بسبوسه التمر+مطازيز+حلا سرريع من صوابعي الحلوه (مطبخي)

عذبة الصفات · 24-06-2011, 06:54 PM

السلام عليكم ~

كيف حالكم يااحلى بنوتات

شفت نفسي رايقه قلت بصور طريقه بسبوستي الي الكل يسألني عنها
هي سهله جدا وبنفس الوقت مفيده لان فيها تمر

وهذي صوره جماعيه لافراد عائله المقادير

كاس تمر من غير نوى

بياله زيت

ثلاث ارباع كاس ماء

نص كاس سكر

كاس سميد

ملعقه صغيره بكنج بودر

بيضه

ثلاث ملاعق كبيره حليب بودره

نخلطهم في الخلاط باستثناء السميد والبكنج بودر

وبعدها نصب الخليط فوق السميد والبكنج بودر ونخلطهم زين

ونصب الخليط في صينيه تيفال ونرشها بسمسم وندخلها الفرن من تحت لمده نص ساعه وبعدها من فوق عشان تتحمر وبس

وهذا شكله النهائي ../

وهذا الحلى الثاني سررريع ويحبونه المبزره الي عندي

هذي صوره المقادير

حليب محلى

بسكويت شاهي يكون حجمه صغير افضل

شوفان +جوزالهند+سميد محموسين

هيرشي شوكلاته

نغمس البسكويته في الحليب المحلى

ونحطها فوق السميد والشوفان وجوز الهند المحموسين

نصفها في طبق ونجملها بالهيرشي ولو حبيتوا باللوز

~~~~~~~~~~

وهذي صور غدانا دق علي ابوي الظهر قال انا في الطريق جاي من سدير للرياض ومشتهي مطازيز على الغداء
قلت ماطلعت لحم قال دبري نفسك

قلت خلاص ولايهمك بسويه بدجاج

وانا اصلا مااحب اللحم الله يكرم النعمه

واروح للمطبخ طيراااان

طلعت الخضار والدجاج

وجهزت المقادير ومن زود الفلاحه طلع المطازيز الي تجي جاهزه مخلصه

يعني اضطريت اني اعجن بس يالله لاجل الغالي يهون كل شي

واجلس احوس في هالمطبخ

ونسيت اصور لكم الا لما حطيتهم في القدر

وهذا بعد مااستوى نكبته في الصحن يمديكم على سناعتي

**حُلُمٌ مُبَعْثَرْ** · 24-06-2011, 06:59 PM

تسلم يدينك

ام القمر · 24-06-2011, 10:52 PM

ماشاء الله عليك سنعه
الله يحرم ايديتك عن النار
يعطيك العااافيه

**بنت الاصول** · 24-06-2011, 11:08 PM

اوه مشاء الله تبارك الله رهيب

تسلم يدينك يالسنعة

بنت عشيرة · 24-06-2011, 11:19 PM

قمووووورة حرااام عليييك
اشتهيييييت المطازيز
ماشاءالله تبارك الله شكلها يشههههي

بسوبسة التمر نففففسي فيها بس التمر اللي عندي محدووود

تسلم هاليدين يااااارب
بسم الله عليك سنووووعة