انا الغريق اللي تعلق في بقايا لوح

[فقيدة امها]

انا الغريق اللي تعلق في بقايا لوح

وحانت ساعة الفرقى وخاطر مهجتـي مجروح
عليم الله من عقبـك تعبـت ولاعرفـت ارتـاح



وكيف ارتاح ؟! وغيابك جرح كل الحكي والبوح
جرحت الروح والخاطر ودمعي من عيوني طـاح



عطيتك من غلا روحي مشاعر (ياعديل الروح)

ولاجاني سوى الفرقى وذكرى كلبوهـا جـراح



دخيلك ليه تتركني؟! وتتـرك هالغـلا وتـروح
عطيتك أصدق شعوري من أشواق وغلا وأفراح



أبادلك الوصل دايم .. ويرجع هالوصل مذبـوح
يجيك القلب متعافي .. ويرجع ممتلـي برمـاح



فقدت النوم والراحه / فقدت الخاطر المشـروح
أشوف أيامي وعمري تناثـر : كنـه المسبـاح



غدى كل شي في وجهي من آثار الغلا / مفضوح
تشوف الهم بعيوني / وشوقي ، والغلا فضّـاح



تعال أسمع صدى صوتي من فراقك غدى مبحوح
تعال ولملم جروحـي وناظـر مابقـى وأنسـاح



انا مثل الغريق اللـي تعلّـق فـي بقايـا لـوح
يقاوم ماتلاعب به من أمـواج البحـر وريـاح



فديتك بس علمني وقلّي وش جرى بوضـوح ؟!
ترى شوقي لو أوصف لك على جمر الغلا فوّاح



بنيت بداخلي لجلك من ضلوع الصدور صـروح
دخلت القلب وأغلقته / وقلبـي مالـه المفتـاح



فديتك بطلبـك حاجـه تخلّـي وصلنـا مفتـوح
طلبتك لاتقاطعني ! تـرى بعـض الغـلا ذبّـاح



اذا غلطان في حقّك !! ترى بعض الزعل مدموح
عسى تشفع لي همومي ودمع ٍ في وداعك طـاح



أحاول أحبس دموعي وأنا من داخلـي مجـروح
ابي أرتاح لاغبت .؟! وتعبت .! ولاعرفت أرتاح



وكيف أرتاح بس قلّي وانا من غيبتـك مذبـوح
مثل طفل ٍ يشوف أمّه واذا غابت عليهـا صـاح

[عبدالرحمن الفهد]

صحيت يا جرحي؟ بديت تغرق الغرقان

تسكب دموعك..ليش الألم مسكوب؟؟

كذا جرحي فقد أمه طفل يعاني الحرمان

في غيابها يطلب وابد ما نال مطلوب

يذكر زمانه والحنان وكل ما قد كان

ويتوسد أحزانه بعد شمس الغروب

كفاية يا جرح هاك من اللعب ألوان

شخبط جدار الزمن من كل صوب

ارسم ع وجهك بسمة في بعض أحيان

مغصوب تمحي الحزن والدمع مشطوب

[نور الأصايل]

ابدعت في الإختيار
جزاك الله كل خير

[بنت الاصول]

غاليتي فقيدة امها
احسنتي الاختيار كلمات في منتهى الروعة
مواضيعك دائما رائعة كروعتك يالغاليه استمري على ذالك
بارك الله فيك وجزاك كل خير