ذكريات زمان اول ..

[ام تركي]

السلام عليكم ورحمة الله وبركاته
تعالوا ياحبايبي نتذكرزمان اول كنا صغار البرائة بعيونا ماعندنا الى القناة الاولى اسود وابيض من بعد صلاة العصر تبداالبرامج نستنى افلام كرتون توم جيري وميكي ماوس وبرامج الاطفال وخاصة اطفال المديتة ومنها انشودة زهرتي ونونو يانونو كثير من الاناشيد الجميلة ياالله على هذيك البرامج ويجي رمضان كانت ايام حلوة مرهـ هـ هـ المهم في رمضان نروح نصلي مع امهاتنا في المسجد التراويح والقيام مره روعة وبعدين نستنا العيد الينا مجهزين الملابس الي مخيطة عند خياطة في بيتها ونفرح ونعلقها ونشتري جزمة جديده بعدين نولمها لين ياْذن الفجر وامي الله يرحمها تطبخ الذبيحة واحنا نتجهزوابوي الله يرحمه يفرش الشارع ويناد كل الجيران وكل واحد يجيب من عيده ويذوقون بعض ومازال ابوي يسوي هالعاده الى ان توفى رحمة الله عليه له ثلاث شهور وانشاء الله اخواني بيمشون بدربه ومايقطعون هالعادة لكن كانت ايام جميلة يليتها ترجع لكن مالنا حيلة الى نسترجعها بالذكرايات الحين زمن وش اقول الله المستعان زمن العجايب على ماقال محمد عبده المهم عساه موضوعي اعجبكم هذا اقتباس بسيط من الذكريات الحلوة لاتضحكون علي نزلت دمعتي وانا اتذكروسلامتكم جميعاً

[دانة الرياض]

شـكــ وبارك الله فيك ـــرا لك ... لك مني أجمل تحية .

[لهيب الجليد]

ما أجمل هذه الذكـريـات .. !

شكراً لك ام تركي ..

ورحم الله والدك وجميع المسلمين ..

،،

[طير الهدد]

تلفزيون اسود وابيض
معليش انتي كم عمرك ؟؟


















لا عاد تراي امزح معك
حقيقه موضوع رائع يستحق الشكر
شـكــ وبارك الله فيك ـــرا لك ... لك مني أجمل تحية .

[نور النجوم]

شـكــ وبارك الله فيك ـــرا لك ... لك مني أجمل تحية .

[ام تركي]

عمري 48 سنه لحقت على السود والابيض وانا الحين جده تزوجت وانا صغيره الله المستعان ومشكورين على مروركم يابناتي العزيزات

[طير الهدد]

المشاركة الأصلية كتبت بواسطة ام تركي   عمري 48 سنه لحقت على السود والابيض

العمر كله ان شاء الله على طاعته

[طالبة المعالي]

وعليكم السلام ورحمة الله وبركاته ..
الله يذكر أيام أول بالخير جميلة بكل مافيها ..

شكراً لك أختي الفاضلة أم تركي .. وجميل أن يسترجع الإنسان مامضى من ذكريات جميلة يعيشها وكأنها لازالت ..

[معشي الذيب]

[align=center]
وعليكم السلام ورحمة الله ويركاتة.

اختي / ام تركي

الله يعطيك الف عافيه على الذكريات والكلام الجميل عن الذكريات القديمه

وفعلا كلامك صحيح ايام التلفزيون العايدي اسود وابيض والله يذكرها بخير

وكانت ايام جميله وبسيطه بسبب بساطة المجتمع في تلك الحقبه القديمه

وكانت جلست العصر جميله عند التلفزيون ولم يكن هناك خيرات مثل هالوقت

وكنت اذكر افلام كرتون لولو الصغيره ودحروج وكذالك برنامج مجلة التلفزيون

وبرنامج لصحتك للدكتور زهير السباعي وغيرها من البرامج الجميله والممتعة


اختي / ام تركي اقدر لك هذي المشاركه وهذى الذكريات واسئل الله لوالدك

الرحمة والغفران وان يسكنة فسيح جناتة ويرحم الله والدينا وولديكم والمسلمين

وننتظر منك مشاركات تراثيه وخااصة عن المااضي الجميل ...


تحيااتي واحترامي لك ,,
[/align]

[رنا ()]

[align=center].
.
.
.
.
وعليكم السلام ورحمة الله وبركاته
..
..


الله يرحم والدك ويسكنه فسيح جناته
وجميع موتى المسلمين يارب ..

صدقتي كانت أيام حلوهـ مرهـ وأنا ماعشتها
أساساً ولالحقت عليها لكن من كلام الوالد
والوالدة وجدتي الحنونه كم تمنيت إنّي
كنت معهم وقتها ..

والله المستعان على زمان الحين ..



)(( أم تــ ـركي ))(

الله يعطيك العافية على هالذكريات
الجميلة ...!
استمتعت بحق مع كلماتك الرائعه ...!
بارك الله فيك وفي جهودك الكريمة ...!
وفّقك الرحمن وفي إنتظار جديدك ...!

تقبّلي م ــروري المتواضع ...!
في حفظ الله ...![/align]

[ضياء الفجر]

يا حبي لك يأم تركي .. والله ما ينلام الي بيذكر موقف مثل ذا وتطيح دمعته من الشوق .. تدرين انا الآن ما لحقت الا على القناة الثانيه الي تجي مقفله واقعد احتريها لتالي ما تفتح .. هذا قريب تقريباً ولكن بعيد على ايامك ،
فعلاً أحس به ذكريات جنّه .. كيف اذا كانت مثل ذكرياتك يام تركي على ايام جمعة الحارة وايام مقابل الثياب لين طلعة الفجر .. مهو مقابل الوجيه الآن وسوي لا تسوين وقشري لا تقشرين واستشوري لا تحرقين ..
الله يا ذكريات يوم واحد فات كيف هو يسعد القلب .

[قلم صريح]

البنت ضياء رجعت الموضوع الله يبارك فيها وانا ماشفته طازه
إذا انت يام تركي تتذكرين الابيض والاسود .. انا اتذكر الوالد الله يرحمه يقول ان مافي الحارة الاّ تلفزيون واحد عند مدير المدرسة .. وكانت ام المدير الله يرحم والديني و والديكم ويرحمهم وكل مسلم كانت تتغطى عن التلفزيون إذا طلع المذيع
هذا كان في الرياض .. ايام كانت الناس على السليقة .. وكانت حريم الحارة يتجمعون الضحى خبز وكراث وهات سواليف
والبيت مليان من حريم العيال وعيالهم لا خادمة و لا حتى سيارة
و تو الرادو يحلل اما التلفزيون حرام. واللي يركب دباب داشر .
والدخان ممنوع ويهرّب من الكويت . واللي يلبس نظارات شمسيه يتشبه بالكفار . واللي يلبس طربوش مايبي يشوف ربه.
الحين مايحتاج .. نسابق الغرب على التطور بالمظاهر .. الله المستعان

[بسمة سدير]

الله المسْتعـــان يا أم ترْكي


الله يغْفر لوالديك والمسْلمين أجْمعين ، ويخلّي لك عيالك وأحْفادك يا ربّ ،


وذكّرني الأستاذ فيصل ، بأحد الأقارب جعْله بالجنّة ،


أوّل ما طلع التّلْفزيون ، ما هنا إلا غصْب واحد ،


طلعت حرْمة تغنّي فيه ، أوّل مرّة تسوّيها القناة ، اخْتبّ ويبي يعلّم أبوه عن السّالفة ويورّيه ،


ويقوم يطفّي التّلْفزْيون ، وينادي : تعال شف شيء عجيب ، حرْمة تغنّي ، ولا تخاف تراي موزّي الصّورة في التّلْفزيون





..


الله يغْفر لنا ولهم ، وللمسْلمين أجْمعين ،


ويوسّع صدرك يا أم ترْكي والجميــع

[ام تركي]

يبعد عمري ياخياني تفاعلتوا مع موضوعي اشكركم جدا والله يحفظكم

[قناص الديره]

مشكووور اخوي يعطيك العافية