سيلت دمع القصيد بدفتر غيابك

[خفوق إنسانة]

سيلت دمع القصيد بدفتر غيابك
وطرقة باب الامل لحلام ورديه

عذرك عن البوح بلل طارف هدابك
ورجف الشفايا حكايه موطبيعيه

ياصدق احساس غنابي وغنابك
جرحين سون بصوت الشوق رديه

احيان اهابك وبعض احيان ماهابك
واحيان تسبقني الخطوه على الجيه

في كل سكرة غلا اموت واحيابك
وبكل بسمه من اشفاهك رفاهيه

كيف اشرح الوضع والي جابني جابك
ومنك تشكلة عشر ابيات شعريه

ثلاثه ابكيتهن في صفحة اعتابك
وسبعه مثل مايقولون الهواويه

تايه من الحزن قبل القاك والقابك
شعور سوابي الدمعه ضروريه

ادري كلامي يثير الصمت بعصابك
وتدري لك اخطاء ملموسه وعفويه

منته امقسوم ليه اشقيك واشقابك
لو جبت ...لحلامنا مبلغ وجاهيه

حكم القدر سكر بوجه الامل بابك
ماهو بيديك ياعمري ولا ايديه

مدام خط الوصل والبعد متشابك
نفس المشاوير .. بروحه... وبلجيه

للشاعــــــــر/خالد البصمان

[قلم رصـــاص]

رآآآئعة بصرآحة!!

ألف شكّر مشرفتنآ لجهودك المميزة

[كنز العبير]

رائــــع جداً .

جزيــت خيراً .

[خفوق إنسانة]

الاروع مرورك اخوي وتواصلك ...

[خفوق إنسانة]

الاروع مرورك اختي كنز العبير لاعدمت هالطله ...

[سمحة الخاطر]

روعه

وهالشي مهوب غريب على دانتنا

تسلمين

[خفوق إنسانة]

عبق الياسمين وشذى عطركم فرشتموه هنا
بمروركم الغالي ...

[عبدالرحمن الفهد]

جميله القصيده

يا حاضرة المديرة

من عيون الشعر

[خفوق إنسانة]

هلابك اخوي عطرت صفحتي بشذى مرورك الكريم ...