|| بـالي الليلـﮧ طـؤويـل ~

[بنت الاصول]

|| بـالي الليلـﮧ طـؤويـل ~

قول عادي .. بالي الليله طويل ..
شُوف لِك عذرٍ قديمٍ / وأقبِلَه !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَه

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَه

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَه

وعادي جداً .. إنِّي الليله ( عليل )
.. الحزن : يحْسِبني واحد مِنْ هَلَه !!

ومو غريبه .. لو تِمَنِّيت الرحيل
البقاء أحيان , يعني .. البهذلَه !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَه

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَه

وعيب راسي لا بغى شي " مستحيل "
يوصله مو طيب .. غصبٍ يوصلَه

ليه راجع ؟!
ليه ذاكر ..؟ يـ الأصيل ..؟؟
إنت ضايق .. ؟!
في خطأ بالمسألَه !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَه ؟!

و ( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَه

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَه !!

فاقد الإحساس / ما يعطي القليل
وإن عطيته إحساس قلبك ؟ يقتِلَه !!

إيه بـ أرحل والطريق أدري .. طويل ..
مشكله " قربك " .. وبُعدِك مشكلَه ..

وإن خذاني المُوت إترك قال و قيل ..
قول هـالجُمله .. و خطاك محلِّلَه :

[ ربِّي إلهَم أهله الصَبر الجَميل
وإرحمـه يا رب وإحسِن مدخلَه ]

[كـل ـآلغلـآ]

ومو غريبه .. لو تِمَنِّيت الرحيل
البقاء أحيان , يعني .. البهذله


ماشاء الله انتقاء رائع ابيات في منتهى الروعه
راقت لي كثيراً
تسلمين ياقلبي اختي المطمئنه على الذوق ياصاحبة الذوق
شكراً من القلب دمتي بخير ..

[بنت الاصول]

المشاركة الأصلية كتبت بواسطة كـل ـآلغلـآ   ومو غريبه .. لو تِمَنِّيت الرحيل البقاء أحيان , يعني .. البهذله ماشاء الله انتقاء رائع ابيات في منتهى الروعه راقت لي كثيراً تسلمين ياقلبي اختي المطمئنه على الذوق ياصاحبة الذوق شكراً من القلب دمتي بخير ..

ماعليك زود يالغاليه انتي السباقه للذوق كله

اشكرك من كل قلبي على مرورك الرائع
اسعدك الله وجزاك كل خير

[خفوق إنسانة]

مبدعه دائما ومتميزه
بورك الاختيار ,, تقييمي

[حُلُمٌ مُبَعْثَرْ]

رائعه للغايه
بوركت

[بنت الاصول]

المشاركة الأصلية كتبت بواسطة خفوق إنسانة   مبدعه دائما ومتميزه بورك الاختيار ,, تقييمي

التميز هو تشريفك لموضوعي يالغاليه
اشكرك على ذالك وايضااشكرك على التقييم
جزاك الله كل خير

[بنت الاصول]

المشاركة الأصلية كتبت بواسطة حُلُمٌ مُبَعْثَرْ   رائعه للغايه بوركت

الله يبارك فيك ويجزاك كل خير

اشكرك على هذا المرور الرائع
جزاك الله كل خير