قصيدة الأميرة مها السديري في رثاء زوجها الأمير نايف رحمه الله

[فقيدة امها]

الشاعره غيوض ترثي زوجهآ الامير نايف بن عبدالعزيز رحمه الله

العآم يا ام سعود كآن الحزن ضيف
واليوم دق أوتآده الحزن فينآ

الحزن غيمه غيبت نجمة الصيف
وبأسباب جوره ياجواهر شكينا

غاب الحبيب ولابقى للهنآ طيف
والآه يانوره تهــاوت علينا

كن الظهر ياسعود فيه انغمد سيف
والصدر صار لكل الاوجاع مينا

اقول يامحمد متى فآرق وكيف؟
واصيح ياسآره متى هو بيجينا

يانوف من عقبه ترى بسمتي زيف
جف الفرح من حولنا وانطفينا

ابوك يانواف ماله تواصيف
وانشد مشاعل كان مثله لقينا

والكون ياهيفاء بلا ظله مخيف
واعذر بكانا يافهد لو بكينا

كان القمر كان البحر والمجاديف
كان الحنان اللي بحضنه دفينا

وكان الملاذ لشآكي الضيم والحيف
كم شال عنا كم خذآ من يدينا

عآش ورحل كله مهابه وتشريف
جار الحرم فوق الحكي لو حكينا


والله لو كان المقدر على الكيف
ماغبت يانايف ولا احنا ضمينا

كل مارخيت الجفن جدت عواصيف
والشوق ثار وفارقتني السكينا

وشفتك مثل شمسً بروس المشاريف
نورك يناديني وانا اقول وينآ

وألقآك واصحى وألمحك راقي النيف
حيٍ ولو صلت عليك المدينآ

احسك بجواي ماهي تخاريف
ياسآكن عيون المهآة الحزينآ

في ذآ جلسنا بين صمت وسواليف
وفي ذآ الممر اثنينا كم مشينا

وفي هالزوآيآ كم جمعنا مواليف
وياما على ذيك المرآيآ ضوينآ

عشرة عمر ماتنتهي بالصواديف
وذكرى تبي تحيا ولو مابقينآ

الموت يانايف كتآب وتصآريف
وحنا بحكم اللي خلقنآ رضينآ



مها بنت محمد الأحمد السديري

(( غيوض ))

[مقبل]

غاب الحبيب ولابقى للهنآ طيف
والآه يانوره تهــاوت علينا

كن الظهر ياسعود فيه انغمد سيف
والصدر صار لكل الاوجاع مينا


الله يرحمه اسد السنه

تحياتي فقيدت امها

[صياد دمشق]

ابيات رائعة ومعاني جميلة صح لسان قايلها ومشكورة يامشرفتنا على الموضوع وجزاكِ الله عنا كل خير ولاافجعكِ الله بعزيز

[فقيدة امها]

المشاركة الأصلية كتبت بواسطة هآي تآليهآ   غاب الحبيب ولابقى للهنآ طيف والآه يانوره تهــاوت علينا كن الظهر ياسعود فيه انغمد سيف والصدر صار لكل الاوجاع مينا الله يرحمه اسد السنه تحياتي فقيدت امها

اللهم آآمين..

أهلا بك أخي الكريم هآى تآليها

أشكرك علي كرم حضورك ومرورك

لك احترامي وتقديري ..

[مآهر]

عيوض كتبتهآ من قلب
صح لسآنها ، والله يرحم أبو سعود
والشكر موصول لـك

[فقيدة امها]

المشاركة الأصلية كتبت بواسطة صياد دمشق   ابيات رائعة ومعاني جميلة صح لسان قايلها ومشكورة يامشرفتنا على الموضوع وجزاكِ الله عنا كل خير ولاافجعكِ الله بعزيز

أهلابك أخي الكريم صياد دمشق

جزاك الله خير على هـ الدعوه ولك بالمثل ايها الفاضل

كل الشكر والتقدير لمرورك الجميل بارك الله فيك