كفو عليكم ياأهل الجنوبية

[عبدالله المهيدب]

تحية كبيرة نبعثها لأهل الجنوبية ونخص بها من ساهم في إقامة مثل هذه الملتقيات ولعل هذا أول القطر وكفوا عليكم ياهل الجنوبية ، غلبتوا اهل الحوطة اللي محرومين من الافراح ، وكل من جاء يمهم مايدري هم في عيد ولا لا.

عموما تحية كبيرة لأهل الجنوبية تملأ كل الاركان ،وتعطر كل مكان، وتكسوهم بالشكر والإمتنان ، على مجهودهم الريان. وأتمنى أن أتشرف بالمشاركة فيه.

عبدالله المهيدب

[المدرس]

اهلها

اهلها


اهلها


اهلهاااااااااااااااااااااااااااااااااااااااااااااا ااااااااااااااااااااااااااا

[kaleed2222]

الحمد لله رب العالمين

صدق ان تفكيرك صغير يالمهيدب

ما فيه الا الحوطة اللي في بالك طيب العودة ما حطوا شي والعطار والجنيفي وغيرها كثير


بس الحقران يقطع المصران وانت تعرف ما اعني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟يا المهيدب ؟؟؟؟

[ســحــاب]

ياثقل دمكم لي تغايرتوا المشكله ان مابينكم الا كيلو وطالعين كنكم جارات ماغير تتهاوشون وتتغايرون الحمدلله على العقل بس

[سلامه]

استغفر الله بس ؟؟؟؟؟؟؟؟؟؟؟؟؟؟

سدير ما راح يتطور وانتم تناقرون كذا
المشكله الي يشوفكم يقول ذولا الحين ساكنين في مدن !!!!!!!!!!!!!!!

بيتين ونخله وجيدين في الشكاوي والحسد


مع احترامي لك يالمهيدب موضوعك سخيف وماله هدف ولاهو اسلوب للنقد هذا
هذا اسلوب استفزاز لاهل الحوطه




اقول الله يصلحكم بس

[سنمار]

يا جماعة المهيدب كان قصدة خير

هو من محبته للحوطة كان يبي يعطيهم حافز انهم يسوون مثل الجنوبية

والمفروض مهب الحوطة بس تسوي كذا المفروض كل مدن وقرى سدير
تسوي سواة الجنوبية عشان يجتمعون اهل الديرة ويتعايدون ويكسرون الروتين
اللي ذبحنا اللي هو سلام بس وكل واحد يروح لبيته يكبر المخدة .

وسلامتكم

[الملتمس]

لا لا لا يا أخواني 00 ما ودنا نصير كذا ابد

يا جماعة الخير خلونا نرتفع بمستوى حوارنا شوي واتركونا من ها الاعتقادات اللي ما لها سنع 00
يا إخوان سدير ديرة وحده بكل مدنها وقراها وهجرها 00 هذا ما يجب علينا أن نسعى إلى تحقيقه وترسيخه نحن يا أبناء البلد 00 أرجو أن تكون لغة الحوار بيننا أرقى من هذا المستوى حتى ولو اخطأ أحدنا في الأسلوب أو إيصال الفكرة أو أن تكون فكرته فهمت بطريقة خاطئة من البعض 00 يجب ألا يكون الرد بهذه الطريقة 00 هدانا الله وإياكم

همسة في أذنك اخوي ( سلامة )

البيتين والنخلة اللي تقول هي كل ما تحتويه الديرة من وجهة نظرك هي اللي طلعت أبوي وأبوك وجدي وجدك وعزتهم والمعز الله سبحانه وتعالى 00 الله يهديك ويفتح على بصاير قلبك 00 ويكفينا شرك لأن بصراحة دخلتك لها المنتدى بهالطريقة ما لها سنع 00 وتخوف من تاليها 00

حفظ الله الجميع من كل مكروه 00 ولكم تحياتي 00

[عبدالله المهيدب]

الأخ المدرس

تسلم ياغالي واثني على قولك اهلها اهلها اهلها

[عبدالله المهيدب]

اخوي خالد 2222

والله لم أقصد حقران اي شبر في سدير بل ان حبي لها يفوق التوقعات ولكن الرقاد اللي أشوفه يغيظني ، وتحية للروضة والجنوبية واهلها النشيطين

عبدالله المهيدب

[عبدالله المهيدب]

اخوي سحاب التغاير اللي تتكلم عنه يعتبر ايجابي وممكن يكون بداية البداية للجميع ، وادع لنا بالتوفيق فأنت سحاب والسحاب لايأتي غالبا الا بالخيرات .

عبدالله المهيدب

[عبدالله المهيدب]

استغفر الله بس ؟؟؟؟؟؟؟؟؟؟؟؟؟؟

سدير ما راح يتطور وانتم تناقرون كذا


مع احترامي لك يالمهيدب موضوعك سخيف وماله هدف ولاهو اسلوب للنقد هذا
هذا اسلوب استفزاز لاهل الحوطه




اقول الله يصلحكم بس

الاخ سلامة توك جديد ولسانك طويل لكن الله يحللك ويبيحك وينفع بك

لم اقصد الاستفزاز فللحوطة مكانة في قلوبنا ولكن لأنك بعيد عن الحوطة ، ولا تحمل في قلبك ذرة محبة لها تقول هذا الكلام، والدليل انك تنعت سدير بقولك ( المشكله الي يشوفكم يقول ذولا الحين ساكنين في مدن !!!!!!!!!!!!!!!

بيتين ونخله وجيدين في الشكاوي والحسد )
لكن من يعيش حب الحوطة مع الحرمان من هذه الانشطة يدركون قولي .

عبدالله المهيدب

[عبدالله المهيدب]

اخوي سنمار تحية كبيرة كبيرة كبيرة ابعثها لك ولعقلك الراجح وتفكيرك المتزن ، ادركت الهدف ، فأنت المهندس المبدع

عبدالله المهيدب

[عبدالله المهيدب]

اخي الملتمس

تحية اكبار واعزاز لك

لقد كتبت فاأبدعت ، واجدت فيما صرحت ، وطرحت فنجحت .

لم يكن الاسلوب استفزازي ابدا ولا يمكن ان يكون كذلك ولكن لكل قدرات في فهم الخطاب حسب توجاته وتفكيرة وواقعه وفي كل خير، ومقوله اصرح بها بكل تجرد ( اني احبكم جميعا في الله )

عبدالله المهيدب

[عبدالله المهيدب]

للجميع
اعود مرة اخري لأقول

كفو على اهل الروضة
كفو على اهل الجنوبية

واتمنى قريبا ان نرى الجهود لدى الجميع والتنافس الشريف بينهم بشكل يزيدهم حبا لبعضهم البعض .

عبدالله المهيدب

[ابو عبد العزيز]

اخي عبدالله المهيدب كل عام وانت بخير وتقبل الله منا ومنكم صالح الاعمال.
بالنسبه لموضوعك فانا اعتقد انك كاتبه وانت مقهور من الحوطه لان مافيها احتفلات بالعيد وودك انها تصير من اجمل مدن سدير بالاحتفالات بالعيد وانا والله ماالومك لان الناس الطيبين دائم يتنافسون على الطيب .
اخي عبدالله صراحه انا استغرب ان الحوطه مافيها احتفلات للعيد بس ليه ماتجتمع ما مجموعه من شباب الحوطه وتدرسون هذا الموضوع او يعرض هذا الموضوع على امير الحوطه الزكري انا اعتقد انه ما راح يقصر فهو سوف يجتمع باعيان الحوطه ويتشاورون بهذا الموضوع وانا صراحة حسب ما اسمع عنه فانه من الناس اللذين يفرحون باي شئ يخدم ويجلب السعاده لاهل ديرته .
وفي الختام تقبل فائق تحياتي