طلبناكم يا أمهات وبنات الديره

[راعي ثادق]

تحياتي للجميع

من السنعة اللي تعلمنا طريقة (( العفيس )) وهل هو القشـــيد

ياليت الطريقة وبالصور إذا أمكن ومشكورين مقدماً

[أمورة سدير]

السلام عليكم ورحمة الله وبركاتهـ

القشد يختلف عن العفيس

العفيس مكوناتهـ تمر وزبدهـ وشوي طحين

بس مادري اذا هذا العفيس الي تقصدهـ ولا شي ثاني،،،

[آنثى مخمليه]

هلا بك اخووي

امورة سدير صادقه القشد غير العفيس

انت وش اللي تقصده اي واحد فيهم


ياليت تقولنا عشان نفيدك ..’’

[راعي ثادق]

المشاركة الأصلية كتبت بواسطة تولين   هلا بك اخووي امورة سدير صادقه القشد غير العفيس انت وش اللي تقصده اي واحد فيهم ياليت تقولنا عشان نفيدك ..’’

اللي أقصده مثل ما تفضلتن ( طحين + تمر + زيد )
وناس تضيف (اقط) معاه
وإذا تكرمتم الطريقتين ، بارك الله فيكم وجعلها في موازين حسناتكم

[راعي ثادق]

معقول (71) ولم يرد أحد

[بنت عشيرة]

السلام عليكم ورحمة الله وبركاته

العفيس:
تجيب تاوه وتحمس فيها الدقيق البرّ لمدة 8دقائق تقريبا بس لايصير بني غامق قوووة بيصير طعمه كنه محترق
نضع عليه تمر عجو(مطلعين الفصم)ونحركه معه +زبدة سايحة
نحركة شوي ع النار بعدين نرفعه ..ويقدم بالهناء والعافية:-)

[راعي ثادق]

بيض الله وجهك يا بنت عشيره ومشكوووووووووره سوف أجربها لعلها تنجح

ونتظر طرق أخرى

[عيون عسليه]

القشدة ( العفيس (( وفي ناس تسميه (( الغفيص ))



المقادير

تمر بالنوى أو بدون
زبدة
فنجان لبن او زبادي
دقيق أسمر

الطريقة

توضع الزبده علي النار ثم اللبن ويحرك
يضاف إليه الدقيق حتي يشقر لونه
يوضع عليه التمر ويحرك بملعقه خشب
تترك علي نار هادئه حتي يلين التمر
ويقدم مع القهوه.

^
^
العفيس طرقه وااجد وكل ناس لهم طريقة الطريقة الثانيه:

تمر منزوع النووى + زبده + بقل (( الاقط ))

يحمس التمر مع الزبدة ويضاف له الاقط بعد تكسيره ويقلب على النار قليلا إلى أن يحمى
ثم يؤكل بالصحه والهناء
وممكن نستغني عن الاقط بوضع القرصان الناشف لكن لازم تضيف على القرصان الناشف

قليل من الحليب عشان يلين شوي 
وبس

[عيون عسليه]

وهذي الطريقه بالصور اخوي


نبذه عن العفيسه:

هي اكله شعبيه مكونه من الدقيق البر مشابهه للــ( قشده – الفريك – الحنيني – المحلى )

وتعتبر من الاكلات اللي تؤكل في فصل الشتاء لانها تبعث الدفئ لاحتوائها على مكونات تبعث الطاقه

سبب التسميه العفيسه :

لانه المقادير تعفس مع بعض << سبب مقنع خخخخخخخخخخ

المقادير:


2كيلو تمر
4 كاسات طحين بر
زبده اثنين ونص
نص كاس زيت
2 علبة زبادي
1كاس ماء
2 ملعقة سمن ( او حسب الرغبه )

الطريقه :

1\ ينزع النواة عن التمر

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 801x200 54kb

2 \ يحمس الطحين على نار هادئه حتى يحمر قليللا



3 \ توضع على النار (2,5 علبة زبده + اكاس ماء + 2 علبة زبادي + 2\1 كاس زيت ) وتضرب بالمضرب اليدوي حتى يغلي





ثم يسكب السائل على الطحين وهو ساخن ويترك عل النار مع التحريك المستمر حتى تصبح (قشده ) لمدة 5 دقائق




مع التحريك المستمر يصبح بهذا الشكل :



ثم يوضع عليها التمر ويترك على نار حتى يلين



ثم يضرب بالمعصاد



صوره خاصه للمعصاد (( للي مايعرفه ))




اخر شي نحط السمنه على العفيس ( زي ماقلت لكم اللي يحب ريحه السمن وطعمه يوضع على حسب الذوق )

وبــــــــــــالهناء والـــــــــعافيه


طريقة تقديم العفيس

يقدم العفيس مع القهوه ويازين القهوه اذا صارت في خيمه او في مجلس شعبي

[دواء الروح]

ياي شكلها حلو هي اكله شعبيه ولا ايش اول مره اشوفها

[راعي ثادق]

مشكوره أختي عيون عسلية عزّ الله وفيت وكفيتي

نفع الله بكي وبجهودك 00 ونتظر منك المزيد