رحلة الخيال ~~ إلى أراضي الطبيعة والجمال ~~ (الجزء الثاني)

[الجنوبي 2000]

في البداية أحب أن أشكر جميع من تابع الجزء السابق من التقرير وتفاعل معه وأتمنى أن يكون نال على جزء من إستحسانكم ..

اليوم نكمل معكم ما بدأناه عن رحلتنا الأولى إلى ماليزيا ..
وبعد ما أستمتعنا بقضاء3 أيام في مرتفعات كاميرون الطبيعية, كان لابد من تغيير الوجهة والتوجه إلى العاصمة الماليزية (كوالالمبور)
وقضاء الثلاث أيام الأخيرة قبل السفر منها والتوجه إلى الدولة الثانية التي زرناها ,والتي ستكون في التقرير القادم
بإذن الله ..

صحينا من النوم في وقت مبكر لأن ورانا مشوار للعاصمة (كوالالمبور) وكان الجو بارد ..

وكان فيه بعض الضباب ..

وكان الوداع حار لهذه المرتفعات ببعض الأمطار ..

طريق العودة والنزول من المرتفعات ..

بداية وصولنـــا للعاصمة ..

صورة من بعيد للفندق اللي راح نسكن فيه ..

طبعاً الفندق أسمه (تايمز سكوير) وهو فندق راقي بصراحة
وميزته أنه ملاصق لمجمع سوق كبير وله مدخل خاص للمجمع ..

هذي صورة من المجمع ..

بعد وصولنا للفندق وقبل إستلامنا لغرفتنا حصل لنا موقف طريف صراحة ..

وهو أن موظف الإستقبال في الفندق بلغنا بعد وصولنا أنه حصل حريق بسيط في الفندق
قبل يومين من وصولنا وكان الحريق في الدور 43 وكانت الغرفة اللي حجزناها في نفس الدور ..

لكن بما أن الفندق كبير ويهمه سمعته راح يتم تعويضنا بنفس نوع الغرفة اللي حجزناها ..
ولكن بعد البحث أتضح أن كل الغرف كانت محجوزة ..

فما كان قدامهم إلا أن يعوضوننا عن غرفتنا بأكبر جناح عندهم أقدر أسميه بيت كامل يتكون من دورين
ويكفي عائلة كاملة وموقعه مميز في أعلى برج الفندق يعني تشوف منظر كامل للمدينة من الغرف ..

هذا مدخل الجناح ولاحظ الدرج يطلع للدور الثاني ..

(مصائب قومٍ عند قومٍ فوائد’) ..

هذا المطبخ والعزبة أكيد موجودة ..

غرف النوم في الدور العلوي ..

غرفة النوم الرئيسية ..

المنظر من نفس الغرفة ..

طبعاً بما أن اللي صار بصراحة فيه نوع من الحظ! .. فما أستغربنـا هالشي في الأخير ..
لوجود (رفيقنا الهلالي) معنا ..وهذا دليل جديد لأخواننا الهلاليين أن الحظ دايم معهم ..
وهذي أكبر فوائد السفر مع مشجـع هلالي ..

صورة من الأعلى ..

وبعدها طلعنا نتمشى ونقضي باقي اليوم في السوق ..

وما ننسى البولينق ..

هذا الرجل الأخضر على قولتهم .. يكسب رزقه بالوقوف بدون أي حركة ..

مساج للقدمين بواسطة الأسمـاك .. والصراحة تجربة رائعة ما تفوت ..

صورة ليلية للعاصمة كوالالمبور

في صباح اليوم الثاني كنا على موعد مع سواقنا لزيارة (حديقة أفاموسا) ..


صور للعاصمة في الصباح ..







في الطريق وقفنا في المحطة .. ولاحظ كيفية تعبئة السيارة بالغاز ! ..



مدخل الحديقة ..





وكان في إستقبالنا عند بوابة الدخول ..


يتبع

[الجنوبي 2000]

[align=center]

هنا ركوب الفيل ..

[/align]

[align=center]

وهنا طيور الببغاء ..

هذي أنواع من الطيور ..

متحمس مرة .. ههههه

وهذي الغزلان ..

هذا الحيوان اللي تكلمنا عنه في التقرير الأول ..

بصراحة ما أعرف أسمه .. لكن هذي معلومات عنه أمام حوضه..

ما أعرف أساميهن بس شكلهن ملاقيف !..

وهذا فيه النوم كالعادة ..

وهذي عروض الفيلة ..

الفيل في لقطة إستعراضية وشكله طايح بالسامري ..

عرض القرود ..

فالها أبو الشباب ..

صور منوعة للحديقة ..

هالطيور مهيب غريبة ! ..

طيور قميري !! ..

الكل يبحث عن صيدها في السعودية وهي تتبرد في ماليزيا ..

وترا ما قامت تقهرني وهي تتسدح ويقول لسان حالها (يحلمون الي فيني يفكرون) هههه ..

بعدها ركبنا هالقارب ورحنا لجزيرة قريبة من الحديقة .. وهي جزيرة القرود ..

وصلنا جزيرة القرود ..

يتبع

[/align]

[الجنوبي 2000]

[align=center]
وهذي مدينة الكاوبوي وفيها عروض مثيرة ..

وبعدها طلعنا من الحديقة ..





وفي طريق خروجنا كان في وداعنا هالغالية ..

صورة جماعية مع العائلة الكريمة ..

وفي اليوم الثالث لنا في ماليزيا أصبحنا على زخات المطر ..






كان الجو غائم ولاحظ برج التوأم تغطيه الغيوم..

اتجهنا إلى وجهتنا المقبلة ..

( مـنـتـجـع مـرتـفـعـات جـنـتـنـق ) ..




مدينة ملاهي فوق الغيوم ..

هو عبارة عن مكان مرتفع جداً وحولك السحاب والغيوم في كل مكان
تستمتع فيه بمدينة للألعاب تغطيها الغيوم في أجواء عليلة ورائعة مائلة إلى البرودة ..


حيث كانت عالم جديد ومثير وإحساس رائع يفوق الخيال ..




الوصول لها بواسطة التلفريك ..

المعذرة على قلة الصور .. لأننا كنا مشغولين باللعب ..




صورة ليلية قبل الوداع ..





وبنهاية يومنا هذا .. انتهى آخر يوم لنا في ماليزيا .. أو آسيا الحقيقية ..
والتي أرى أننا كنا مقصرين في حقها لأنها كانت تستحق أكثر من المدة التي خصصناها لها ..
ومن وجهة نظري أن المدة المناسبة لزيارتها لاتقل عن أسبوعين ..




--------------------------------------------------------


إنتهت أحداث قصتنا مع ماليزيا ..
آمــلاً أن أعيد زيارتها يومــاً ما ..




وفي الختام لعلي أختم حديثي ..
بتذكر هذا البيت ..


سَيَذْكُرُنـي قـومـي إذا جَــدَّ جِـدُّهُـمْ ،


وفــي اللّيـلـةِ الظَّلْـمـاءِ يُفْتَـقَـدُ الـبَـدْرُ


/
\
/




كانت أيام لاتنسى ..


عشت جميع لحظاتها ..


وأصبحت مجرد ذكريات ..


تعيش في خيالي ..


وأحب في كل مرة أتضايق فيها ..


أن أعود بذاكرتي حيث ..


هذا المكان !




وفي الليلة الظلماء ..


تفتقد الجميلة والحبيبة ..


ماليزيا ...



يومـاً .. مـا ..


كنـت هنـا ..









-----------
---------------
تـرقـبـوا مـعـنـا بـالـجـزء الثالث
---------------
-----------



- زيارتنا للدولة التي يسمونها "جنة الله في أرضه" ..












- أول مرة أعرف أن النباتات تفهم الإنسان ..!






الجزء الثالث تعرفون كل شي بإذن الله..



ترقبوني قريباٌ..
ألقــــــــــاكم..

[/align]

[بنت عشيرة]

رااااااااااائعة
ماشاءالله حظكم حلووو
صارت لنا نفس المشكلة في(برجايا بيتش) وبدلوها لنا بكوخ vipقيمته5000ريال




شكلها حللوووة




وفقت في التقاط الصورة




أجواااء راآآآآآآآيقة



أخوي الجنوبي
تقرير راااآآآآآآآآئع وممتع
يعطيك العافية
في انتظار الجزء الثالث بكل حمااااس

[عبدالعزيز]

يامال العافية يابو عزوز على هالصور الاكثر من رائعة

بس ياخي احس كل تمشيكم في حدايق

ان شاء الله تعوضنا في الجزء الثالث بصور الطبيعة والشلالات << طراها ان جايهم مطر قبل كم يوم

[فهد المنيع]

ما شاء الله عليكم .. صور حلوة وأجواء خيال ..

على طاري الفندق وش ذا النحس يالجنوبي احترق الفندق عشانك بتسكن فيه هع هع


بالنسبة للأماكن اللي زرتوها حلوة بس كشباب لو مريتوا الجزر (لنكاوي + بيننق) مع كاميرون هاي لاند بيكون مناسب لكم اكثر .. افضل من كوالا لمبور ..

لكن يبدو إن الاهتمام بيكون في الدولة الثانية

ننتظر الجزء القادم ..

[لهيب الجليد]

ماشاء الله تبارك الرحمن

طبيعة .. والأرض خضراء

أجواء جداً ماتعة ..

أشكرك أخوي الجنوبي على هالتقرير وبإنتظار الجزء القادم

[الجنوبي 2000]

المشاركة الأصلية كتبت بواسطة عبدالعزيز   يامال العافية يابو عزوز على هالصور الاكثر من رائعة بس ياخي احس كل تمشيكم في حدايق ان شاء الله تعوضنا في الجزء الثالث بصور الطبيعة والشلالات << طراها ان جايهم مطر قبل كم يوم

هلا حبيبي عزوز والله مو حدايق يا طويل العمر بس بالنسبة اقرب للعاصمه هذا الاماكن يعني الوقت معك فقط 6 ايام والشي كلها نهار فالوقت ضيق بالمره علينا لانك مريت دولتين في 14 يوم وهذا شي ضيق الوقت علينا والامطار تجبرك بعض الاحيان على بعض الاماكن

ابشر بالسعد بالتقرير القادم المناظر والشلالات

لاهنت

[الجنوبي 2000]

المشاركة الأصلية كتبت بواسطة فهد المنيع   ما شاء الله عليكم .. صور حلوة وأجواء خيال .. على طاري الفندق وش ذا النحس يالجنوبي احترق الفندق عشانك بتسكن فيه هع هع بالنسبة للأماكن اللي زرتوها حلوة بس كشباب لو مريتوا الجزر (لنكاوي + بيننق) مع كاميرون هاي لاند بيكون مناسب لكم اكثر .. افضل من كوالا لمبور .. لكن يبدو إن الاهتمام بيكون في الدولة الثانية ننتظر الجزء القادم ..

هلا بالغالي ابو عبدالعزيز شفت النحس كلها 3 نصراويه يعني تبي الفندق يظبط بس الهلالي لقينا منه منفعه اذ ما صار هو المنفعه بالسفر كله هههه


والله يا بعدي ماليزيا لم تكن الدوله المحدده لنا فالدوله القادمة هي التي سوف نذهب اليها 14 يوم ولكن فكر احد الاصدقاء بهذا الفكره وضرب عصفورين بحجر وتمنيت جلست بماليزيا 14 يوم افضل ولكن الحمد الله على كل حال

لنكاوي تريد طياره من العاصمه واغلب الي قلت بس قلنا نقضيها 6 هنا و6 بالطبيعه افضل علشان ما نمل 14 يوم طبيعه ههههه

واتمنى كم كل قلبي ازور ماليزيا مرة اخرى

لك ودي

[يـــزيـــد]

السلام عليكم

ماشاء الله تبارك الله رحلة موفقة وتقرير ولا احلى ياعالمي

[الجنوبي 2000]

المشاركة الأصلية كتبت بواسطة بنت عشيرة   رااااااااااائعة ماشاءالله حظكم حلووو صارت لنا نفس المشكلة في(برجايا بيتش) وبدلوها لنا بكوخ vipقيمته5000ريال شكلها حللوووة وفقت في التقاط الصورة أجواااء راآآآآآآآيقة أخوي الجنوبي تقرير راااآآآآآآآآئع وممتع يعطيك العافية في انتظار الجزء الثالث بكل حمااااس

تسلمين يا الغاليه ولا شكلك هلاليه بعد هههه على تغير الي عندك

تسلمين على المرور الطيب وحياكي الله يا الغالية

[إبراهيم ابوغانم]

ماشاء الله تبارك الله


رحله مميّزة وممتعة أخوي ( الجنوبي )


وتقرير وافي وشامل ماشاء الله


استوقفتني صور زيارتكم لمنتجعات ( جنتنق ) فلي فيها ذكريات جميلة


شكراً لك يالغالي .. وفي إنتظار الجزء الثالث


لاهنت

[الجنوبي 2000]

المشاركة الأصلية كتبت بواسطة لهيب الجليد   ماشاء الله تبارك الرحمن طبيعة .. والأرض خضراء أجواء جداً ماتعة .. أشكرك أخوي الجنوبي على هالتقرير وبإنتظار الجزء القادم

تسلم لهيب الجليد على المرور الطيب

حياك ربي يا الغلا

لاهنت

[الجنوبي 2000]

المشاركة الأصلية كتبت بواسطة يـــزيـــد   السلام عليكم ماشاء الله تبارك الله رحلة موفقة وتقرير ولا احلى ياعالمي

تسلم يا يزيد ولاهنت على المرور الطيب

حياك ربي يا الغالي

[عبدالله بن عبدالعزيز]

حقيقه ام خياااال ( العبله بعد 100 سنه )





ماشاء الله تبارك الله
كل فندق يقول للثاني انا ازين منك >> هذي البلد والا كلام




العالم وصلوا المريخ وحنا نكرر سواليفنا ( غلى البنزين او رخص ) الله يخلف بس

ورا ماصدتها بالزبيريه تكرم والمشاهدين





ننتظر تقرير للجزء الثالث بأحر من الجمر





في الختام لايسعدني الا ان اقدملك الشكر يابو عزوز على التقرير الكافي والوافي واللي يفتح النفس

ماشاء الله عليك توثيق مميز ( لاهنت )

والحمد لله على السلامه