بسم الله الرحمن الرحيم
قصائد القهوه كثيره وفيه من الشعراء من عاصر دغيم الظلماوي مثل علوش العنزي
والبدراوي والكثير من الشعراء . كذلك جارا قصيده الظلماوي كثير من الشعراء
مثل عبيد الاسعدي راعي بقعاء والقبالي راعي قصر العشروات .
كذلك القاضي السديري وابن سبيل والكثير من الشعار الذين لاتحضرني اساميهم الان .
اليكم القصائد :
قصيدة دغيم الظلماوي عن القهوة
يا كليب شب النار يا كليـب شبـه
عليك شبه والحطـب لـك يجابـي
وعلي انا يا كليـب هيلـه وحبـه
وعليـك تقليـط الـدلال العذابـي
ودغث لها يا كليب من جزل حبـه
با الليل لامنـه غفـا كـل هـادي
واحرص على جمره واحراق حبه
ياما العرق اتشوف على الحب ذابي
اودقـه بنجـرٍ تالـي الليـل نبـه
يشدي الذيبٍ لا عوا بـراس نابـي
اودق البهـار اوبهـره ثـم صبـه
تصبغ على الفنجال مثل الخضابـي
او من يوجعه راسه ترا الهيل طبه
وليا تقهوا كيفـة الـراس طابـي
با غيٍ اليـا شبيتهـا بـا المشبـه
تجذب سـراةٍ مـن بعيـدٍ غيابـي
بنسريةٍ يـا كليـب صلـفٍ مهبـه
لا نسنست يا كن بـه سـم دابـي
سـرات ليـلٍ او ناطحيـنٍ مهبـه
متلطميـنٍ او سوقهـم باالعقـابـي
لا جاضع المنزوع خطـو الجلبـه
يا حلو خبط اعصيهم بـا الركابـي
اطمر لهم وبـدي سـلام المحبـه
لا شح با الهين عريـض العلابـي
سلامٍ احلا من شخـا ليـل جبـه
ولذ من السمـن الجديـد العرابـي
الوالمه يـا كليـب عجـل بصبـه
والرزق عند اللي ينشي السحابـي
صبه القرمٍ صرفتـه مـا حسبـه
يوم البخيل امكنهب الوجـه هابـي
او صبه المنعورٍ اليـا جـاه نبـه
يرخص ابعمره والدخن له اضبابي
اوعده عن اللي ما يداري المسبـه
اللي يدور بـا القصيـر الغيابـي
حتى ايش لو يلبس زبـونٍ اوجبـه
إمعيرتٍ علـى غضيـر الشبابـي
خطو الولد ياحيـف مـا ينحسبـه
يا تي عليهم من حسـاب الزهابـي
يا قلب يا اللي تقـل سـاجٍ بضبـه
ضبه مساميـر الاستـاد النشابـي
يا عين يا اللي صبة الدمـع صبـه
صبه غـروبٍ عدلـت للجوابـي
يا كليب خذ علمـي وبالـك تذبـه
افهم نبا منهـو عطـاك الصوابـي
واصبر تر إن الصبر يازين غبـه
يرقيك روس امشرمخات الهضابي
اومن لا صبر يا كليب في حكم ربه
ها ذاك مالـه عنـد ربـه ثوابـي
والموت لو لك حوطـةٍ تقـل قبـه
يخر دبسه مع عـروض الخوابـي
يقعد العمـرك والمواشـي يكبـه
لو ان ما لك كثر طـش السحابـي
ولا لـك منـه الا ذراعيـن خبـه
او عشرٍ او ما مدت يمينك ايجابـي
يا رب ناخـذ تالـي العمـر عبـه
من قبل ما ينسف علينـا الترابـي
قصيده خلف بن دعيجا
يا شارب الكيف الحمر سو فنجـال
ترا المراجل ساسهـا نيـة الخيـر
فنجال خطو الغشمري يشرح البال
وقت الضحى لا قربت حومة الطير
صبه على شيالة الحمل لـو مـال
زمل الصخاني ما تهاب المخاسيـر
قصيده دبيس بن مهلهل
وادلتـي واقـو صبـره علينـا
خمسين عام ما فهقتة عن النـار
صبة على اللي لا ركب يتبعونة
لانفظواعقب العواني بالانكـار
وعده على اللي دايم ينحرونـه
اللي يشببهـم لياجـوه خطـار
وعده على اللي لابته يمدحونـة
فكاك تال القوم كان الدخن ثـار
واقصر عن اللي ماتعدد فنونـة
مهو على طرق المواجيب صبار
قصيده ابراهيم بن ربيعان
ياما حلى وان حاشك الليل وامسيت
والصبح قمت ليانت بارض بياحـي
وصبيت من ما الشرب ثم توضيت
وذكرت منهو دايم الـدوم صاحـي
وشطرت نارك للمعاميـل شبيـت
والارض له يومين عليه رواحـي
وحمست ما حاشن يدينـك ودقيـت
بنجر طلوع الشمس صوته صياحي
تطرب لصوت مونسك بالتصاويـت
ياما حلى صوته بهـاك النواحـي
وسويت فنجال على شربة اشفيـت
يغدي العماس ويودع الراس صاحي
الشاعر محمد بن عبد الله القاضي رحمه الله تعالي
يامـل قلـبٍ كـل ماالتـمّ الاشفـاق
من عام الاول بـه دواكيـك وخفـوق
يجاهدجنودٍ فـي سواهيـج الاطـراق
و يكشف له أسـرارٍ كتمهابصنـدوق
إلى عنّ له تذكار الأحبـاب واشتـاق
باله وطف بخاطـره طـاري الشـوق
قربت لـه مـن غايـة البـن مـالاق
بالكـف ناقيهاعـن العـذف منسـوق
إحمس ثلاث ٍ يانديمـي علـى سـاق
ريحه على جمر الغضايفضح السـوق
حـذراك و النيةوبالـك و الإحـراق
واصحى تصير بحمسةالبـن مطفـوق
الى اصفرّ لونه ثـم بشّـت بالاعـرا
وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق
لا عنبر ٍريحه بـالا نفـاس منشـوق
دقـه بنجـر ٍ يسمعـه كـل مشتـاق
راع الهوى يطـرب ليـادق بخفـوق
واحشـه بدلـة مولـع ٍ كنهـا سـاق
بلـورة ٍ منصوبـة ٍ تقـل غـرنـوق
خلّه تفوح وراعـي الكيـف يشتـاق
الى طفح له جوهرٍِ صـح لـه لـوق
أصغراقموره كالزمـرد بـا لأشعـاق
وكبارها الطافح كما صافـي المـوق
زلّه على وضحا بها خمسـة ارنـاق
هيل ٍ و مسمار ٍ بالأسبـاب مسحـوق
مع زعفرانٍ والشمطري الـى انسـاق
ريحه مع العنبرعلىالطـاق مطبـوق
إلـى اجتمـع هـذا وهـذا بتيـفـاق
فصبه كفيت العوق عن كـل مخلـوق
بفنجال صين ٍ صافي عنـه الارمـاق
تغضـي وكرسيـه غـدان ٍلمعشـوق
الى صب فابصر جوهره تقـل شبـرا
رنق ٍ تصور بالحمامة علـى الطـوق
شكل غَرَاالفنجـال صبغـه كمـا راق
دمّ الغزال الى امّـزع منـه معلـوق
خمر ٍ الـى منـه تساقـى بالاريـاق
اوعليه من ماء صافي الورد مذلـوق
راعيه كنـه شـارب ٍ ريـق تريـاق
كاس الطرب واسرور من ذاق له ذوق
يحتاج من خمرالسكـارى الـى فـاق
طفل ٍ يشف شفـاه والعنـق مفهـوق
عبث ٍ يعيل ابحُبـة ٍ منـه مـا مـاق
وهو يباهـي باهـي البـدر بشعـوق
في وجنتيه الى غنـج بـارق ٍ حـاق
عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق
خديه صاديـن ٍ و نونيـن مـن فـوق
كن العرق بخدودهـا حـصّ ارنـاق
نثر على صفحـات بلـورة الشـوق
إلى تبسـم شـع و أشـرق بالآفـاق
نور ٍ يفـوق البـدر سحـار منطـوق
والعنق كن المسـك والـورس بـرا
مامشخص ٍ في صدره الشاخ مدفـوق
يمشي برفق ٍ خايف ٍ مدمـج السـاق
يفصم حجول ٍ هزه الثقل مـن فـوق
الى صفت لك ساعة ٍ و أنـت مشـت
فاقطف زهر مالاق و العمر ملحـوق
فالى حضر ماقلت عنـدي فـالارزاق
بيـدي كريـم ٍ كافـل كـل مخلـوق
والله لـو يمشـي شقـاق ٍ بالأسـواق
من الملاء مايمسط الخمـس مخلـوق
هذا و صلوا عـد مـا نـاض بـراق
أو ماشكى الفر قا شفيـق ٍ لمشفـوق
على النبي مـا زج زاج ٍ بـا لأوراق
و آله و صحبه عد ماسيـق مسيـوق
عبد الله بن سبيل المتوفي سنه 1357هجري هو امير بلده نفي
وهذي البلده تقع بين الرياض والطائف.
كان فيه بدو من قبيله عتيبه وفي وقت القيض ياتون قرب بلده نفي ديره أبن سبيل
وكان بينهم علاقه محبه وجيره فعندما ينتهي وقت القيض الصيف
وفي بدايه موسم الامطار يبدا البدو النزوح الى البر والبحث عن المناطق
التي يكون فيها ربيع ومراعي لحلالهم. قال ابن سبيل هذي القصيده يتحسر
على ذهابهم ويمدح صفاتهم ويذكر كرمهم وشجاعتهم. يقول ابن سبيل
ياعين وين احبابك اللي تـود يـن
اللـي الياجـو منـزلٍ ربعـوبـه
اهل البيوت اللي على الجو طرفين
عـدٍ خـلا مـا كنهـم وقفـوبـه
منزالهم تـذري عليـه المعاطيـن
تذري عليه من الـذواري هبوبـه
عهدي بهم باقي من السبـع ثنتيـن
قبل الشتاء والقيض زل محسوبـه
فلت جهامتهم من الجـو قسميـن
الزمل حـدر والضعـن سندوبـه
يبغون مرباعٍ مـن الذيـر ويميـن
الله لا يجـزي طـروشٍ حكوبـه
قالو من الوسمي نباته اليا لحيـن
من تالي الكنـه تملـت ادعوبـه
شيالت الكايد على العسر والليـن
واليا وطاهـم موجـبٍ رحبوبـه
زاد الشتاء معهـم بليـا مواعيـن
ون شافو الضيف المطرف عدوبه
وليا عطو يعطون روس البعاريـن
ون فات منهم شي مـا حسبوبـه
وليا تعلو فـوق مثـل الشياهيـن
صارو على بعض القبايل اعقوبـه
لا تله الراكب غدا الحبـل ثنويـن
مثل المعشر راسهـا عنـد ثوبـه
ون قيل عند اقطيهم يا هل الديـن
فلمرمس اللي مـن قديـم دعوبـه
ردو عليهم ردتٍ تعجـب العيـن
كلٍ يبي النوماس قـدم امحبوبـه
هذا طريـح وذا شنيـع الاكاويـن
واللي تعدتها السهـوم ارحلوبـه
لحدودهم بمطرِِّق الحـق حاميـن
قبٍ تبـدا فـي برايـر اكسوبـه
توقفو مثـل المظاهيـر مرزيـن
بالماقف اللي با يعـو وشتروبـه