ومن الناس

[رحيق الياسمين]

مـوالـه الـحـزيـن

( مـن الـنـاس )


.. . .. . ..

من الناس
وفولي ولافي يوم خانوني

ومن الناس
وقت الشده وقت الضيق واسوني

ومن الناس
ما ظنيت بعد الوصل ينسوني

ومن الناس
مثل العدو تالي العمر حسبوني


هجرني خلي ما وفا لي الدين
وانا الكنت الأخو وأضمه بالعين

ترك إيدي وأنا المديت إله إيدين
أصاب بهجره قلبي بأقسى جرحين


ومن الناس
عشنا سنين وأحلى أيام وياهم

ومن الناس
ع الراس بنوايا الطيب شلناهم

ومن الناس
ما خلتنا أي أحوال ننساهم

ومن الناس
قلب لو روح يبغوها عطيناهم


ياخلي موفق وعين الله ترعاك
عسى دوم السعاده والفرح وياك

محبتنا تظل لو صعب ألقاك
ياناسيني أبد ما لحظة بنساك

.. . .. . ..

[فقيدة امها]

أخيتي رحيق

نثرت فابدعت

لحروف أخرجت جمالا

كلماتك رااااائعه تنساب لقلوبنا

غاليتي لك احترامي وتقديري

[رحيق الياسمين]

حياك الله غاليتي

منوره متصفحي قلبوووووو

[عبدالرحمن الفهد]

يا رحيق بعض الناس ما عنده إحساس

الله يعين أرض عليها تشيله

أنشهد إن الناس يا رحيق أجناس

فيهم سنا فيّ وفيهم هبيلة

فيهم شجاع سمعته ترفع الرأس

وقت الشدايد ذاك يسوى قبيلة

كنه حفيد الزير سالم وجسا س

سيفه على كتفه ذراعه طويلة

كريم سبلا يذبح الرأس لرأس

ماهو عن الضيفان نفسه بخيلة

نفسه رفيعة ما وضعها للد ناس

ولا رماها في دروب الرذيلة

واما ا لردي ماله الناس مجلا س

نفسه في المجلس تراها ثقيلة

هذا ك ما من قربه إلا تراء بأس

حتى ولو كانت هروجه جميلة

ما توزن أنواع المعادن مع الماس

الماس مافي السوق مثيله

الماس له جودة وقيمة ومقياس

وأنا عليه عهد ما أرضى بديله

للمر كأس وللحلى يا فتى كأس

والعقل عندك عده أكبر دليله

فكر وميّز بين طيب وبلا س

واحذر ضعيف النفس لا تنتمي له

صاحب عريب الأصل وابحث عن الساس

تراء الأصالة مثلما هي أصيلة

ابحث عن الطيب تراء العرق دساس

وابعد عن الفاشل عسى الله يزيله

لا يخدعك من له جنود وحراس

ترى الخدم والمال ياختي وسيلة .