اشتر كالف ولا تكلّف ..

[أبو حمـد]

السلام عليكم ورحمة الله وبركاته ،،

هذه قصيدة رائعة للشاعر فيصل بن عسكر المهلكي ،، اعجبتني وودت عرضها عليكم ،،

وأرجو أن تحوز استحسانكم ،،

[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
المزون اللي هماليلها ماهو سَبل = غشنةٍ تملا خباري نتاج وسومها
سيّلت وديان وسهول وخبوت وجبل = وامّ سالم غطرفت باللحن في حومها
واستراح الخافق اللي على الضيقه جُبل = والقصيده خبّر اعلان وقت قدومها
جات في دنيا غثاء وشْعَراها بالهبل = مير دام انّي ابوها لاضفّ هدومها
راس صاغ الحرف ماركّب تروس ودبل = يشري فروع البضايع مايخشى سومها
صاحبي لوطال وقت الرخا ماهو قُبل = انت في دنيا مريبه تبذّ حتومها
قيل مايقنا الرجل غير طيبه من قَبل = والرجال افعالها اللّي تسيّر قومها
راحت اقوامٍ تصَف بالرحابه والنُبل = واستجدّ اقوام مدري وكيف علومها
قوم تفرقهم عصايه ويجمعها طبل = وش ترجّى في عرب علمها لرخومها
افتكر في دبرة الله وفي خلق الابل = العمى ودّه بنظره يشوف رسومها
القلوب إلها نحيّه على كلّ السُبل = والديَر والها دلايل تدلّ حزومها
ومن يعضّه دابٍ يخاف من جرّ الحبل = وناس تتبع مصلحتها حشا مالومها
قالوا اشتر كالف ولاتكلّف لك دبل = والنتيجه في التوالي تبان رقومها
والله اني ماسمع الضعف وعلوم الخبل = بس يوم الناس جوني عطيت قسومها

[/poem]
[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
[/poem]

[بنت الاصول]

ومن يعضّه دابٍ يخـاف مـن جـرّ الحبـل

ونــاس تتـبـع مصلحتـهـا حـشـا مالومـهـا

صح لسان قايلها

وسلمت يمين وذوق ناقلها

شكرا لك اخي حمد ولد ابو حمد على اتحافنا بها

[فقيدة امها]

صح السان قائلها وناقلها وسلمت تلك الأنامل
قصيده رائعه جدا واختيارمميز
شكراً لك أستاذ حمد ولد أبو حمد

[المحارب]

قالوا اشتر كالف ولاتكلف لك دبل
والنتيجة في التوالي تبان رقومها

صح السانك والسان الشاعر شكرا استاذي

[حتما ً سأكون]

وعليكم السلام ورحمة الله وبركاته

قصيدة جزلة صح لسان الشاعر وصح بدنك على النقل الجميل
ذائقة متفرده .. أهنيك واشكرك لمنحنا هذه الباذخه

ياعزيزي لست بشاعره مثلك ومثل المحارب الله يهنيكم ..

فياليت توضح لي آخر بيتين من القصيده وأكون لك من الشاكرين ..

[أبو حمـد]

شكراً لمروركم الكريم ،،

أخت حتماً سأكون ،، أنا لست بشاعر وإنما هي هواية ،، بالنسبة للبيت قبل الأخير ،، قالوا اشتر كالف ولا تكلّف لك دبل هذا مثل ،، وعادة الشعراء عندما يقتبسون من اقوال غيرهم يبدأوه بعبارة قيل أو قالوا ونحوه ،، وقد اقتبس الشاعر مثل اخر في قصيدته ،،

وهذا المثل مشابه لأمثال اخرى مثل الغالي ثمنه فيه ،، واشتر كالف أي ذو الجودة العالية ولا تشتري رخيص يكلفك صيانته اضعاف ثمنه وفي النهاية تتخلص منه ،، وهذا المثل يستخدم في مجالات عديدة ،، وقد وضفه الشاعر في نصحه لصديقه وبالغ في نصحه ضمن نصائح عديدة أوردها في القصيدة ،، ومفاده بأن عليك مصاحبة الاخيار واختيار الاصدقاء أهل الصلاح والورع ،، ففي صحبتهم الخير كله والنتيجة تبان في النهاية بالسعادة في الدنيا والأخرة ،،


شكراً لك ِ

[حتما ً سأكون]

الله يعطيك العافيه ..الف شكر

[بقايا الذكريات]

اخي ابيات رائعه مميزه جزله كما تعودنا منك الرقي بالذوق والذائقه