( جناب العز ) ... قصيده في ملك الإنسانية

[بن غانم]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

السلام عليكم ورحمة الله وبركاته..


بلامقدمات .. فمتواضعتي تحكي عن نفسها ..


سمعت البارحه علمٍ يضيق الصدر باسبابه = وانا سالي وداله والحزن والهم مالي به

اعرف الله ومتمسك بديني وارجي ثْوابه =ومن يعفو عن اخطائي ابدعي يالله تثيبه

تكدر صفو بالي والزمان مكشر انيابه=وليل البارحه ماطاع يسري .. وين ابسري به؟

تناقله الاذاعه والقنوات اتّوصى به = احد زاده واحد نقّص واحد يهذي ويهذي به

وحنا مانثبت علم لينه حضرة اجْنابه= يصرح في التلفزون السعودي عقب ندري به

ملكنا خادم البيتين يمر بعارض أصابه!! = هذا حال الزمان اللي تدوربنا دواليبه

بكل وضوح ماخبى على شعبه وش أعيابه= يقول بخير شوفوني .. عن الشك وعن الريبه

لكن..عرق النسا من وين جاني شالذي جابه!؟= وانا آخبر النسا مامنهم الا الخير والطيبه

وانا ودي اقوم لضيف قصري واتحفى به ! = لكن هذا حكم ربي وانا مومن وراضي به

خطاك السو ..وان تعب الأسد تتعب له الغابه = ولا يحكم ثراها غير اسد ..مايحكمه ذيبه

يابومتعب جناب العز يزهابك وتزهابه= ملك مثلك يحق لنا نفاخر به.. نماري به


صفاتك لو باعددها يابو متعب وش ابدابه ؟!=اقول الطيب والا العطف والا العـز والهيبـه!!


بعضها لو يعدده الذهين .. ينوخ ركابه = اجل وشلون باقيها .. وانا وش عاد باجيبه!


سماحة وجه .. طيبة نفس .. وحب الله وكتابـه=وأسمى وصف لك خدمة حرم مكه .. حرم طيبه


طهور ومايجيك الشر يابوي وخذنـي عصابـه=عصابة راس ياجعلي فدى هالـراس والشيبـه


نحبك ونعرف بانك تحـب الشعـب وادرى بـه=لو ان بعض الوجيه السود تزرع شر ومصيبـه


عساهـم فـي قلايـع وادريـن وحـدر دبابـه=ومن يزرع سواد الوجه يجنـي عقبـه الخيبـه


خذوا منا مفاتيـح الوطـن وانفتحـت ابوابـه=يبون الشعـب يغفـى بيـن تغريبـه وتغريبـه


وش بترجي من نفوسٍ ..تغذت .. سرق ونهابه= يبون الغرب يحكمهم .. بااسالبيه ..والاعيبه!


يابومتعب .. معك شعبٍ يشوف الموت ماهابه= تحت امرك ورهن اشارتك .. والكايد يجيبه


تبينا سلم.. سالمنا ..تبينا حرب وطْلابه = (معاً ضد الفساد ) وكل نابح نقطع ذنيبه

وطن مانحمي ترابه ..حرام نعيش بترابه = ولا نْكدر مشاريبه .. وننهل من مشاريبه

طلبت الله .. ومن غير الله المعبود .. نلجا به = الهي وانت جاهي طالبك تشفيه وتجيبه


لنا سالم .. ومتعافي وأجر ماجاه وآصابه= عسى عرق النسا يبلى خبيث النفس ويصيبه


يابومتعب ..متى ترجع .. وطنك اسمرّت ثيابه = متى بنغني لشوفك: هلا يامطول الغيبه






[/poem]

[أنثى المطر]

.,

ماشاء الله تبارك الله
صح لسانك وطاب حضورك

متواضعتك جميله ومعبره ومبدعه .,

لاهنت .,

[أبو حمـد]

وعليكم السلام ورحمة الله وبركاته ،،


صبحك الله بالخير بن غانم ،، وياهلا ياهلا


صح الله لسانك على هذه القصيدة الطيبة ،، والتي عبرت عما نكنه في قلوبنا جميعاً ،، من مشاعر حب وتقدير لملك أحب شعبه وأحبه أبناءه ،،

والحمدلله على سلامته أبو متعب ،، أسأل الله أن يحفظه ويعود لشعبه ووطنه سالماً معافا إن شاءالله ،،


شكراً لك ،،

[بن غانم]

المشاركة الأصلية كتبت بواسطة أنثى المطر   ., ماشاء الله تبارك الله صح لسانك وطاب حضورك متواضعتك جميله ومعبره ومبدعه ., لاهنت .,

صح بدنك أختي..أنثلى المطر


أشكرك على مرورك العطر..

[بن غانم]

المشاركة الأصلية كتبت بواسطة حمد ولد أبو حمد   وعليكم السلام ورحمة الله وبركاته ،، صبحك الله بالخير بن غانم ،، وياهلا ياهلا صح الله لسانك على هذه القصيدة الطيبة ،، والتي عبرت عما نكنه في قلوبنا جميعاً ،، من مشاعر حب وتقدير لملك أحب شعبه وأحبه أبناءه ،، والحمدلله على سلامته أبو متعب ،، أسأل الله أن يحفظه ويعود لشعبه ووطنه سالماً معافا إن شاءالله ،، شكراً لك ،،

صبحك الله بالنور.. ياحمد وياهلابك أكثر

صح بدنك .. وأشكرك على مرورك وكلماتك وأسأل الله أن يتقبل دعائك..


تقبل ودي وتقديري

[عبدالرحمن بن سعد]

مشاء الله

للامانه اكثر من رائعه

صح الله السانك واعتلى شانك

قصيده وافيه وطيبه واحساس صادق من شاعر مخلص

اسأل الله لك التوفيق
واسأل الله لبو متعب الصحه والعافيه وجميع المسلمين

واسأل الله له العون واقامة العدل والبطانه الصالحه
واسأل الله ان يعينه وان يقويه على خدمه دينه ووطنه

وشاكر لك عزيزي الغالي على هذا الاحساس

وللامانه استمتعنا بها
وارجوا ان لاتحرمنا مشاعرك

تقبل احترامي

[بن غانم]

المشاركة الأصلية كتبت بواسطة عبدالرحمن بن سعد   مشاء الله للامانه اكثر من رائعه صح الله السانك واعتلى شانك قصيده وافيه وطيبه واحساس صادق من شاعر مخلص اسأل الله لك التوفيق واسأل الله لبو متعب الصحه والعافيه وجميع المسلمين واسأل الله له العون واقامة العدل والبطانه الصالحه واسأل الله ان يعينه وان يقويه على خدمه دينه ووطنه وشاكر لك عزيزي الغالي على هذا الاحساس وللامانه استمتعنا بها وارجوا ان لاتحرمنا مشاعرك تقبل احترامي

صح بدنك

الله يتقبل دعاك أخوي..


وللأمانه أنك أخجلتني بكلماتك التي تدل على رقي شخصك



لك كل الاحترام والتقدير

[أبوإبراهيم الشويعر]

ابن غانم
قصيدةٌ رائعةٌ راقيةٌ شامخةٌ لفظًا و إحساسًا ومعنى .
رفع ربي قدرك و أسكنك الفردوس الأعلى من الجنة .

[بن غانم]

المشاركة الأصلية كتبت بواسطة أبوإبراهيم الشويعر   ابن غانم قصيدةٌ رائعةٌ راقيةٌ شامخةٌ لفظًا و إحساسًا ومعنى . رفع ربي قدرك و أسكنك الفردوس الأعلى من الجنة .

الرائع هنا مرورك أستاذي الكريم

اللهم آمين والله يتقبل دعائك ويجزاك الجنة

[عذبة الصفات]

::
يعطيــــــكـ العافيـــــــــــــــــــة على الاختيـــــــارالراقي
مآ آنحرم من جديدك
.:.

[بن غانم]

المشاركة الأصلية كتبت بواسطة قمر الزامل   :: يعطيــــــكـ العافيـــــــــــــــــــة على الاختيـــــــارالراقي مآ آنحرم من جديدك .:.

الله يعافيك أختي الكريمة

الرقي في تواجدك .. مع إنني لا أعلم ما المقصود بقولك - الاختيار- !

عموماً .. الله لايحرمك الجنة ..وأشكرك على مرورك

[عبدالله الغانم]

راااائعةٌ بحق أيها الشاعر العذب
بديعة ٌ أنيقة تسربلت وفاءً وتدفقت حباً وولاء
بورك الحرف ودام العطاءوجُزيت الخير
شفى الله خادم الحرمين وأعاده سالماً معافى
تقبل تقديري