هديت قصر بالغلآ كنت بانيه

[فقيدة امها]

هديت قصر بالغلا كنت بانيه
والنفس طابت يوم بيح خفاها

جرحت قلب ساكن في محانيه
واعميت عين كنت تسكن صباها

جهلت شخص بدت الناس تعنيه
وجهلت من نفسك يدور رضاها

ليه الخطأ منك تزود مكاويه
وسط الحشأ نار توقد سناها

هذي حقيقه مابها زود تمويه
منها السعاده مظلم لي سماها

بالله لامني كرهتك من اغليه
حطيتني بين السنين ورحاها

وان هيت ود ماتوقعت تنهيه
واوصلت نفسي بالجفأ منتهاها

ليت الجفأ موعد ليا جيت توفيه
واصبر عسى نفسي تحصل رجاها

دامك تجاهلت العطأ ليه ترجيه
اترك يديني وش تبي من عطاها

ماهي بهم من خفووق معنيه
محد يحس بجمره ماوطاها

ولا الغلا طالبك لا عاد تطريه
من بااع سااعات الوفأ ماشراهاا

[نور الأصايل]

للأسف
القصيدة ظهرت بأحرف
لاهي أنجليزية ولآ هيروغليفية
ما أدري الخطأ من المتصفح لدي
أو الموقع

[بنت الاصول]

انسخها وغير اشكال الاحرف وتضبط معك

[المحارب]

سلمتي مشرفتنا الكريمة ابيات رائعة شكرا وكل احترام

[فقيدة امها]

المشاركة الأصلية كتبت بواسطة نور الأصايل   للأسف القصيدة ظهرت بأحرف لاهي أنجليزية ولآ هيروغليفية ما أدري الخطأ من المتصفح لدي أو الموقع

غريبه مع انها واضح لنا وأعتقد للكل هنااا

ومع ذالك اسعدني تشريفك الجميل

لاهنت مراقبنا نور

[فقيدة امها]

المشاركة الأصلية كتبت بواسطة المحارب   سلمتي مشرفتنا الكريمة ابيات رائعة شكرا وكل احترام

يسعدك ربي أخي المحارب

دوماً يزدان متصفحي بحضورك

لك وافر الشكر والتقدير

[بقايا الذكريات]

دائما مميزه ورائعه في كل شيء


دمتي متالقه يالغلا

[فقيدة امها]

ودوماً حضورك يترك بصمه مميزه في صفحاتي يالغاليه
لاعدمت هذا التشريف القيم
شكراً لك بحجم السماء