ليش تستحون

[شمعة سدير]

[c]

الحقيقة هذا الموضوع قاهرني

اللي يطبقونه مع أخواته أو أمه أو زوجنه

إن اسمها عيب احد يعرفه مع إن الصحابيات كانوا معروفات ولو كان حرام لما سمعنا عنهن

في أحد المواقف ( شاركت في مسابفة بإسمي عطوني محاضرة قلت وش فيه اسمي !!قالوا : عيب ... انا )

فاأبي اشوف وجهة نظر باقي الأعضاء والبنات هل هم يعانون بعد

وسلامتكم[/c]

[Sub_Zero]

ياحبني لتس ياشمعة جلاجل دائما مواضيعتس حركه


نجي للماضوع

الحين ودي اعرف ليه الاولاد يستحون ويتفشلون من أسماء البنات ؟؟؟

وش فيها لو إن الاسماء حرام والا عيب كان ماعرفنا اسماء زوجات الرسول صلى الله عليه وسلم

ولا أسماء الصحابيات ؟؟؟

انا مدري ليه يتفشلون خصوصن اللي في المتوسط والثانوي (ترى مااستبعد الكبار بس هذولا اكثر شئ)

اجل اخوي اذا تهاوش مع احد يجيني طااااااااااير وش اسم اخته ؟؟
والا يروح لامي وش اسم أمه ؟؟

والا يجي معصب وش عرفه باسمتس ؟؟


عقد الحمد الله والشكر

لا وعقب الجوالات أسماء الاخوات والامهات أشكال والوان

أجل انا مسميني : أم عمر

والا اللي يسمي اخته : ام اند امز

والا بدون اسم مدري يخافون احد يشوف جوالاتهم ؟؟ وينفضحون ؟؟

الحين صدز وراكم تستحون من اسماء البنات أبي جواب يشفي غليلي >> يمديكم بس على غليلي
:f


يالله اعطي المكرفون للي بعدي




ابدا ماسرقته من موضوعتس ابو مكرفون

[شمعة سدير]

تبردين القلب يا حبيبة القلب sub zero

ومداخلتك روعه خاصه اللي مسمي ام آند امز مو صاحي

ولا إذا تطاقوا

والمكرفون حلالك

شكرا على المداخله الرائعة

[بن جعيثن]

الله يرجكم يا هالبني...

أذكر هالموضوع زد نزل...

عام 1419هـ...

في مجلة قطوف...

حتى اللي مخليني أشترى المجلة...

أن موضوع الغلاف...((( وأد في المملكة )))...

وشريتها هاك اليوم ب 10 ريال...

وبعدين أنا عادي...

منيب استحي...

من اسم أمي وإلا أختي بالعكس إلا أفتخر...

هما الملك عبدالعزيز...

لابغا ينتخي...

يقول ((( وأنا أخو نورة )))...

لو في ذكر الأسماء عيب...

سان ماذكرته الشريعة لافي دينها ولا قرآنها...

ولاذكره الملك صقر الجزيرة...

عموما ترا اسم أمي ((( فاطمة )))...

عشان اللي في رأسه قشرة يحكها...

وأنا ولد فاطمة...

مشكورة ياشمعة سدير...

وتقبلي أجمل تحياتي...

[شمعة سدير]

أخوي : فارس الظلام

حياك الله

يا حليلك

والفئة اللي أنت منها قليلة

وسلم لي على أمك

والعفو ...

[غويمض]

عاشقه سدير
اذا كانت الاخت او الأم من خيره البنات واشتهرت بالعفه فلماذا لا نفتخر بها ونتكنى بها ونذكر اسمها
ولا ننسى جلاله الملك عبد العزيز رحمه الله كان يسمى باخو نوره
ولانا في امهات المؤمنين اسوه حسنه في ذكر اسمائهم مع الفارق الكبير بين امهاتنا واخواتنا وامهات المؤمنين رضي الله عنهن
شمعه سدير امعطي تحياتي

[ابو عبد العزيز]

اختي شمعة سدير والله نفتخر باسم امي وجميع اقاربي بس المشكلة ان هذا شئ مش معتادين عليه يعني عندنا عيب لو الواحد يقول يا ولد فلانه ليه ما يقول اسم الاب اما انه يعرف اسم امي او احد اقاربي فهذا عادي جدا واذكر قبل غمطة من السنين يعني وحنا في المتوسط كنا نعرف جميع اسامي الحريم في التويم وجلاجل ونجلس نسال امهاتنا واقاربنا عن الاسامي صايرتن عندنا في هذيك السنة موضة لا حتى الروضة ما افتكو منا بس ماعرفنا منهم الا قليل .
بس الشباب stillعندهم لكه فيها وبعضهم يستحي شوي خاصه اذا صار الاسم مهوب دارج مره بعدين اسامينا بسدير كلها زي بعض وينكم عن اسامي اهل الجنوب هي الي غريبه صدق وسلامتكم وانتم سالمين وغانمين

[شمعة سدير]

أخوي : غويمض

اشكر لك مداخلتك

الحمدلله إنك مع اللي بفتخرون بأسماء محارمك

أخوي : isz

مشكور على المرور والمشاركة

اجل كنتوا تستانسون على الأسامي

سبحان الله صارات عادات لازمه

[فرعون]

شمعة سدير
والحريم كلهم
لا تنقهرون ولا شي
الموضوع كلة عرف تعارفت الناس علية
طلعنا على الدنيا ولقينة مثل ( السنه المؤكدة )
بنسبة لي انا عادي جدا عرف او ماعرف اسم امي او
اختي او بنتي... الخ الموضوع لا يقدم ولا ياخر .

وبعدين تعالو شوي !!!!

يكفيكم فخر انة ( يوم القيامة ) الناس ينادون عليهم
باسمى امهاتهم هذا بحد ذاتة فخر لكم ،،
ولا يضيق صدرك ولا شي


تحياتي للجميع ،،،،

فرعـfr3oonـون

[سعد القاسم]

اقول شمعه مساستس الله بالخير
انتي والموجودين لكن

ودي اقول هذا شي عاااارفينه قبل مااانوزيه يااااخوااان امهات المؤمنين
وزوجات رسول الله اللهم صلي وسلم عليه نعرف اسما ئهم ولمن يرد نص
في ان الرسول لم يذكر اسم زوجااااته او كذا
بل وان الله انزل ايه كااااامله بشأن خديجه رضي الله عنها....
فالموضوع عادي يعني حتى لو سمى الواحد منا اسم اخته ولا شي في جوال ولا اسم امه يااخي بالعكس يعني هل هو عيب يوم انك تذكر اسم امك ولا اسم اختك بيجي اليوم الي تنحرج فيه وغصبن عليك تذكر اسم امك ولا ابوك


انا ماااقول في كل موقف لا بل في مواتقف عايديه يعني ماااافيها شي انك يذكر اسم امك ولا اسم اختك... في موقف من المواقف بل يجب عليك تفتخر ...


ولو انا نبي نستحي كانصرناافضل من رسولنا محمد لان هو الي اولى بذالك منا ولا انا غلطان هه؟

[ابو عبد العزيز]

س ق م 666
هذا الرد لك خصيصا على طاري كلامك( هل هو عيب يوم انك تذكر اسم امك ولا اسم اختك بيجي اليوم الي تنحرج فيه وغصبن عليك تذكر اسم امك ولا ابوك) مره من المرات من قبل غمطة سنين اول ما حطو اسم الام بالجواز وانحن ماسكين طابور في جوازات الدمام الحاصل واحد من الجوازات يسأل راعي الجواز وش اسم امك قال بشويش وضحى قال راعي الجوازات ايش ماسمعت قال اخونا بالله اسكت لا تفضحني وضحى بشويش قاله بصوت عالي وضحى وما ويعصب راعي الجواز ويقول بزعل فشلتني الله الله يفشلك ونموت من الضحك عليه والمسأله كله عادات يعني الواحد من وهو صغير يقولون له افا عيب تقول اسم امك عند الناس ومن شب على شئ شاب عليه وسلامتك وانت سالم وغانم يا بو رامي

[عاشقة سديـــر]

ويني عن هالموضوع ...على كثر حوستي في المنتدى ...بس توني اشوفه ...

صحيح فيه كثير من الشباب يستحون يقولون اسم اي وحده من محارمهم عند الاخرين ...لكن مو كلهم ..

اعطيكم مثال ...

واحد من اخواني مسميني في جواله ( ام فلان )، فلان = اسم ابوي ....شكله ملخبط يحسبني جدتي " الله يرحمها " ...

اما اخوي الثاني ....في جواله كاتب وبالخط العريض " اسمي " ..يعني مافرقت عنده ..

يعني ما نقدر نقول ان التربيه " دائما " هي السبب .....بل اعتقد ان البيئه المحيطه " وأقصد بها اصدقاء الشباب

ورفقائهم " يأثرون على طباع بعض ....

ومشكوووره شمعة سدير عالموضوع المهم والحساس واللي قاهرني انا بعد ...

تحياتي ..

[سليل المجد]

السلام عليكم
مسوين صجة وازعاج علشان اسامي الحريم

كل هذا عادي وما فيها شئ

ولو أنها عيب كان ما شفنا هالاسامي طالعة في كل محل وكل عاير

ودمتم بنقاء

[مرهف الإحساس]

يا شبااااااااااااااااااااااااااااااااااااااااب

عطوني فرصة الله يرحم والديكم




أصلا هالموضوووووووووووووووووع مكررررررررررررررررر



وانا اطلب من المشرفين انهم يعطونا الرابط للموضوع القديم


لأن ما فيه داعي ان انحن نرجع ونعيد في هالموضوع





تحيااااااااااااااااااااااااااااااااااااااااااااااا اااااااااااتي لــــــــــــــــــــــــــــكــــــــــــــــــــ ــــم

[margog]

وش السالفه
وليه اساسا اسامي الامهات ولا اخوات
اصلا الانسان ينتسب لابيه هذا اولاا وليس لامه وكونه انه يفشل من انه يذكر اسم امه ماعتقد لان مافيه شي يدعو للذكر او الحيا واذا طلب منه في موضوع مهم مثل دفتر عائله او جواز او اي شي مستشفي صدقني اختي رايح يقوله وبكل سهوله يعني مافيه اي تعقيد او احرج من الشخص وبالنسبه للصحابيات مايقارنن مع الحين هذولا صحبايات وزجات الريسول صلي الله عليه وسلم
هذا اللي عندي وحبيت ابدي رايي فيه
وانا ولد امي ايسمها متطور ودي اقوله بس اخفا تضحكون علي
<<<<<<<<< اسم امه (( سماهر )) وانا ولد سماهر ماش ماتركب
تحياتي للجميع