اسبوع مر ولاوصل منك مرسال
ياقو قلبك كيف تقطعني اسبوع
الجوع كافر وانت ماترحم الحال
وانا عليك من الوله ميت جوع
يالي غيابك صعب اطري على البال
تركتني ضايق وحاير ومفجوع
ماكني الا شايب فاقد عيال
وماكنك الا محرم حق مشروع
يفوع لك قلبي الا مر الاطلال
ياليت مالي قلب يشتاق ويفوع
حسبي الله عليك شلون قطعت الامال
باموت لو صار الامل فيك مقطوع
ياصاحبي ماكل نزال رحال
انت الحيا من وين مارحت متبوع
نسياني لزول بالاعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع
ولو القدرماتم قوله ليا قال
ماضاق صدر ولاانحنى راس مرفوع
ياصاحبي عشقتني فعل وخصال
واناعشقتك شعر واحساس وطبوع
وشلون تتركني كذا لاشهب الال
وقدام عيني تجف ينبوع ينبوع
وانا عشانك جيت والغيم همال
اسيل الوديان وازاحم جموع
ماردني عنك سواليف عذال
تزعل علي ربوع وتقدر بوع
كان المهم اعيشك جنون ووصال
ويكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لوجيت شفت الحال ماسرك الحال
في غيبتك ضايق وحاير ومفجوع
هذا غياب اسبوع وشلون لوطال
طالبك لايطول غيابك عن اسبوع
19-10-2011, 03:00 PM
العرض العادي
