سؤال عاجل لاهل الصيد

[مفتون صيد]

ياشباب ....... اولاً السلام عليكم



ثانياً عندي استفسار من اهل الاسلحه واللي يبخصونها زين .........ودي اعرف وش ازين شيء في الشوزن ام حبه وكم يتراوح تقريباً سعر الوحده ........ سواء جديد او مستخدم استخدام محشوم

وياليت يقول لنا وش اسمها وصناعتها


وانا اكتب صار عندي سؤال ثاني وابغى اجابه عليه ........ وش رايكم بفشق ضغط 32 مقاس 6
للصفاري والقميري والحجل مع ام حبه ......لان ام حبه تفرق عن ام خمس في عملية اختيار الفشق

شباب ابغى اجابه وافيه لي

ومشكور وما قصرتوا ;)

[اتيكا]

الشوازل أم حبة أنواع والأجود فيهن ثلاثه :ـ

1- ستيفنز طويلة وهي نادرة أو وسطى عادية وصناعتهاأمريكية أم ضراب طويل أو قصير خشابها بني غامق عليك بالقديمة تراها افضل ما ورد

2- سيلانية طويلة أو وسطى وهي امريكية الصنع وتسمى (أم حرف) أو (أم ساقي) حسب التسمية فوق السبطانة وهي بالفعل نادره وصعبه تحصل عليها وماصورتها طويله وزينه

3- أم سبع أبر وتسمى أنجليزية وهي إمريكية الصناعة وهي الأن نادره الوجود وأصحابها محتفضين بها ومافيها كلام مجربه ومعروفه

بس أنا أفضل الستيفنز الامريكة لأنها أول شي تسوق أكثر من السيلانية وأم سبع أبر و ثاني شي رجفتها أخف و ثالث شي أن البندق قليل خراباتها

وبصراحه أعتقد أن الشوزل أم حبه أركد في الرمي وأدق في التصويب من أم خمس ومن مميزاتها أنها تتحمل سوء الإستخدام ولاهي حساسه مثل أم خمس وأغلب القناصه يفضلونها واذا صار ماصار لاقدر الله ولا القيمه هينه بس يبقى عيبها الرجف

أما بالنسبه للأسعار فالأنواع الجديدة ماتتعدى 2000 أما القديم فبحسب نضف البندق وأستعمالها

أما بخصوص فشق 32 مقاس 6 فهو زين والقصمان مايرمون إلا به علشان مايقطع الطير


هذا مالدي وتقبلوا التحيه

[تأبط شرًا]

شكرًا لك ابوشذى على هذه المعلومات ..
وحقيقةً أنك وفيت وكفيت ..
الله يعطيك العافيه ..

[هادي]

قلت ابفزع لقيت التيكا سابقني
ماشالله عليك ماخليت لي درب احكي فيه وفيت ووفيت

سلام

[أبو داحمـ]

غير الثالث ألي عطاك أيه أخوي أتيكا لا تدور وأنا عندي ونشستار وكويسه
ومن نحية الفشق صغط 32 كويس لأم حبه وفيه عندي طريقه تخفف لك الرجف وهي أنك تروح لأي محل أسلحه (((( الرمايه أو الهدف)))) وتركب ربله في كوع البندق وبع ما تركب الربله تحط الكوع البلاستيك ولا تحس بالرجف بهالطريقه حتى لو ترمي ضغط 38 ماتحس بالرجف لأنها تمتص الرجفه

[ابو صالح]

اخوى مفتون صيد مساك الله بالخير

الموضوع جدا شيق واخوى اتيكا سباق دائما للطيب وانا لا اتعدى رايه مشاءلله عليه0

انا عندى ام حبه ايطاليه ام كلتش قديمه وطول الماسوره 71 سم لك عليها بالرجف شوى

ولاكن طيبه استعمل فشق ضغط32 مقاس 6 للقميرى والصفار علشان ما يتقطع الطير

اما الطيور البعيده استعمل ضغط 36 مقاس 6 تبرد الكبد 0

اقيامها تتراوح مابين 800 ريال الى 1300 ريال والنصيحه لا تشترى اى سلاح الى جرب الرمى وانت ابخص 0 سلملى على ضغط 32 مقاس 6 للقميرى لا تتعداه

[المولع]

صراحه اكثر من شخص يمدح الأمريكيه ستيفنز .......

والشباب ما قصرو

[مفتون صيد]

مشكورين يا اخوان على الردود والمشاركه والله انكم وسعتوا صدري الله يوسع صدوركم بالعافيه

والله ما ادري وش اقول ما شاء الله تتنافسون على العلوم الطيبه ... وانا بصراحه مدحوا لي الامريكيه الاولى .. لكن قالوا عيبها الناتوش حقها .... انه يخرب بسرعه ولا ادري عنها ..... اما من ناحية الفشق 32 داخل مزاجي مره خصوصاً في المزارع للصفاري وغيره من الطيور الكبار .....اما في الشعبان اتوقع ان 36 افضل لاجلالمسافه

الا الناتوش هل يقدر راعي المخرطه يضبطه لي لو خرب ....يقدر يخرط لي واحد جديد ومضبوط ... ارجوا انكم تفيدوني في هذه النقطة
وسلامي لكم يالبوارديه