رحلتنا للباحة ...

**FATA--JALAJEL** · 30-09-2010, 04:51 AM

السلام عليكم ورحمة الله وبركاته

حياكم الله جميعاً

ماودي أطول بالمقدمة

موضوعي عبارة عن صور رحلتنا لمدينة الباحة الجميلة

وكانت رحلة مميزة جلسنا أربع أيام بلياليهن

بصراحه كان الجو خيالي لولا ضروف الدوامات كان جلسنا فيه أزود

أخليكم مع الصور والمناظر الخلابه

هذي عزبتنا << طبعاً أنا ماسك الطبخ والنفخ وأخوياي جالسين

هذولا أخوياي جالسين

وهذي فرش النوم

صورة من فوق الجبل وشوفوا كيف الضباب

من جهة ثانية

السحاب متراكب << هذا قبل لا يجينا المطر

وهذي بعد ما حاسنا المطر وما قدرت أصور من قوة المطر

لكن بعدها بـساعة إلا ربع أنجلت السحابة والأرض صارت كلها ماء

وهذي عزبتنا كلها رابصه من المطر

بس أحسن شي تمالكنا الفرشه وركبناها بالغمارة قبل لا تربص

وهذي قاعدين نتهاوش واحد يقول بنقعد والثاني يقول لا الأرض رابصه

من بعدها رحنا لقرية أسمها قرية (( ذي عين ))

فيها عين تمشي ما شاء الله تبارك الله مرة عذبه وصافية

وكان جنبها مزرعه فيها نخل وموز ... أهم شي أنها خضراء

وكان الدخول للشخص الواحد 20 ريال

هذي صورة للعين وهي تمشي حاطين لها مدرج

وهذي نفس العين بس بشكل ثاني

نفس العين بشكل آخر

طبعاً الشباب قالوا لازم تصورنا صور تذكارية جنب العين وطلعنا بهذي الصورة

وهذا واحد من الشباب قال لازم تصوروني هع هع << بيجحد نفسه

هذي صورة للمزرعة فيها ثلاث نخلات جنب بعض وأعجبتني قلت بصورها

صورة للمزعة من جهة أخرى

صورة طولية تم دمجها

صور للقرية التراثية

القرية التراثية

القرية التراثية

القرية التراثية

نظرات غدر

وفي الختام لا يسعني إلا أن أتقدم بالشكر الجزيل لكل من :

معاذ سعد & أحمد حمد & حمد حمود

بصراحه أحب أقولهم ما قصرتوا طلعه معكم ما تنمل

لا نقول وداعاً ولكن إنتظروني في تغطيات قادمه بإذن الله

كان معكم من خلف الكاميرا

أخوكم /

عبالواحد بن سليمان
FATA--JALAJEL

والسلام عليكم ورحمة الله وبركاته

بنت ابـــرآآآهـيـم · 30-09-2010, 06:02 AM

اجوااااء رهييييييييييييبه ماشاء الله

يعطيك العاافيه على هالتغطيه ..

**FATA--JALAJEL** · 30-09-2010, 06:09 AM

الأخت :

بنت ابـــرآآآهـيـم

مشكوووووورهـ والله يعطيك الف عافيه على مرورك وردك

فهد المنيع · 30-09-2010, 09:26 AM

ماشاء الله رحلة شبابيه جميله ..

أجواء المطر تفتح النفس

والحمد لله على السلامه أخوي عبدالواحد

عبدالعزيز · 30-09-2010, 11:02 AM

ماشاء الله عليكم فالينها

الحمدلله على سلامتكم ,, وشاكر لك على الصور الرائعة

قلم المحبه · 30-09-2010, 05:48 PM

رحلة روعه مشكوووور اخوي FATA--JALAJEL

عبدالرحمن بن سعد · 30-09-2010, 08:33 PM

اهلاً بزميل المتوسطه

ياهلا ومرحبا

تقرير جميل والاجمل هي شوفتك بعد هالسنين

اسأل الله لك التوفيق ياعزيزي

وتقبل احترامي

باب الحارة3 · 30-09-2010, 09:51 PM

ماشاء الله مناظر جدا رائعة

يعطيك العافية عالتغطيه الرائعه لرحلتكم الموفقه

عبدالله بن عبدالعزيز · 01-10-2010, 03:22 AM

السديراويه لازم لهم بصمه في اي بلد >> وراكم كاتبين على الجدار جلاجل

الحقيقه رحله ممتعه ورائعه والباحه مدينه سياحيه محليه جميله

مشكور اخوي على التقرير المميز

وبالتوفيق

**FATA--JALAJEL** · 02-10-2010, 01:35 AM

الإخوة :

فهد المنيع ... الله يسلمك ... ومشكور على مرورك وردك

عبدالعزيز ... الله يسلمك ... ومشكور على المرور والرد

ساهر الليل ... حياك الله ... مشكور على مرورك وردك

**FATA--JALAJEL** · 02-10-2010, 01:38 AM

الإخوة :

عبدالرحمن بن سعد ... حياك ربي ... تراني ما عرفتك ؟
مشكور على مرورك وردك

باب الحارة 3 ... حياك الله ... مشكور على المرور والرد

عبدالله بن عبدالعزيز ... هلا بك ... لا بد بصمه بكل مكان ...
مشكور على مرورك وردك