ما غبت من ضيق

[عبدالله الشويمان-الرعد]

السلام عليكم ورحمة الله وبركاته..


مدخل...
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا اهل المنتدى دون تصفيق=ورد التحيه ترضي اللي هداها
وكان العذر عند الرجال المطاليق=يشفع لي عن غيبه طويلن مداها
هذا مناي ومطلبي يا المخاليق=وان ما حصل نفسي تخيب رجاها
جيت ومعاي محبكات الطواريق=عسى تجملني الى احدٍ قراها
وما غبت انا عن منتدى سدير من ضيق=مير الظروف احيان تفرض هواها
[/poem]

واليكم هذه القصيده اتمنى ان تحوز على رضاكم..

مغاوير النزال...

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابدا بسلام الله عليكم يالرجال=قبل يفوع الشعر وابدابه اذيع
ودام الهجوس يمد قافٍ بالعدال=بسرد بيوت الشعر ما دمت استطيع
الوقت طاب وفرحتي فوق الخيال=في ليلةٍ عشنابها الفرحه جميع
نشارك بفرحة مغاوير النزال=ذخر الوطن ليمن دعاهم للفزيع
وولاد وايل مانثنوا دون الجزال=طولاتهم طولات مقدامٍ شجيع
تخرجوا ضباط ولا شك وجدال=من يطلب العليا وصل منزل رفيع
ومبروك مليون وعدد حب الرمال=أقولها إلكل عنزي حتى الرضيع
واطلب من الله ربنا هو ذالجلال=يحفظ وطنا والعدو جعله صريع
وعسى الأمن بالمملكه حد الكمال=ويعيش شعب بلادنا بامن وربيع
في حكم من هم فوق هامات الجبال=آل السعود اللي لأمر الله تطيع
في خدمة البيتين حسنين الفعال=ويدعون للاسلام بالكون الوسيع
وياللي تخرجتوا وسويتوا احتفال=عندي وصيه واحفظوها لا تضيع
ترى القسم ما هو بمزح ولا هبال=خلوه نصب عيونكم سدٍ منيع
كلمة شرف ما تحتمل اية ميال=والله على عرشه لناطقها سميع
وطاعة ولي الامر من حسن الخصال=واخلاصكم للمهنه من اجمل صنيع
الله يقويكم على حمل الثقال=ويجعل توافيقه تحالفكم جميع
واختم واصلي اعداد ذعذاع الشمال=على النبي المصطفى اطيب شفيع
[/poem]
عبدالله الشويمان-الرعد

[بقايا الذكريات]

اللهم صلي وسلم على اشرف خلقه


قصائد وكلمات تخط بماء الذهب اخي عبدالله سلم الله يمينك وصح لسانك

[بنت الاصول]

وعليكم السلام ورحمة الله وبركاته
واهلا وسهلا بعودتك اخي الكريم عبدالله الى اخوتك واخواتك في هذا الصرح الرائع

وصح لسانك وعلى شانك على هذه القصيدة الرائعة والجميله

بارك الله فيك

[المحارب]

عليكم السلام ورحمة الله وبركاته صح لسانك اخي تحياتي

[عبدالله الشويمان-الرعد]

المشاركة الأصلية كتبت بواسطة بقايا الذكريات   اللهم صلي وسلم على اشرف خلقه قصائد وكلمات تخط بماء الذهب اخي عبدالله سلم الله يمينك وصح لسانك

الله يسلمك ن كل شر يقايا الذكريات

واشكرك على الاطلاع.

دمت بخير وصحه وسلامه..

ومبارك عليكم الشهر مقدماً

[عبدالله الشويمان-الرعد]

المشاركة الأصلية كتبت بواسطة بنت الاصول   وعليكم السلام ورحمة الله وبركاته واهلا وسهلا بعودتك اخي الكريم عبدالله الى اخوتك واخواتك في هذا الصرح الرائع وصح لسانك وعلى شانك على هذه القصيدة الرائعة والجميله بارك الله فيك

صح بدنك والله يطول بعمرك بنت الاصول

اشكرك على الاطلاع

دمتي بخير وصحه وسلامه..

ومبروك عليكم شهر رمضان مقدماً

[عبدالله الشويمان-الرعد]

المشاركة الأصلية كتبت بواسطة المحارب   عليكم السلام ورحمة الله وبركاته صح لسانك اخي تحياتي

صح بدنك يا المحارب

واشكرك على الاطلاع

دمت بخير وصحه وسلامه ولا هنت.

مبروك عليكم شهر رمضان مقدماً.

[فهدعيسى]

يعطيك العافية