دمعه .. وثبآت .. وسلطآن ..

[دانة القصيد]

ابت الكلمآت الا ان تأتي تباعآ ....ودون قيد أو حتى توقف

فهي في فقيد الأمه فقيد الوطن ...

ولا نقول سوى ... ( إنا لله وإنا اليه راجعون )

“ دمعة عبدالله “
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يآ بوي دمعتك أحرقت عين شعبك=يا أبوي لا تبكي عسى الشر يعدآك
با أبوي تكفى ماتحملت صعبك=يبه عسى طول العمر لك ونفدآك
يبه عسى رب السما يحل كربك=محدآ يلومك يـــوُم تبكيه برضآك
ما هآنت الدمعه ولا ضعف قلبك=لاشك ندري الدمع هالوقت يعصآك
لا تبكي وتنضآم والكل جنبك=تبكي عيون الفقد من حر ماجآك
والدمعه أن سآلت على من يحبك=دمعتك في فقدك عضيدك ويمنآك
يبه عسى صافي الموآريد شربك=حنا ترآنا لا تعزويت .. طعنآك
كف الدموع اللي أحرقت قلب حبك=في مشهدآ فآضت به دموع لقيآك
حزنك على غاليك والحزن يربك=وحنا عليك نخآف يفدونك عدآك
يا دمعة الأحزآن كفي بربك=أحرقتي عيون الغلا يوم شفنآك
والله يبو متعب يثبته قلبك=ويطول عمرك عد من جا وعزآك
[/poem]


وسلامتكم
الدانه

* تثبتي يالمملكه *

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يـ السبت ما فـ ألعمر زودآ ونقصان=كدرتها ما بين يـوُم“ن“ وليله
عز الظهر والجو عتمه ودخآن=والليل نجمآته تهاوت قتيله
يـ السبت جددت الموآجع والأحزآن=يالسبت والمركب بنا مال ميله
جف القلم كل ماكتب حرف مابآن=والدمع .. عيا لا يوقف هميله
جآني الخبر في لحظه البال قلقان=صدمه قويه .. وقفتني ذهيله
كن الفضا بي ضاق وأهتزت أركان=والفكر مني ضاع وأغدى دليله
وقع الخبر جآني كما فجر بركآن=حتى المشاعر صار فيها مليله
قالوا توفى قايد الخير “سلطآن“=أبو اليتآمي .. والقلوب العليله
تثبتي يالمملكه كآن .. ماكآن=ذي كتبت الله ما فـ الأيدين حيله
أسمى التعآزي لأبو متعب بليهآن=يارب جعل سنين عمره طويله
ولخالد .. ونايف .. ومتعب .. وسلمآن=تعازي الشعب السعودي جليله
ونعزي أنفسنا فقيـده وخسرآن=سلطآن لو هو رآح يبقى “جميله“
ياكم ضعيفآ عآنه بمد الأيمآن=وياكم يتيمآ بالعطى هو كفيله
وياكم عليلآ عالجه بر وأحسآن=عقب المرض ‏​ًطيٍب ويهنى مقيله
ياكم فعل من خير ما يرجي أنسآن=ما يرجي الا عفو .. ربه وحيله
حتى هذآك الطفل يبكيك ولهآن=وذاك المعآق اللي بيدينك تشيله
يبكيك عود“ن“ جآك ينخآك شفقآن=ينخآك وأنت اللي تبررد غليله
ويآكم طليب الحق من خلف قضبآن=فرجت كربه عقب ما أوفيت كيله
وكم معسرآ شكآك يا نسل ذيبآن=ضآمه زمآنه والموآرد بخيله
يآكم بكى لك من شبع غربة أوطآن=وكرم سموك صار قمة حصيله
عطيته بكفٍ“ن“ رخيآ ومليآن=ومديت له بيدين عطفٍ“ن“ جزيله
منهو يعدد في مزآيآك غلطآن=تغلط به الحسبه ولا تمتلي له
يا جعلها لك خير في كف ميزآن=ويا جعلها يـــوُم الحشر لك نفيله
أنشهد أنه بالطبآيع كحيلآن=واللي رفع قدره جزآيل فعيله
يالله عسآه بجنة الخلد ربحآن=وعسآه بين الحور يلقى الحليله
عالي القبر يغشآه ورودآ وريحآن=يا جعل تروا تربته من مسيله
والله ما ننسآك لو مرت أزمآن=ذكرك ترى بين المحآني مقيله
مرحوم والرحمه على بر وإيمآن=عقبك .. وشعب المملكه عزتي له
لو تنفدى نفديك ماهو بـ حرمآن=أروآحنا والله .. بحقك قليله
وأتلى عزآي لساير الشعب لا هآن=يالموت غيبته ولا بك وسيله
الله يجبر كسرنا بموت سلطآن=ولا ينجه الدعوه كثر مادعي له
[/poem]

وسلامتكم
الدانه

« سلطآن »

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قالوا بواريق الحيا قلت سلطآن=قالوا: الكرم والطيب قلت: كلها هو
لا شفت فارس راكبآ صهوة حصان=أعرف ترآه اللي عطا ديرته جو
اللي كفل في خافي السر يتمآن=اللي عسى يفدآه في طيبه البو
يشيل عسرآت الملا فوق الأمتآن=تسهر عيونه والمعآسير نآمو
روض الحيا يبكيه فارس وفرسآن=والنفل .. والريحآن .. دمعاتها النو
هز الخليج العلم وأنقلبت أحزآن=يوم الخبر في شاشته أنتشر .. تو
ماهو خبر عادي يبي يصير أو كآن=علمآ على كبد الغلا يشعل الضو
ما مآت وآحد مات شعبآ وميدآن=أي والله أنه ما يعووضه من جو
مكانته لا يمكن يسدها أنسآن=ماهو قصور ولكن القول يحلو
هذا رفيع القيمه وعالي الشآن=لو هو دفن ذكره مع الخلق يعلو
مرحوم والرحمه بها يلهج لسآن=كل البشر للقايد الشهم تدعو
عسآه يوم البعث بالخلد ربحآن=عساه بين الحور بالفخر يزهو
والله يجبر كسر أبونا بليهآن=يالقآيد الأعلى خطى قلبك السو
ولخالد .. ونايف .. ومتعب .. وسلمآن=ولكامل الأسره وللشعب وألخو
لو ينفدى تفدآه الأرواح مجآن=لاشك هذا الموت ماله عسى ولو
له بيننا سيره ومكسب وعرفآن=وله في لحآيدها مساحآت وسمو
وله في قلوب الشعب منزل وميطآن=حبوه ويدينه عـلى طيبه أرهو
[/poem]

وسلامتكم
الدانه

[زخة مطر]

::

الشَّاعِرة الكَبيرَة، الدَّانَة،

قَصَائد تفَوقتْ فِي كُلِّهَا، فاكْتسَت مَلاَءَات الامْتِيَاز

غفرَ الله للقَائِد الأبْ: سُلطان وَ جعله فِي عليين.

شكْراً لصِدقك وَ روعَة نَبْضِك.

ممْتَنَّة لقريحِك الطَّاهِر.

::

[أبو حمـد]

السلام عليكم ورحمة الله وبركاته ،،

بارك الله بكِ الشاعرة المبدعة دانة القصيد ،،

ورحم الله سلطان بن عبدالعزيز .. سلطان الخير رحمة واسعة ،، وجعل الجنة مثواه ،، وحفظ الله أبو متعب ،، وبارك لنا في نايف وسلمان ،،


صح الله لسانك الشاعرة دانة القصيد ،، سطرتي وأبدعتي .. قصائد راقية خطت من ذهب ،،



باقات من الشكر لك ِ ،،

[القيصـــر]

سلطان مات وأحزن القلب سلطان
ليته بقى ومات بعض السلاطين



قصيدة جسّدت وفاء أبناء الشعب للقيادة
نحبهم .. ونفرح لفرحهم ونحزن لأحزانهم
سلطان علامة فارقة في هذه الحياه
كرم .. سخاء .. عطاء ..
إبتسامه لاتفارق بسمته
وهدوء رجل .. بوزن أمير
إلى جنات الخلد .. أبا خالد
دانة حروفكِ سحابة ممطره
موفقهـ