باسم القديري من العطار نهدي ورود

[علي القديري]

السلام عليكم

هذة القصيده كتبتها فى حفل اجتماع القديري بالعطار

[poem=font="Simplified Arabic,6,black,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
بأسم القديرى من العطار نهدي ورود = لجموع شمر من الاقطار والكوفه

بارك الله بالرجال إللى لها مجهود = حضرنا واجتمعنا جمعهٍ بالود محفوفه

سلام للعزوة إللى مجدها ممدود = وافعالهم في مجال الخير معروفه

أهل الكرم والشجاعه وفعلهم محمود = وخيولهم في نهار الحرب مصفوفه

أهل الدلال الصفر والحيل ويا العود = من عادة الشمري ترحيب بضيوفه

ترى القديري عطاياهم بليا حدود = مثل السحابه ليا هلت ومردوفه

وشيوخ شمر اسود من سلالة اسود = أعلام فى صفحه التاريخ مضيوفه

وأميرنا بن لغيصم زاد جوده جود = شيخٍ رسم بالكرم أمجاد بحروفه

امدح فى لابتي ولابهم منقود = لاجاء زمان القشر وبانت اصدوفه

حنا علمنا على العليا ويرقى سنود = بالموقف اللى يبان الجيش وزحوفه

واليوم ماعاد به صايد ولا مصيود = اخوان فى مله سمحه ومعروفه

والمملكه جالها صقرً وخيره يزود = ياطا على صعبها ويلين اظروفه

الله يرحمك ياعود بذل ها لجهود = هذا ابو تركي يمينه دوم مشيوفه

تسلسلت في صناديدً من أل سعود = بالسيف طاعت واقام الشرع وحروفه

حكامنا عزنا حامين كل الحدود = الاسرة الحاكمه بالخير موصوفه

حنا لياجت لواهبها ترانا جنود = والمعتدى نسحقه ونقطع اكفوفه

يقولها شاعر بين الربع مسنود = شاعر يحب الشعر ويوضح اوصوفه

وصلاة ربي عد ماهب ريح النود = على شفيع البشر فى موقف الخوفه

الشاعر / علي بن عبدالله القديري
[/poem]

[زخة مطر]

::
وَ عليكُم السَّلام و رَحمة الله وَ بركَاته.
بُوركْت أيُّهَا الشَّاعِر المُتمَكن،
قَصيدةٌ فِي الفَخْر فَاخِرة مُتمَيزَة،
سلمَت يمْنَاك، وَ صَحَّ القَريض.
وَ أهلاً بهطولِك الغَدق.
::

[عبدالعزيز العمران]

يقولها شاعر بيـن الربـع مسنـود ........ شاعر يحب الشعر ويوضح اوصوفه

***

بيض الله وجهك أخوي الغالي شاعرنا المتميز علي القديري

والله ونعم بك وبأهلنا القديري .. ويستاهلون ما قيل فيهم

وعز الله انك ما قصرت يابعدي .

شكراً لك .. وتقبل تحياتي .

[علي القديري]

هلا وغلا بمشرفتنا القديرة

وصح بدنك واشكر مرورك الكريم

تحياتي

[علي القديري]

هلا وغلا بالاخ عبدالعزيز

صح بدنك وماعليك زود طال عمرك

واللة لايهينك على مرورك الكريم

تحياتي