طريقه جديده لتقديم السكر في العزايم والنفاس وغيره

[ام ريتال]

بسم الله الرحمن الرحيم

كيف تقدمين الشاي للضيوف خصوصا اذا صارو كثيرين وش اكثر شي يتعبك ؟
اكيد بتقولين السكر والملاعق
والبعض يبي سكر والبعض لا مثل ماتعودنا نحط سكريه وملاعق وملقاط السكر
القصه ومافيها
جت اهلي عزيمه كبيره مررره
وتوهقنا مافي سكريه كبيره
عاد هنا يوم توهقنا جت الفكره
جبت صينية حلاو فخمه وصغيره
وجبت تل يلمع وقطعته مربعات وشرايط صغيره وملاعق السكر
وحطينا السكر المكعبات في التل وفي الوسط ملعقه وربطنا الشريطه وصفيناهم في سلة الحلاو
وطلعت روعه
انا قلت بنحط في كل صحن شاهي حزمة السكر
وقالت الصبابه الي جبناها لأ مايصلح بدور بالسله احلى وأرتب وفيه ناس مايبي سكر ما يحتاج ياخذ
وطلعت روعه شكلها فخم وغريبه
صدق الواحد اذا فقد الشي تطور وعرف يفكر ههههههههههه

[ام ريتال]

ياكافي ولا وحده اعجبتها الفكره تدخلون وتشوفون وتطلعون محد رد على موضوعي
لا تكون الفكره ماجازت لكم

[نوته بنوته]

ماشاء الله عليك فكرة رووووووووعه

[سمحة الخاطر]

وعليكم السلام ورحمة الله وبركاته


الله يعطيك العافية

لكن لو فيه صور عشان نشوف

[شوقٌ لحنين]

مشاء الله حلوه الفكرة الله يعطيك العافية عزيزتي
ياليت فيه صورة عشان نستفيد من افكارك
ننتظر جديدك عزيزتي

[ام ريتال]

شكرا على ذوقكم بس لللأسف ما تطلع الصور لأني متعوده انزل في هالمنتدى وماتطلع مدري ليه عموما الحركه سهله مثل الحلاو الي تضعينه في قماش تل وتربطينه بشريطه
بس بدال الحلاو سكر وملعقه

[أمورة سدير]

فكرهـ رائعهـ مشاءالله

يعطيكـ العافيهـ أختي

ومشكووورهـ،،،

[حنين الذكرى]

غاليتي أم ريتال
فكرتك جميلة جدا رااقت لي كثيراا سلمت يمناااااك
دمتي لنا مبدعه ومتميزه ودي وورودي لـ قلبك الطاهر ..,,
أكليل ياسمين يعطر تقديري لرقي طرحك
لا حرمنا الله من روائعك المميزة
طرح يستحق التميز

[ام ريتال]

المشاركة الأصلية كتبت بواسطة حنين الذكرى   غاليتي أم ريتال فكرتك جميلة جدا رااقت لي كثيراا سلمت يمناااااك دمتي لنا مبدعه ومتميزه ودي وورودي لـ قلبك الطاهر ..,, أكليل ياسمين يعطر تقديري لرقي طرحك لا حرمنا الله من روائعك المميزة طرح يستحق التميز

شكرا جزيلا لك اختي حنين الذكرى صراحه مدحك لموضوعي خلاني شوي واطير
وهذا من ذوقك الحلو