الشااعر / حمد البريدي

[سعودي ستايل]

انــِـشآء يعــَـجبـــكم:









مرغوبة العاشق .. وغايـات المنـال
ودواء الجروح اللي تعسـر طبهـا !!

غيدا " بتول تحترف فـن الـدلال !!
ودك تقهوهـا .. قبـل لا تصبهـا !!

( في ابهتها طلعـة مضـاوي هـلال
احبهـا .. وآتوقهـا .. وآحبـهـا )

مخلوقة من زبد .. لو تلمسـه سـال
ونعومة حكاها .. كذا مـن ربهـا !!

وبنت الرجـال اللـي نسبهـا آل آل
قوم تنـوش المرجلـه .. وتذبهـا !!

واللي لا هب فوجهها ريـح الشمـال
قمت استشك !! ان الجنوب تهبهـا !!

الخصـر يرسـم انحـدرات التـلال
وردوفها .. من ثقلها تلعـب بهـا !!

يفوح منها المسـك والخمـر الحـلال
كنه علـى ذيـك الشفـاه يعبهـااا !!

وخدودها ورد شـذى عطـره خيـال
خلا ( فراشات الـورود ) تربهـاا !!

ولا قالت من الشوق يا عمري تعـال
شليت ذا الغتره وقمت اضـرب بهـا

فديتها اللي لا اوقفت مـن الاختيـال
تستنقص اللي يـوم تاقـف جنبهـا !!

أشوف فيها .. انها لي ( راس مـال )
وتشوف فيني .. ( فارس " مغرم بها )

مياسة القد !! وضفايرهـا طـوال !!
هي معجبه فيني وانـا معجـب بهـا

تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!

--------------


يطول الحديث وكل كلمة لها هراج
وفناجيل جرح الوقت ياوقت مشروبه

تدف الهبايب ضيقة الصدر للمخراج
لو ان الحزن مغرق ترى القلب منسوبه

ماعمر الليالي قدرت ضيقة المحتاج
يعيش الفقير وراس ماله معه .. ثوبه

ولو أن الزمان الشين بير مثل هداج
لقيته هماج يوجع الكبد مشروبه

غدينا هل الكوفة ووقت الردا الحجاج
يموت الوفا وحقوق الأجواد مسلوبه

زمنا ع طمس الحقايق فقيد علاج
يخلي الشقي يمشي ع راس عرقوبه

اعن الركايب واقطع الليل دون سراج
غريم يحب الموت لعيون رعبوبه

ياكبدي من الدنيا وموج عليها هاج
علي الحرام أني فلا أدري ش أنا صوبه

لعب بي رغاب الوقت واسبر على المطناج
عسآي اتقرب من طموحي وماجوبه

ترى ماعرف قدر المهادي سوى فراج
لكن فالزمن ذا كلمة الحق معيوبه

ياوقتي السموحة منك وآسف على الازعاج
لكني طلبتك واسمع القول لونوبه

سيوف الصراحة سجنها ماعليه افراج
لان الصراحة يازمن غير مرغوبة

نمثل بطولة فيلم لكن بدون اخراج
وقصة سيناريو الفيلم ماهيب مكتوبة

وتضيع السوالف بين فكرة وبين انتاج
ورؤية جروح الوقت في وسط غيبوبة

خطا المرء وارد والخطا ماعليه احراج
لكن غلطة الشاطر ليا جات محسوبة

ياقلبي أعزك وأرفعك والحشيمة تاج
مادام أن فناجيل المخاسير مشروبه

طموح الأمل نظره وجفن الحياة سياج
واذا جيت ارقع هفوة الوقت وشهو به

انا كيف اضيق من الزمن ولا ليه احتاج
وانا مري وربعي هل المجد ودروبه

ليا قالوا اني من قطر ضيقتي تنباج
بلاد التميمي والمواقيف تسمو به

انا البحر والريح الشقا والهموم امواج
تعصف الرياح وطبعه اياه واسلوبه

ياعزمي عليك الله صر للظلام سراج
( وش يفيد راس ماغدا المجد مطلوبه)

-----------

شفتك بعد غيبه .. وحاولت احاكيـك
مهوب من قلبي ولا مـن جراتـه !!

بغيت اقول / فلان وازريـت اناديـك
وكني سمعت اسمـي معـا لالتفاتـه

فزيت من نومي وانا اقـول لبيييـك
وآثرك رويا .. فـي منامـي وجاتـه

صفقت كف .. وقلت يا حلم يشوويك
جددت لي جرح ٍ هنـى فـي مباتـه

يا اللي شريت البعد .. ما غاب طاريك
حتى لو ان البعد .. سـوى سواتـه

مهوب محزني .. على حاجـةٍ فيـك
إلا إن قلبي شايـف ٍ بـك غناتـه !!

كن الطيوف تقـول وشحـال غاليـك
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت شارعكم .. وصادفنـي أخيـك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسان ولهاتـه !!

وبغيت اجيب العيد وآقول : يرضيـك
فاللي وصاتي له .. وضيّـع وصاتـه

البعد شيّـب خافـق ٍ ميـت فيـك !!
والى مشى خطوه عثر فـي عصاتـه

مشكلتي / إن قلبـي يحبـك ويغليـك
ومشكلتك / انك شخص عايش حياته

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرح ٍ برجواه يدعيـك
ما عاد تفرق .. عيشته مـن مماتـه

قلبي وعمري .. كلها بيـن اياديـك
العمر فدوه .. لكن القلـب هاتـه !!

وإن ما بغيت ترد قلبي مـا اوصيـك
احسن عزاه .. الى دريـت بوفاتـه

----------------

اعذريني !! .. لو ضحكت وضحكتي موجوعه
دامني .. عايش بوقتي بين هم ولوعه !!



ايه .. انا رجال .. لا منه حكى ما جامل
ما يهمش لا حكى في فكره .. وموضوعه


واسمحيلي لو تكلمت بصراحه .. جدا (ن)
عن سخافات الزمن و( العالم المخدوعه) !!



ناس تضحك في مجالسها .. وهي طربانه
والغرير .. اللي فقد أمه .. غريق دموعه !!


الزمن ماهو زمان .. مصفيين النيه
كيف .. والطيبه من قلوب البشر ..
منزوعه



ذكريات الامس .. راحت !! .. والرجا فالمقبل
وكلن يدور على مصلحته .. ومنفوعه


ناس تضحك لك بوجهك .. من تشوفك
والاصح كبودهم من جيتك .. مفقوعه !!


ليه .. لا صار الرجل ماهو يجامل ربعه
اكرهوه الناس .. واولهم .. قريب .. ربوعه !!


وليه لا منه حكى صادق محد يسمع له
والكذوب وهو كذوب وكلمته ..مسموعه


شي لا يمكن عقل يستوعبه... والاغرب !
انها عند العرب .. فاتورة (ن)مدفوعه


صارحيني بالحقيقه .. حتى لوهي .. مره
واخمدي نار النزاع بحيرة (ن) مفجوعه


ريحيني .. وانطقي لي كلمة واحيده ..
وقولي (احبك) .. ترى نفسيتي مفزوعه !!


واسمعي ياللي خذيتي الفكر مني كله
ثم سكنتي وسط قلب .. المهتوي ..وضلوعه


ما عشقتش يا هواي إلا وانا مختارش
فاعشقيني واعشقي رجل فريدبنوعه !!


واتركيني اكتشف بش نظرتش وأبعادش
يا براءة الاختراع بداخل الموسوعه


آه يا عمري لو انش من بنات اعمامي
كان في .. ذمتي ذمه ..ان قدش مقروعه !!


ان فقدتش ما يعوض غيبتش انسانه
وان لقيتش تعزف اللهفه لنا مقطوعه


عانقيني واحضنيني في دفاتش ساعه
الزمن بارد .. وقربش منتهى في الروعه !!


سلسبيلش شهد .. والرقه تثير اسلوبش
مايعه والاقرب .. انش ناعمه ..
ميووووعه



فاتركيني في سكاتي واستبيحش عذرا
لو دخلت بهالطريقه .. اللي ,, لا
مشروعه !!



واعذريني لو رأيتيني .. كذا .. متهور
ما اقدر استحمل جمال .. الترفه .. (الدلوعه)


ماني مصدق عيوني !! .. لو اشوفش فيهم
لين يشبع بي الغرام .. اللي طفش من جوعه


حمرة خدودش .. ليا ناظرتها توحي لي
كنها حمرة خدود الجاهل المصفوعه !!


يسعد الله لي صباحش ,, واولوية حاجه
لا سقيتي بالمرشه وردة (ن) مزروعه!!


ويسعد الله غرفتش .. وعيونش الذباحه
والسرير الوردي .. وترتيبته ..وشموعه !!


وكتبش المتناثره ومبعثرات هناك وهنا
والورق .. والعلك .. والسماعه المرفوعه


والعطور اللي على تسريحتش واغراضش
والهدايا والصور... والتحفه
المصنوعه



ولا انتهى اليوم الطويل وانتهت ساعاته
نبتدي نقراء بقايا ( القصه الممنوعه )


لاقتربتي واقتربت .. وذبت وانتي ذبتي
واشتهي الضامي .. شروب الماي من ينبوعه


ايه .. آحبك واعذريني بآتعدى حدي
يمكن ان وقتي تركني .. خارج المجموعه


مشكلتي .. آقول ما في خاطري والمعنى
واحد (ن) عفوي ولا هو يستعير
طبوعه



فقولي آحبك .. وانا بعد بقول آحبش
واحفظي لي ذكريات .. ( القصه الممنوعه )

[نــــــورهـ]

موفق اخوي الفاضل
ليت كل وحدة حطيتها بموضوع مستقل
لان كل وحدة احلى من الثانيه