رجل الكرم والوفاء . الشيخ محمد السعيد ( ابو عادل)

[ناصر الحنو]

بسم الله الرحمن الرحيم
السلام عليكم ورحمة الله وبركاته
اتمنى ان يكون الجميع بأطيب حال
الشيخ محمد السعيد رجل صاحب كرم قدم ويقدم الكثير لديرة عودة سدير
مثله مثل جميع الكرماء الذين لايبخلون على ديارهم بالدعم الدائم
وابو عادل احد رجالات عودة سدير الكرماء وما اكثرهم ولله الحمد
تشرفت مع زملائي ادارة مركز غيلان واعضاء لجنة التطوير بزيارته في مزرعته بالرياض
فكان مضياف كريم بشوش وليس هذا بغريب على رجل مثله
بعدها ابى الشعر الا ان يكون له حضور ومهما قلت في ابا عادل فلن افيه حقه
ولكنها مشاعر تنبض من القلب وهكذا هي مشاعر اهل عودة سدير الأوفياء لمن يقدم العطاء لعودة سدير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الله كريم بحكمته يعطي الناس=من زود فضل وناس تبقى فقيره
اعوذ بك يارب من كل وسواس=ومن شر من يحسد كريمٍ بخيره
بديت باسمك يا الولي واصدق انفاس=تنبض بذكرك والاماني كثيره
واعظم اماني بالشعر نبض باحساس=صادق يعبر بالمعان الغزيره
في الوافي اللي بالكرم دوم نبراس=يعطي ويجزل بالعطايا الوفيره
شهمٍ كريمٍ والعطايا بلى قياس=والعوده تشهد بالعطايا الكبيره
ابن السعيد الشهم وافي وقرناس=والبسمه دائم بالتواضع تنيره
في مجلسه تسعد ولاتمل مجلاس=وصيته تعدى بالكرم كل ديره
تبرعه في ديرته يرفع الراس=وفي العوده اسمه معطرٍ كل سيره
محمد ابو عادل وفي طيب الساس=وفكره حكيمٍ والبشر تستشيره
يالله عسى املاكه خضارٍبلا يباس=ويكفيه من عين الحسود الخطيره
ويمد في عمره ولايشوف الانجاس=والعافيه تبقى بعمره سفيره
هذا شعوري نابض بصدق الاحساس=وادري مقصر والمعاني فقيره
لكن تقبل شكري يا رافع الراس=عن كل ماتقدم عطايا كثيره
وختامها صلوا على صفوة الناس=على النبي اعداد رمل الجزيره[/poem]

وسلامتكم

ناصر

ظمال العشق

[أبو حمـد]

السلام عليكم ورحمة الله وبركاته ،،

اللهم صلي على نبينا محمد وعلى آله وصحبه وسلم ،،


الشاعر ناصر بن راشد الحنو ،، مساك الله بالخير ،، وكل عام وأنت بخير وصحة وسلامه ،،


والله يعطيك العافية لهذه الجزلة الرائعة ،، وهذه البادرة واللفتة الجميلة منك في صاحب الصفات النبيلة والمواقف المشرفة الشيخ محمد بن عبدالله السعيد " أبو عادل " بيض الله وجهه ،، ويستاهل زين المقالي ،، والإشادة به وبمواقفه التي تدل على شهامته وجوده ،، فنعم المادح ونعم الممدوح ،،

بيض الله وجهك أخوي ناصر ،، وصح الله لسانك مدد ،، ولاهنت يالغالي ،،


تقبل وافر التحية والتقدير ،،

[سعود الخليل]

صح لسان اخوي ناصر ..

ودام هذا البوح الراقي ...

ويستاهل الشيخ محمد السعيد على مابذل لبلده من عطاء لا حرم اجر ما قدم ..

[اسيرالعيون]

يستاهل الشيخ محمد السعيد على مابذل لبلده من عطاء لا حرم اجر ما قدم

وصح لسانك يا ناصر بن راشد الحنو

بصراحه قصيده اكثر من رائعه

تقبل مروري وتحيتي لشخصك الكريم

[عبدالله الغانم]

لافُضَّ فوك وسلمت يمينك
على هذا النبض الوفائي الأنيق
أيها الشاعر المبدع
تقديري

[بن زامل]

يستاهل كل خير ابوعادل ..
رجُل يتيه الشعر في حضرته
صح لسانك يابعدي .