¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة . |
|
أدوات الموضوع | انواع عرض الموضوع |
26-03-2011, 09:06 PM | #1 | |||||||||
مشرف سابق
|
كشتة لروضة خريم والربيع ( يغطي الرجال ) ادخل وتأكد
هذي صور لكشتتنا يوم الخميس 19/4/1432هـ لروضة خريم
ماشاءالله الربيع مايصدقه الا اللي يشوفه المهم اخليك مع الصور وبعض التعليقات الصور الواحد توه قايم من فجر الله ويشوف هالعربية تحمل مع العزبة وش السالفه نبي نروح نبني او نحمل رمل مثلاً عاد عقب القهوة الله يعافي ابو عبدالعزيز <<<<<< ماخلصت الزمزمية ابد وبما ان الخط تقريباً 340 كم يعني مافي امل توقف وتفطر فطور زي الناس يالله فطور سريع سريع وترى هالجبن يوم شافه اللي يسوي الساندوتش يقول جايبن لنا مايونيز هههههههه <<<<<< بس ترى ينفع هالجبين للسيارات على طول سفري اهم شي تموينات القاهرة وترى شرينا اغراضنا من القاهرة عاد هنا يوم وصلنا الكوبري اللي بعد رماح للي جاي من الرمحية هذي الجهة الشرقية للروضه اذا وصلت المنطقة الخاصة لف يمين ماشاءالله الربيع طيب والعشب مزًهر والناس توهم مابعد جو يعني خفيفه الروضه موب ذاك الزحمه ماشاءالله ماودك ترجع ابد مناظر تفتح النفس ادري كلكم تقولون موب معقوله وعنوان الموضوع مبالغ فيه لكن شوفو هالصوره وان شاءالله اني ماكذبت الربيع مغطي الرجال ولكن وهو منسدح هع هع يعني اني صاااادتس ياناس هالادمي تووحفه لازم اي طلعه يقطع العشب ويقيسه <<<<< بس ياحبيله شقدري وقرم لو العناد بعض المرات الحمد الله الجو صافي وربيع وبراااد شوووفو هاك الرجال اللي منسدح ومطلع يدينه ومع العشب ترى نفسه اللي تو يفيس العشب يالله يالله قومناه من هالمحل مدري يبي يرعى مثلاً ههههه العيال يتمشون بوسط هالربيع يالله من فضلك ماشاءالله تبارك الرحمن عقب هالصور قالو العيال ( خبرة ) نبي نروح لمكان ثاني بالروضه بدال ماتروح يمين من عند المنطقة الخاصه هالمره رح يسار والربيع اقل من المكان الاول لكن هنا على مد النظر يعني مافي شجر تردك اطلق العنان لنظرك وتمتع بالربيع عاد وقفنا ونزلنا نشوف المكان ونطلًق رجلينا شوي وماشاءالله كل مادخلت وابعدت عن الشبك كل مازان الربيع عقب ماطلقنا رجلينا ورجعنا انواع الضحك يالله يالله نمشي من الضحك بس شفتو فائده العربية لو اننا محملين بلك او رمل الكان تقول صعيدي يبي يبني ههههه او ناقص سيكل وتسحب العربيه ههههه بس فكت زنقة زنقة وافتكينا من شيل الاغراض وحنا رايحين للعيال اللي اختارو المكان بس اذا بغيت اصور كود اوقف وانزل الاغراض اللي معي علشان اصور <<<<<<<< المفروض يفرغ المصوًر هههههههه عقب ماستلم العربية دعس مع الخط وتذكرت عمًال الحرم اذا جو ينظفون ههههه بس ماشاءالله سوًاق ماطاح شي من العزبة ماشاءالله واخيراً الحمدلله وصلنا المكان اعوذبالله تكًسرت يديني من هالاغراض بس جانا لياقة ممتازه هالصوره اللي مقابلة مكانا عاد تخبرون ومثل ماشفتو فطور مش ولابد ومشي وشيل الاغراض وبعض الناس قاعد يدف العربية وبالبر يعني تفتح نفسك للأكل قلنا لابد من الغداء المبكر وجلسنا لنا شوي وشبينا على غدانا يالله عاد متى يزين الغداء على مابال يجهز رحنا نطلق ونتمشى بالمكان اللي حولنا الى وصلنا المحمية وردونا المجاهدين فيذاك رجعنا العيال يتمشون المجاهدين وخدمة وحماية الروضه شكراً لجهودهم قدرين قدر للحم والقدر الثاني لرأس المال الرز ماشاءالله نثرية خيالية <<<<<<<< لاحد يقول جوعان لا والله شي ثاني هالكبسة دعاية البان الهنا اوووه لبن مايقدًر واحد من الشباب ابد هههه واحلى دعاية لألبان الديرة الهنا تراه احسن لبن طبيعي بدون بوودره مكانا كان اخر شي بالروضة ولا ندري عن شي ويوم رجعنا الا ماشاءالله الروضة مليانه وزحمه يوم شفت هالسيارات تذكرت مباراة الهلال والنصر على هالزحمة بالبر ومتلقى مواقف هههههههه مدخل رماح هنا بالطريق للعوده للغاط يمال السيل ولجميع الديار واختم تقريري بهالصورة اتمنى ان ينال اعجابكم ولكم ودي واحترامي وتقديري اللهم اغثنا اللهم اغثنا اللهم اغثنا بمان الله |
|||||||||
26-03-2011, 10:40 PM | #2 | ||||||||
عضو مشارك
|
رد: كشتة لروضة خريم والربيع ( يغطي الرجال ) ادخل وتأكد
ماطلعت الصور |
||||||||
26-03-2011, 10:57 PM | #3 | |||||||||
عضو مميز جداً
|
رد: كشتة لروضة خريم والربيع ( يغطي الرجال ) ادخل وتأكد
ماشاء الله تبارك الله |
|||||||||
26-03-2011, 11:28 PM | #4 | |||||||||
مشرف سابق
|
رد: كشتة لروضة خريم والربيع ( يغطي الرجال ) ادخل وتأكد
ياليتي شايفك بس هه |
|||||||||
27-03-2011, 01:51 PM | #5 | |||||||||
مصور فوتوغرافي
|
رد: كشتة لروضة خريم والربيع ( يغطي الرجال ) ادخل وتأكد
|
|||||||||
27-03-2011, 03:27 PM | #6 | |||||||||
مشرف سابق
|
رد: كشتة لروضة خريم والربيع ( يغطي الرجال ) ادخل وتأكد
ماشاء الله تبارك الرحمن |
|||||||||
27-03-2011, 09:09 PM | #7 | |||||||||
عضو متميز
|
رد: كشتة لروضة خريم والربيع ( يغطي الرجال ) ادخل وتأكد
ماشاءالله |
|||||||||
28-03-2011, 08:46 AM | #8 | |||||||||
عضو سوبر
|
رد: كشتة لروضة خريم والربيع ( يغطي الرجال ) ادخل وتأكد
يعطيك الف عافيه على الصور الى تفتح النفس |
|||||||||
28-03-2011, 07:32 PM | #9 | ||||||||
عضو متميز
|
رد: كشتة لروضة خريم والربيع ( يغطي الرجال ) ادخل وتأكد
ماااشاء الله ربيع ولااحلى |
||||||||
29-03-2011, 03:40 PM | #10 | ||||||||
عضو فعال
|
رد: كشتة لروضة خريم والربيع ( يغطي الرجال ) ادخل وتأكد
ماشاء الله صور تفتح النفس |
||||||||
30-03-2011, 09:16 AM | #11 | |||||||||
مشرفة سابقة
|
رد: كشتة لروضة خريم والربيع ( يغطي الرجال ) ادخل وتأكد
|
|||||||||
31-03-2011, 12:52 PM | #12 | |||||||||
عضو نشيط
|
رد: كشتة لروضة خريم والربيع ( يغطي الرجال ) ادخل وتأكد
مآآآآآآآآآآآشآآآآآآآآآآء آآآآآآآلله تبآآآآآآآركـ آآآآآآآلله .. |
|||||||||
06-04-2011, 10:10 AM | #13 | |||||||||
مشرف سابق
|
رد: كشتة لروضة خريم والربيع ( يغطي الرجال ) ادخل وتأكد
كل الشكر والتقدير لكم انتم على حضروكم وتواجدكم الرائع |
|||||||||
مواقع النشر (المفضلة) |
|
|