يوميات نزهة عائلية ...!!

[الصحراوية]

يا ام محمد زهبي القهوه والشاهي
طيب يابو محمد تامر امر
وين العيال يامحمد ياحميد ياحميدان ياحمدان ياحمده ياعلكم الماحي وجع انا ماقلت لكم ازهبو
طيب يبه طيب
طبعا ولاتخفى عليكم اعمارهم
محمد الكبير 15 سنه عز المراهقه<<<يمامي اخاف من الاولاد بهالسن
حميد 10 سنين
حميدان 9سنين حمدان 8 وحمده 7
حمده بنتهم الوحيده بين اربع اولاد واش تتوقعوت بتكون؟
اكيد جعروميه كلها رضوض حقت مضاربات بقوووووووووووه
يا ام محمد عليك الطلاق لو مازهبتي بخمس دقايق لامشي واكبكم <<<<حلوه اكبكم
طلع ابو محمد لابس ثوبه الاصفر ولازم علامة الجوده وهو سواد الثوب من عند الرقبه والشماغ مرمي على الكتف<<<ابوك يالعز
نجي لملابس العيال
محمد لابس البذله الرياضيه اكيد عارفينها ياكثرها هذيك اللي لونها احمر واخضر فاقع
لاكن محمد ذووووووق لابس الاحمر
واكيد طبعا اكيد بقووووووووه انه يكون مشقوق من عند الركبه شقه قد الركبه وازود
اما الركبه الثانيه شقه صغيره في طور النمو
<<<<<<اموت واعرف ليش بناطيلكم يالشباب تنشق من عند الركب
حميد لابس فنيله وسروال اللي تنلبس تحت الثوب واكيد بدون ثوب ويقولون كان لون ثوبه ابيض لاكن جار عليه العفن واصبح لونه اصفر
حمدان وحمده مزكمين هذي تكفي مايحتاج توضيع <<<لاعت كبدي
وزياده عليها حمده الشعر منفوش والقصه واقفه كنها دقن تيس والشعر ساير اشقر من كثر ضربات الشمس
طبعا عيال العيله المحترمه مايعرفون شي اسمه صنادل (الله يكرمكم)يسمعون فيها بس
جهز ابو محمد سيارته الهايلكس غماره وحده
ووين بيكونو الوراعين ؟
اكيد بالحوض وواقفين بعد
راحو البحر ووقفو سيارتهم وبدو ينقزون البزارين من الحوض(مناظر متعودين عليها )
يالله ياعيالي تفلتو اسرحو ومرحو فقشو الخلق بالكوره (علبة ببسي )كلو وارمو ماحولكم احد
جا محمد وعارفين العيال بهالسن
الايادي مرجعه ورى والكتوف مرفعه ونافخين الصدر
<<<ياحسرت والصوت مضخمينه مسوين فيها رجاجيل
يبه يبه عطني فلوس بشتري فصفص (شي اساسي )
اي والله يابعدي اشتريلنا
ويالله عاد ماتشوف روسهم غير يمين شمال فوق تحت <<يامال شد عضل بالرقبه
عارفين ليش ؟؟؟
عشان يرمون القشر طبعا وين بالارض
جات البنت الجعروميه الصغيره الدلوعه عند اهلها غارت من الريال اللي اخذه اخوها
تتدلع على ابوها يبه عطيني ريال قال ماعندي صكت ابوها بكف
ابو محمد وام محمد قامو يضحكون يازينك يابنيتي<<<ونعم التربيه
ام محمد عطها يابو محمد طيب
واش تبين تشترين يابنيتي
بشتري (عسكريم)
ولاتنسون البنت مزكمه
يعني بيختلط الحااابل بالنااابل
محمد وين اخوانك حمدان وحميدان مدري يبه دورهم يابعديي
طيب ابوي
حميدااااااااااااااان حمدااااااااااان
هاااااااااااااااااااه
وينكم؟
اش تبي؟
طبعا مهم فاضين ماسكين فحم ويشخمطون على الجدار <<وناسه
محمد مسوي فيها الكبير وصكهم بمخمس (يعني كف )
راحو يصيحون يشتكون لابوهم
ليش وانا ابوك ضربتهم ؟
يبه (طبعا بصوت ضخم مزيف)يشخمطون بالجدار
انا جبتهم يستانسون لاتكدر عليهم لااصكك بالمفاتيح على وجهك
لاتزعلون وانا ابوكم تفلتو اسرحو وامرحو وافرحو وفقشو الخلق بالكوره(علبة ببسي)
كلو وارمو وشخمطو ماحولكم احد
يالله ياعيالي مشينا يالله
طبعا لمو عفشهم
واتجهو البزارين الى اماكنهم (الحوض)الراس تشك انه فيه شعر من التراب اللي فيه
والبنت شعرها واقف وربي لو تجي عاصفه مايتحرك
وتعالو شوفو المحل فصفص منتشر في كل جهه اكياس علب عصيرات اكل
ويالله حدث ولا حرج.........


*نصيحه اخويه لاتفكرون تكلمو هذي النوعيه من الاطفال
واللي يقال انهم اطفال
( لان لااطفال بعد اليوم الا من رحم ربي)
لانك بتلاقي الرد جاهز وهو مالك شغل
او بكل بساطه حجره تصكك عاد شوف وين

[Sub_Zero]

أنا من شفت أسمائهم وأنا غاسلتن يديني

<<<<<<اموت واعرف ليش بناطيلكم يالشباب تنشق من عند الركب

8
8
موب بس الشباب حتى البنات في سن الطفوله والمراهقه احيانا

تشكرااااااات الصحراويه على هاظا الموضوع الجيزاني

[بن جعيثن]

وبالنسبة لها السروايل اللي تتشق...

والله من التزحلق...

مشكورة...

وتقبلي أجمل تحياتي...

[الصحراوية]

وادي أبا المياه
تسلم على المرور والتعقيب الجميل,,
بس وش سالفتك لاطسن لي في اخر كل سطر وجه تعبيري المشكله كلهم مدري وش يبون من الدنيا

الا هذا اهو اللي خش مزاجي( ) تشكرااااااااااات على هيدا المرور..


Sub_Zero
عاد تصدقين احس انس تصلحين تصيرين اختهم الكبيره;)
تشكراااااااااااااات على المرور



فارس الظلام
زين قلتا لنا السبب يعطيك العافيه يافارس على التعقيب

[عاشقة سديـــر]

وش ذا العائله فشلونا الله يفشلهم <<متحمسه مع القصه وبقوووه ..

وبعدين يالصحراويه وانا اختك ...ترى الاعتراف بالحق فضيله ...;)

يعني لا تستحين ...ولا تنسين ان (الصراحه راحه ;) )

بس قولي لي ...عسى عطاك ابوك الريال اللي طلبتيه ...ووش اخترتي (عسكريم ) من اي نكهه !!

الا وش كنت تستخدمين اي شامبو !! <<انا كنت ملاحظه ان شعرك موقف بس مستحيه اقولك ;)

مشكووووره عالقصه الحلوه ..

تحياتي ..

[الصحراوية]

عاشقة سديـــر
قولي لي ...عسى عطاك ابوك الريال اللي طلبتيه .<<وش رايتس ساطرته بكف يعني مب معطيني والنكهه
با المنجا;)
الا وش كنت تستخدمين اي شامبو !! <<انا كنت ملاحظه ان شعرك موقف بس مستحيه اقولك <<

استري علينا عاد انتي
ابقولتس نصيحه يا أم حمده لا عاد تردين اذا صار عليتس امتحان بكره
تشكرااااااااااااااااااااااااات على هيك مرور