ياكثر ماتغلط ولا قلت وشفيك=وان كنت ناسي جبت لك كم قصّه

[سعد العازمي]

يسعدني ان اضع بين يديكم الكريمه هذه الابيات المتواضعه 0امل ان تسمحوا لها بالعبور لعلا وعسى ان تصل لسحن ذائقتكم الراقيه 0 واقول

[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاعاد تطريني ولاعاد بطريك=حبل الوصل بيني وبينك بقصّه
منيب صاير لعبتن بين اياديك=يكفي تراك اليوم بالحلق غصّه
ياكثر ماتغلط ولاقلت وشفيك=وان كنت ناسي جبت لك كم قصّه
منوّلن لبطيت روحي تناديك=وصفي انا وياك خاتم وفصّه
واليوم انا ماعاد لي رغبتن فيك=يحرم علي مثلك بحبّي اخصّه
دوّر على غيري عسى الله يهنّيك=وتلقى الذي يرفعك باعلا المنصّه
مانيب متضايق ولانيب باكيك=الله خلق بالكون مليون حصّه
هذا جوابي جاك من قلب ناصيك=واليا وصل عندك تمعّن بنصّه
ومابيك ترضيني ولاعاد برضيك=كلّن يشوف اللي بحاله يخصّه

[/poem]وسلامتكم

[عيون عسليه]

ياه حلوه
بس ليه الفراق اللي يحب من كل قلبه مايجي الفراق على لسانه ..


رائعه شاعرنا سعد.. بانتظار جديدك وقلمك المتميز ...

صح لسانك ...

[نبـضهآ نــــآدر]

حلووه
موفق اخوي ان شاءالله
يعطيك العافيه

[سعد العازمي]

المشاركة الأصلية كتبت بواسطة عيون عسليه   ياه حلوه بس ليه الفراق اللي يحب من كل قلبه مايجي الفراق على لسانه .. رائعه شاعرنا سعد.. بانتظار جديدك وقلمك المتميز ... صح لسانك ...

صدقتي ياختي القديره والله الفراق مر وصعب لاكن احينا يجي الانسان شي اكبر من طاقتة في التّحمل عموما صح السانك حتى ترضين ولاهنتي واسعدني وشرفني مرورك الكريم والراقي
وكل عام وانتي بالف خير ومبروك عليك الشهر 0وشكرا لك وتقبلي تحياتي وتقديري اخوك

[سعد العازمي]

المشاركة الأصلية كتبت بواسطة نبـضهآ نــــآدر   حلووه موفق اخوي ان شاءالله يعطيك العافيه

شكرا لك اختي القديره والله يوفقك ويسعدك 0والحلو مرورك الكريم والعطر
وكل عام وانتي بالف خير ومبروك عليك الشهر 0
وتقبلي تحياتي وتقديري اخوك

[زخة مطر]

::

أيَّوه علَى كِبريَاء الذات،

قَصيدٌ جَزل أيُّهَا الشَّاعِر الفَحل.

أهلاً بمثلِ هَذا الإبداع، و سُعدَاء بمُعانقةِ هَذا الجَمال.

الشكرُ مُسربلاً لحرفِك.

و أهْلاً بِك دَوماً.

::

[الرازق الله]

شاعر وقصيدة جدا مترابطة بيض الله وجهك