( يالله عسى المرزم )

[النــاقد]

( يالله عسى المرزم )

يالله عسى المرزم اللي لاح براقه = اللي من اعصير وعيوني تراعي له
نون بروقه بوسط المزن شعاقه = مخايله تجذب العشاق ويخيله
عساه فوق الجزيره يرخي اشناقه = بمر الولي فوقها ينثر هماليله
يركز عليها لياما يعلن اغداقه = من حد جيزان لطراف العويقيله
ياما يقولون فيه المملكة ضاقه = على جميع البلاد ارخى مخاييله
من بعده الدار كله تخضر اوراقه = تعجبك شوفه خزاماها واكاليله
تفرح به اهل الدبش قنايه الناقه = ان جاه علم الحيا تعلن محاويله
والذود من وسط شبكه تعلن اطلاقه = يازين بالروض ياشرت مخاليله
وتفرح به اللي لشوف البر مشتاقه = ناسن غلا البر وسط اعماقه تشيله
مالوم نفسن لحب البر عشاقه = البر نفس الشقي يجلا غرابيله
نفسي على الخايع الممطور تواقه = عندي هواء البر ماشين يحالي له
انا اشهد انه هوى قلبي وترياقه = وهو طب روح الهواوي ياغشى ليله
معي رجالن لحب الطيب سباقه = كل ابلجن يانطق تطرب تماثيله
زين المهيل يامن الغشمري ساقه = من دلتن كيف راسي من فناجيله
هذا مرامي وكل انسان واذواقه = وماقدر الله على المخلوق ياتي له

[بنت الاصول]

مالوم نفسن لحب البر عشاقه = البر نفس الشقي يجلا غرابيله

اللللله كلمات رائعة وجزلة يخاطب فيها الشاعر المطر والبر والربيع
الله يعطينا الربيع والامطار يارب

سلمت ذائقتك اخي الكريم ولا شلت يمينك على نقلها

وصح لسان قايلها

اخي تقبل مروري المتواضع

[ابو الوردتين]

معي رجالن لحب الطيب سباقه = كل ابلجن يانطق تطرب تماثيله
مما راق لي اخي الناقد كلمات رائعه
اسمح لي ابدي اعجابي بقلمك وتميزك واسلوبك الراقي وتالقك

[النــاقد]

واسمحوا لى اختى الفا ضله واخى الفا ضل ,,ان اقدم لكم شكرى امتنانى لتشريفكم العزيز,

[أبو حمـد]

أبيات رائعة واعجبتني ،، ويبدو أن صاحبها من أهل الجنوب أو ربما من ديار الطائف والنماص والباحة ،، حيث الامطار الموسمية التي تهطل في فصل الصيف ،، فنجم المرزم (الشعرى اليمانية) يدخل في شدة الحر ،،


صح الله لسانك ولسان الشاعر ،، وسلمت لنقلها ،،



تحيتي ،،

[بقايا الذكريات]

فعلا ابيات تذكرنا بالوسمي وهماليله

يارب يرزقنا المطر والسيل


ويسعدك اخي الناقد دوم مميز في كل انتقاء