14-08-2010, 03:11 AM
|
#1 | |||||||||
|
مراقبة سابقة
|
| ضياء الفجر |الحلقة الثانية برنامج صادوه|~
 إليكم || الحلقة الثانيــة || من | برنامج صــادوه|~ ضيفتنا اليوم من طابع خاص احببت فيها روح التحاور كانت كما عهدناها محاورة بجدية ضيفة خفيفه همساتها في ارجاء صرحنا كونوا معنا ضيفتنا المشرفة ضياء الفجر اضاءت ليلتنا بأسلوب خاص لم نعتاد عليه من قبل احبتي في الله طبعا هذا المقلب ليس من معرفي انما من معرف اخر جديد بأسم | أنفاس الفجر| كي نحبك الحلقة بنطباع خاص  بسم الله نبدأ أنفاس الفجر مرحبا عزيزتي اسفة لارسالي في هالوقت بس حبيت ابلغك اني والله احبك في الله وباين من اسلوبك انك مثقفه ماشاء الله  صــــادوهرسالة محولة من ضياء الفجر مرحبا عزيزتي اسفة لارسالي في هالوقت بس حبيت ابلغك اني والله احبك في الله وباين من اسلوبك انك مثقفه ماشاء الله  من اولها دت ترفع ضغطي وردت رسالتي لي  لكن انا لها  أنفاس الفجر وشفيك رديتي علي رسالتي  تكفين ابي اصير مشرفه وشلون ؟ وهل الاشراف صعب؟ لاتردين علي رسالتي تكفين محتاجه لك  شكرا لك وموفقه  مسويه مسكينه ابيها ترحمني وتعطف علي  صــــادوه ضياء الفجر صباح الخير يالطيّبه ، الله يسعد ايامك وهذا والله من طيب اصلك يالغاليه ، والله يرزقك حب الله وملائكته ، وانا آسفة لأني رديت لك رسالتك لأني الصباح كنت داخله بجوال .. ، والله يبارك فيك الاشراف ماهو صعب ، أنتِ عطي المنتدى مايفيده بطيب نيّه ، كيف تبين تكوني مشرفه ومالك الا مشاركات قليله، غريبه ! واتمنى اشوف مشاركاتك وتفاعلك يالطيبه ، وانا معك اعاونك وأعتبريني أختك صــــادوه طبعا اقتبست جملة قاتلتها وحقدت عليها وحبيت اكشف اللي مستخبي  أنفاس الفجر أنتِ عطي المنتدى مايفيده بطيب نيّه  بعد التحية رااح اعلق على النقطه ليه يعني بدخل المنتدى بقصد السوء  انتي شايفة شيء عزيزتي اسأت لك ؟ لاسمح الله  ليه نظرتي لي بالسوء وانتي ماشفتي خيري من شري انا اخترتك من بينهم حسيت انك مثقفه وااعيه وفي الاخير هذا ردك لي  اسمحي لي ردك فيه بعض التناقضات ان احسن النيه فـ لنفسي وان أسأت فـ لها على العموم عزيزتي اشكرك لطيب أخلاااقك وللمعلومات استفدت كثير وتبقين اختك اتشرف بها على الدواام موفقة - طبعا سفهتني ومادرت علي ارسلت لها رساله ثانية ناويتها ناويتها ابي رفعة الضغط  ياختي ليه مارديتي على رسالتي....!! تضايقت من اسلوبك ... بصراحة ماتوقعتك كذا ياختي ليه متكبرة من تواضع لله رفعه رجاء ردي على رسالتي اللي قبل واتمنى ماتتجاهلينها انتظر الرد صــــادوه ضياء الفجر أولاً يا أختي الكريمه أتمنى عدم الدخول في النوايا .. وفهم المقاصد بحسن نيّه وعدم التهكم على الناس أرجوكِ . وان كان لك قصد لم اضعه في عين الأعتبار فأنا لست المنشوده . حسناً ! حسناً حسناً ودي اعرف وين جبتني هالكلمة منه لايكون متابعه المناهل وانا مدري حسيت اني في مسلسل ابناء الغد حسنا! متعوب عليها ياضوايه نحلص من حبوله منه لله تجين تكملينها بحسناً يالله ماعليه صــــادوه أنفاس الفجر حسناَ >> قايلة بستهزاء ابي اعرف وشلون احط ملف صوتي عندي انشودة بحطها لكِ ان تساعديني اختاه على الطريقة...!! لاحظوا طريقة في طرح السؤال احاول اتكلم معها باللغة العربية صــــادوه ضياء الفجر أولاً جيبي مركز تحميل وأي مركز أنتي حابته .. وسوي استعراض وحطي الملف الي بتحطينه وثم استني بعد ما يتم تحميل الملف .. وبعدها أنسخي الرابط والسقيه في متصفح جديد واضيفي لمسات من كلمات او تعابير انتي حابتها .. واذا تقصدين ملف مباشر يعني الي موجود مثل هذا :  فجيبي رابط مباشر من موقع تحميل وأنسخيه والقصيه بوسط الكود هذا :  وبعد اعتماد المشاركة يطلع ملف صوتي وبالتوفيق . صــــادوه مسييكينه مجهدة اخيتي ماحولك احد لاتعبين عمرك أنفاس الفجر الله الله كل الاشياء عشان احط الانشودة ....!!!!!! والله مشوار اجل اذا بغيت احط ألبوم يبي لي شهووور عشان اطرحها واذا تعبت وطرحتها قلتي مكرره طيب ليه من الاساس نتعب اذا صار بينحذف وانا وش يدريني انه حاطينه قبلي اعلم الغيب وش السواة الحين ؟ صــــادوه ضياء الفجر أقول الله يحييك أنتِ وراك هدف ، عموماً ترا الموضوع جداً سهل قبل تحطين الموضوع عندك فوق ( بحث ) أبحثي عن الأنشودة وشوفي هل هي سابقه ولاّ واذا انتي حابه تحطين موضوع ومشتهيه تحطين اتعبي مافي مشكله لكن اذا مو حابه الي يريحك وبعدين الله يبارك فيك وش رايك أخلي الصوتيات كل القسم مواضيع مكرره وانتي جالسه تبحثين عن اناشيد متنوعه وتلقين كل ما فتحتي موضوع ولاه مثل الموضوع الي قبله .. رح يكون قسم ماصل عشان كذا ننقل المواضيع المكرره لقسم المواضيع المكرره ولا وش رايك ! المهم سويت لك شرح عشانك وطبقيه تراه سهل جداً ،  وهذي النشيده موجوده عندك : اقعد على الشرح عاد ورى ماحطيتي اسمك عليها والا مسروق حركات ياضوايه طيب ليه يوم ترسلية ماكتبتي عليه اسمك حفاظا للحقوق ولا بعد حاطة انشودة توني انتبه لها اليوم بصرااحه مجهدة صــــادوه أنفاس الفجر طيب وش فيك معصبه ....!!! لاتدفين شوي شوي راعي مشاعري ياختي ترى انا انثى ولي مشاعر وبعدين اختي روعتني وش هاللي مرسلة احسبك اخترقتي جهازي والا يمكن اخاف اتبع الخطوات وتهكرين جهازي عشان شفتيني ضعيفة ومهناش في النت طيب ابتبع خطواتك بحذافيرها>> ركزي في حذافيرها عشان تدرين اني مثقفه مثلك طال عمرك بس اللي ابيه تكفين ترسلين لي انشودة ماطرحت في المنتدى وابيك اذا طرحتها تشجعيني عشانك جرحتني في ردك لي لازم تعوضيني عشان مايحز في خاطري وش قلتي ؟ صــــادوه لا يفوتك الرد ماتوقعت هالرد منها بصراحه انصدمت ضياء الفجر أقول وش أخبارك ؟ اما وش اخباري مايبي لها حل من جد قايلتها من قلب صــــادوه أنفاس الفجر  الحين بعد هالرسايل والشرح توك تسأليني وش اخباري.....!!!! الحمدلله بخير وبصحة وسلامة وكل عام وانتي بخير والشهر عليك مبارك قبل الزحمة بعد الاخبار وش قلتي في الموضوع .....!! انتكلم بجديه وانتي تتهزين فيني الله يسامحك اجل من أسأل إذا انتي ماساعدتينيانا من النوع اللي ينحرج يرسل للإدارة او اللجان العليا فمن البديهي ان اسألك...! وبعدين ليه رفعه الخشم خليك مرحه ياوسعي صدرك يالله وش اسوي الحين؟ انتظرك رجاء لاتسفهيني هذا جزاي بعد بنشط قسمك شوفو بس انواع التعصيب وهذا اللي انا ابيه صــــادوه ضياء الفجر أقول حبيبتي ماله داعي الغشوه ، ثانياً يوم أني تعبت وصورة لك الطريقة ويعتبر مجهود .. وتتعبين نفسك ما تتعبينه الا لعيون غاليه ومقدرتك ولاّ وانتِ يا عين امك خذيتيني بشراع ومجداف حتى الشكر على سنع ما شكرتي ولا قلتي تعبتك معي وانتي شويه !! وتالي تقولين ابخترقك .. مدري اضحك ولا اصيح صراحه .. وقسم الصوتيات ماهو ملكي لعلمك .. انا فقط مشرفه .. فقط وبعدين الي تكلم بجديّه أنا وانتي لفيتها مصخره فمالي الا اكلم الناس بريقتهم .. حبيبتي خلي عنّا .. وكلمي ضياء الفجر الي انتي تعرفينا .. الله يوفقك . صــــادوه شوفوا رفعة الضغط صارت ترسل من غير رايها والي ياخذ ويعطي معك تحترمينه شوي وتقدرين الكلمات الي تقولينها الله يحفظك ؟ وبرنت كامل بعد .. يعني تبغيني أصف لك الأناشيد كلها يـ أستاذه ؟ أنا الحقيقه من رايي تقولين لي النشيده وأنا أخبرك هي مكرره ولا ؟ ثانياً ترا انا مشغوله شويه الله يحييك عندي بالكيلو .. فا ياليت تقدرين وتقدين حتى الأسلوب .. والكلمه الطيّبه اذا وصلتك رحبي بها نصحيه . صــــادوه عاد حاولت امتص عضبها شوي واسوي حالي مسكينه وضعيفه أنفاس الفجر طيب ياخت ضياء مشكورة على التصوير وانا وش مدريني انك مصورة ماقلتي تراه من مجهودي تخبرين علمك هالناس هابين في النسخ واللصق احسبك منهم طيب الف شكر اهم شيء اني تطمنت انك ماتتخترقين الجهاز عزيزتي سؤال وصدقيني معد ازعجك ابد خذيها وعد عزيزتي ضياء ممكن اعطيك الرابط حق الانشودة واعطيك معرفي وتدخلين وتضبطينها لي ....!! وش اسوي ماعرفت وانا ودي احطها شفقتن على الانشودة اذا ماحطيتها بيضيق صدري تكفين قولي تم صــــادوه احس انها تقول وش اللي بلااني فيها كن ودها تجي تصفقني ضياء الفجر هههههههههههههههههه الله يهديك بس حقنه الله يخليك لهيلك .. وش نسخه ولصقه يعني بالغصب نفهم!!!!! .. وكاتبه يا ...وتقولين نسخ ولصق ، اقول الله يهديك بس المهم والله ماردك .. بس مرح ادخل بمعرفك .. هذا ملكك وخاص فيك .. لكن قولي لي وش الانشوده الي الي تامرين بها وانا اسويهالك وانسقها وأرسلها لك هنا والصقيها في موضوع جديد ومافي مشكله . اخس ياضيو محافظه على ممتلكات الخير اهنيك والله شكلك تقولين ودي بس مهوب حاصل صــــادوه أنفاس الفجر الحين اللي ياخذ ويعطي معك يصير حقنه شكل فيك انفصال في الشخصية من شوي صايله علي وزعلانه والحين تضحكين علي وانا ماقلت شيء يضحك يالله ماعلينا شوفي وش الاناشيد اللي في القسم عشان ماتكون نشيدتي الخاصة مكرره وبلغيني بسرعه اخاف اطلع وماجاني ردك وعشان ارسل لك الانشودة وتضبطينها عندي جامعه الحين برووح اتجهز قبل الساعه 8 ودي احطها عشان اذا رجعت شفت التشجيع والردود وربي حسيت اني مهمه انتظر البرنت الكامل عن الاناشيد شكرا لك طبعا سفهتني وماردت علي مسويه ثقل علي وانا اللي احارشها وارسل لهااستاذتي ضياء الفجر>> كذا يرضيك ياختي وش فيك وش اقدر خليك عادي فري المهيم وش مشغوله فيه ؟ طيب انشودتي هي حنا بنات البدو يازين حنانا رقينا فوق الجبل كلن ماننا حلوه مره شوفي اذا هي مكرره والا؟ وخليك سلسه في الاسلوب كني في مدرسة يالله بسرعه انتظرك الله يصبرها علي ياااااااااوك لوه انا هجيت والا كان مرتفع ضغطي صــــادوه ضياء الفجر في دورتي الأشرافيه ماهي مكرره .. هاتيها بدون ايقاعات الله يحفظك ..منيب سهلة ياضوايه بكل ثقة قايلتها أنفاس الفجر اخس يالقشرا اجل اجل دورة اشرافيه شوفي ياويلك اذا صارت مكررة ادري عنك اخاف بتأدبيني وتجازيني اذا طرحتها تقولين مكرره لايكون بتعطيني درس .....!!! وبعدين حنا بنات البدو فيها ايقاع دندنه انتي عاد شيلي الايقاع وخلي البنيات الصغار يرقصن بلحالهن بدون صوت اوكيه عزيزتي ...... اتفقنا؟ مسويه برئية وانا من تحت لتحت شوفو عاد الرد اللي يوسع الصدر انواع التعصيب صــــادوه ضياء الفجر حبيبتي حسني أسلوبك .. عيب لما تقولين لحد ماتعرفينه أخس وكمان عيب لما تعرفين أحد وتوزوزين صح ! أجل يرقصن بدون صوت! عموماً تكلمي بالجد وأنا الحقيقه عطيت الموضوع اكبر من حجمه .. كنت أبي أخدمك .. ولو باليسير .. لكن يبدو انك تتسلين .. ما تقدرين المجهود . وعطيتك من وقتي .. وأنا عندي بالكيلو ومنشغله لكن ما حبيت أتكبر .. تعرفين لما يقولون الطيب ماهو خطأ الخطأ لما تزوّدها .. يمكن جت عليّ .. والله يسعد ايامك اريد اشوف مشاركاتك في العام .. ونشاط لك .. عشان اسمع انك بجنبي مشرفه .. وأنا حالياً مشغوطه من كل الجهات فمالي خاطر تسليّ .. تمسين على ألف خير لا حظوا من الحمق كاتبة مشغوطه احس انها عاضتن لسانها من الصوله يؤيؤ شكلها بتهج ماراح تعطيني وجه بعدها انهيت الموضوع صــــادوه أنفاس الفجر فديت قلبك يالغلا الله لايحرمني منك كنتي ضيفة خفيفه وعزيزة وغالية علينا في برنامج صاادوه وانتي ضمن الضيوف اللي صدناهم معنا العذر والسموحة يالغلا.... وسامحينا على اللي صار >> هذا اساس البرنامج  صــــادوه ضياء الفجر أعصابك بس . هونتي عن الأشراف لايكون انتي حنين ! صــــادوه أنفاس الفجر ايه نعم وهل في ذلك شك حنين بام عينها >> مدري هي كذا ياوخيتي سامحينا يالقشرا اخس منتي هينه اجل عيب عيب ثاني مرة اشرحي بضمير حسناً صــــادوه طبعا انا احتري منها رسالة عالبريد  مادريت الا وهي هابتن علي في المسن ضياء الفجر حنيييييوه هبي يالدبا يالشينه انتي وجهك مااحبببببببك لا تكلميني رفعتي ضغطي وتعبتيني في الشرح انواع الرشاشات جتني مسكت خط خلصت الحبر من كثر ماتكتب فديت روحك يالغلا سامحينا وكل عام وانتِ بصحة وسلامة والشهر عليك مبارك جعلنا الله واياكم من الصائمين القائمين المعتقين من النيران الفائزين برضوان الرحمن والفائزين بأعالي الجنان والف شكر عالتصميم الرائع جزاك المنان عالي الجنان وحرمك الله يدييك عن النار ننتظر تعليق مشرفتنا على الموقف أشكركم لمتابعتكم اتمنى أن يحوز رضاكم تابعونا في الحلقة القادمة بإذن الله دمتم بحفظ الرحمن |
|||||||||
|
| مواقع النشر (المفضلة) |
|
|
العرض الشجري