فل الحجاج

[الود طبعي]

السلام عليكم ورحمة الله وبركاته
قصيدة علها ترتقي لذائقتكم,,,,,,,,,,,,,,,,,,,,,,,,,,

[poem=font="MS Dialog,6,black,bold,normal" bkcolor="burlywood" bkimage="backgrounds/25.gif" border="solid,2,chocolate" type=1 line=1 align=center use=sp num="0,black""]
يافكري اللي سارح بالهواجيس=فل الحجاج وخل عنك التمني
اترك هوى اللي يتبع الشك وابليس=وابسم ترى عمر الفتى في تدني
وش عاد لو عشت العمر في وساويس=هل ياترى تمضي الحياة امتهني؟
ياعمري اللي بالهوى ماله ونيس=عيشة وحيد ولا حبيب يعني
دامي على وصله من اهل المتاعيس=كني يتيم عايش في تبني
راعي الوفاء يبسم وينفض له الكيس=رغم الوفاء لكن قلبه يوني
مايهتني من بت بأمره بلا قيس=يغرق لو انه عارف كل فني
لو ان قلبي به حديد ومتاريس=مايحتمل جرح بقلبي مكني
مير أطلب الله واتعوذ من ابليس=ولا الفكر ياما وياما امتحني

[/poem]

وسلامتكم

[أبوإبراهيم الشويعر]

وعليكم السلام ورحمة الله وبركاته
الود طبعي
الله الله عليك ...
حبة خشم تقديرًا وإجلالاً لشاعريتك الفذَّة الرائعة .
رفع ربي قدرك و أسكنك فسيح جناته .

[عبدالله بن سعود]

الشاااااااعر الود طبعي

تجبرك بعض الابيات على الابحار في عالم الشعر الجميل
كهذا النص الراقي



صح لسانك
ولا هنت

[سمحة الخاطر]

وعليكم السلام ورحمة الله وبركاته


الله

صح لسانك وطاب حالك

كلمات روعه

لا هنت

[الود طبعي]

اخوي الغالي ابو إبراهيم الشويعر حياك ربي ومبارك عليك الشهر الفضيل ودائما تحرجني بثنائك الذي يزيدنا اصرارا على تقديم المزيد لا املك سوى الدعاء لك ولوالديك حفظك الله ورعاك

[الود طبعي]

يامرحبا بك اخوي عبدالله بن سعود الشعر الجميل نتذوقه ايضا من قصائدك الجميلة مرورك شرف لي والله يبيض وجهك

[الود طبعي]

سمحة الخاطر حياك في متصفحي المتواضع الروعه ابداعاتك مرورك اسعدني والله يسعدك دنيا وآخرة,,,,,,,,,,,,,,

[خفوق إنسانة]

تعجز حروفي ان تصف هذا الإبداع الذي ليس بالغريب
صح لسانك ودام ابداعك ......

[الود طبعي]

مرحبا بالمشرفة الغالية دانة المجمعة تشرفت بمرورك وصح الله بدنك

[أبو حمـد]

وعليكم السلام ورحمة الله وبركاته ،،


وياهلا الشاعر الود طبعي ،، وصبحك الله بالخير ،،



ويعطيك العافيه لهذه القصيدة الرائعة ،، وما تضمنته من معاني راقية أعجبتني ،، والحب يحمل معه غالباً معاناة وألم ،، ومع ذلك نعشقها ،، ويتيه الفكر عن حقيقة مفادها :


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

وش عاد لو عشت العمر في وساويس = هل يا ترى تمضي الحياة امتهني ؟
[/poem]


الشاعر الود طبعي ،، سلم بوحك ونبضك ،، وصح الله لسانك ولاهنت يالقرم ،،


تقبل تحيتي ،،

[القصب]

شاعرنا الود..!

صح الله لسانك يابعدي..شاعر والشعراء قليل..!

[الود طبعي]

هلا وغلا بمشرفنا حمد ولد ابو حمد والله يصبحك بالخير مرورك اسعدني يالغالي ولا يتيه فكرك ولا يروح بعيدوالله يبيض وجهك ولا يحرمنا من تواجدك تحياتي,,,,,,,

[الود طبعي]

القصب حياك ربي منكم نستفيد يالشاعر وصح الله بدنك وشاكر لك مرورك

[سعد العازمي]

الله عليك شاعرنا القدير صح لسانك ولاهنت
وتقبل تحياتي وتقديري ومروري اخوك

[قلم رصـــاص]

مآشآء الله !

صح لسآنكـ على هذه ِ القصيدة الرآئعة

أعجبتني بصرآحة , يعطيكـ ألف عآفية

و ننتظر المزيد منكـ , بآلتوفيق