرزة وشي ذي مالقيتها

فلوكة = قارب او لنش