للشــــــباب فقـــــــط

ابوسعود77 · 08-09-2011, 03:13 PM

[COLOR="#ff0000"اول شي راح ابدا بالكبسه اللي لونها مو احمر ..
] [/COLOR]

اولا نقطع الطماط والبصل كما هو واضح بالصوره اعلااه ..
بس انتبه لازم يكون الطماط على اليمين والبصل على اليسار ولا بتخرب الطبخه ..

تحط قليلا من الزيت مع البصل ونقعد نقلبه 3 دقايق تقريبا ..
او باختصار لما يبدا لون البصل يقلب شوي ..

عقب ماحطينا الطمااط لما قلب لون البصل ..
اقعد حرك فيه الين ماتتعب .. الدقائق المقدره 5 دقايق ..

بهالوقت يكون عندك الدجاج جااهز يعني مقطع ومنظف

بعدهااا حط الدجااج فوق البصل والطمااط واقعد قلب من 5 الى 7 دقاايق تقريباا ..
بعدين حط البهارات اللي تبيها .. يعني (بهاراات مشكله - قرنفل - دارسين - مسمار - مطرقه) وثلاث ارباع ملعقه ملح .. لانك لو حطيت الربع هذا راح تصير الطبخه مالحه
واقعد حركهم شوي ..

بعدييين نكب عليهم مويه .. والافضل تكون مويه مغليه ..
الله يخلي غلايه الشاي نص دقيقه والمويه حااااره ..
بالنسبه لمقدار المويه راح تكون علاقه طرديه مع الرز .. يعني شوي وتعرفون ..
بعدهاا نخليهم يطبخون مابين نص ساعه الى 40 دقيقه .. هالحدود يعني ..

خلال ما الدجاج يطبخ .. طلع الرز ونظفه مرتين ثلاث مرات ..
بعدين نقعه بمويه يفضل تكون حاره مع شويه ملح .. (عشان تكون حبه الرز كبيره)
وقلبه بيدينك مرتين ثلاث بس عشان مايتقطع .. ونخليه نص ساعه..

بالنسبه للرز .. حنا كنا 5 اشخاص ..
حطينا 5 كاسات رز .. اما بالنسبه للمويه حط دبل كاسات الرز الا كاس.. يعني 9 كاسات مويه ..
طبعا المويه هذي هي نفسها اللي قاعد نطبخ فيهاا الدجاج ..

عقب ماخلصت النص ساعه .. طلع الدجاج من مويته ..
يفضل انك تشخل موية الدجاج عشان تكون المويه نظيفه خاليه من الشوائب ..
تجيب الرز بعد ماتكب المويه اللي نقعته فيهاا .. وتكب الرز عليها وحركهم مرتين ..

بهالحاله صار عندنا 5 كاسات رز و9 كاسات مويه بالقدر شفتو الانجاز ..

خل النار متوسطه لمده عشر دقايق بعدين افتح القدر واكل شوي رز اذا شفته لينه خلاص قصر على النار وخله يطبخ .. اما اذا شفت الرز يابس زيد لك كاس مويه ..
وخله يطبخ لمده نص ساعه او ساعه الا ربع على نار هاديه

بالنسبه للدجاج ..

كبيت عليه شويه زيت وفلفل اسود
وطبعا اذا تبغى تحط شي ثاني غير الفلفل الاسود بكيفك .
وحطيته بالفرن لمده ربع ساعه

لو ماعندك مثلا فرن .. خله مع الرز يطبخ
بس بالفرن يكون اطعم ..

سويناا لناا دقوس .. او دقس بالحجازيه او مرشوش ..
زيت ، طماط ، معجون ، فلفل ، مويه ، واقعد قلب لين ماتمل .

هذا الرز بعد ما جهز

هنا الدجااج بعد ماطلعنااااه من الفرن

وكانت هذي النتيجة