قصيدة رثاء في المرحوم إبراهيم بن فهد السويلم

[دنياك دنياي]

قصيدة رثاء في المرحوم إبراهيم بن فهد بن إبراهيم السويلم الذي توفاه الله في الهند يوم الجمعة 2/1/1434هـ

علم لفاني كدر النفس تكدير

وهلت دموع العين مما دهاها

يوم قيل أبو سالم خذته المقادير

بأرض الهنود اللي ما عمره وطاها

لكنَ وسط الصدر لافه مسامير

والحلق وسطه عبرةٍ ما كماها

ما دبر الله كان للعبد ويصير

لاجا الأجل ما عاد ينفع دواها

والموت حق جعلها خاتمة خير

ذي سنة الله في عباده قضاها

قبل السفر طيب تجيه المسايير

عنده سواليف العرب ما نساها

اللي قضى عمره من الحفر لتمير

وحده بريده والمدينة وراها

وعفيف والبره وثادق مع البير

في المملكة ولا طلع من حماها

خلف عيال من ارجال مشاهير

مع أسرةٍ له أحسن الله عزاها

مرحوم يا شيخ فقدناه بسدير

غيبتك عن دنياك كل بكاها

يصبر على المعسر لوقت التياسير

مواقفه بالطيب كل حكاها

بالحل يا اللي دايم يذكر بخير

عسى على قبره شآبيب ماها

في روضة خضراء وجنة وتبشير

وبرحمة الله مسكنه في علاها

مرحوم يالطيب ولا فيه تقصير

دين وكرم وكل المراجل مشاها

يالله عسى ماجاه طهور وتكفير

واغفر ذنوبه وزلة ما نواها

صلوا على المختار ما غرد الطير

وعلى النبي وأعداد نسمة هواها

قالها نسيبه المتأثر بموته الشاعر/ عبد الله بن حمد بن سليمان الغيامة.

[صـــويب]

رحم الله الشيخ إبراهيم رحمة واسعة واسكنه فسيح جناته وعظم الله اجركم فيه


قصيدة مؤثرة حيل .. وصح الله لسان الشاعر عبدالله الغيامه واحسن الله عزاه وعزا الجميع


وليف الصف الأول ما تخلف عن مكانه يوم .. بكاه اليوم دربه والمكان ومصحفه يبكيه ، والله يغفر له ويرحمه ويغمد روحه الجنة



شكراً لك أخوي

[مذهل]

اشكر ذائقتك الفريده
وانتقائك الجميل
راااااااااائعه
بوح صادق تقبل مروري وصح لسانك دنياك دنياي
ولك تحياتي وفالك طيييييييب رحمه الله رحمة وآسعه وجميع المسلمين

[المحارب]

رحم الله السويلم واسكنه الجنة وعزنا لاابناه
مشكور اخي دنياك والشكر موصول للشاعر
الغيامة صح لسانك جزاك الله الخير